Yeremiya 15:4 - Bibliya Yera 1951 1967 (Burundi)

⁴ Kandi nzobagira akabarore mu bihugu vy’abami bose bo mw isi, kubga Manase mwene Hezekiya, umwami w’i Buyuda, kubg’ ivyo yakoreye i Yerusalemu.

Yeremiya 15:4 ပူးပေါင်းရင်းမြစ်များ

2 Abami 21:1

Manase yagiye ku ngoma amaze imyaka cumi n’ibiri; ayimarakw imyaka mirongwitanu n’itanu ar’ i Yerusalemu; nyina yitwa Hefusiba.

2 Abami 21:15

kuko bākoze ibibi imbere yanje, bakantera umwikomo bakandatsa, uhereye ku musi ba sekuruza bāviriye muri Egiputa gushitsa na bugingo n’ubu.

2 Abami 21:2

Akora ivyo Uhoraho abona kw ari bibi, aja mu bizira vy’ubuyobe vy’abanyamahanga, abo Uhoraho yari yarirukanye imbere y’Abisirayeli.

2 Ivyo ku Ngoma 33:1

Manase yagiye ku ngoma amaze imyaka cumi n’ibiri; ayimarakw imyaka mirongwitanu n’itanu ar’ i Yerusalemu.

2 Ivyo ku Ngoma 33:2

Akora ivyo Uhoraho abona kw ari bibi, aja mu bizira vy’ubuyobe vy’ abanyamahanga, abo Uhoraho yari yarirukanyei mbere y’Abisirayeli.

Yeremiya 24:9

mbere nzobatanga batererekanywe irya n’ino mu bihugu vy’abami bose bo mw isi, ngo mbagirire nabi; bazoba igitutsi n’iciro ry’imigani n’agatwengo n’ ibivume, ahantu hose aho nzobirukanira.

Yeremiya 29:18

Nzobirukanisha inkota n’inzara n’ikīza, mbatange batererekanywe irya n’ino mu bihugu vy’abami bose bo mw isi, ngo babe ibivume n’akajoreza n’ abo kuvuzwakw agahwa n’igitutsi mu mahanga yose aho nabirukaniye;

Yeremiya 34:17

Nuko rero, uku ni ko mvuze, jewe Uhoraho, nti Ntimwanyumviye, ngo mutange umwidegemvyo, ng’ umuntu wese arekure mwene wabo, umuntu wese arekure mugenzi we: nuko rero nanje ntanze umwidegemvyo kuri mwebge, ni jewe Uhoraho mbivuze, w’inkota n’ikīza n’inzara; kandi nzotuma mutererekanywa irya n’ino mu bihugu vy’ abami bose bo mw isi.

Yeremiya 9:16

Kandi nzobasābagiriza mu mahanga batigeze kumenya canke ba sekuruza babo: kandi nzorungika inkota ndayibakurikize gushitsa mbamaze.

GUCURA INTIMBA 1:8

Yerusalemu hakoze ivyaha birengereje; ni co catumye hahinduka nk’ikintu giteye iseseme: Abāhora bahubaha bose basigaye bahakēngēra, kuko babonye ubgambure bgaho: N’ukuri haraniha, hakarora irya.

EZEKIYELI 18:19

Yamara muravuga ng’ Umwana n’iki kimubujije kuzira ibigabitanyo vya se? Ereg’ umwana ni yakora ibitunganye n’ibikwiye, akitondera ivyagezwe vyanje vyose, akabishitsa, ntazobura kubaho.

EZEKIYELI 23:46

Kuk’ ukw ari k’Umwami Uhoraho agize, ati Nzobavyukiriza igitero, mbatange bateragiranwe hirya no hino kandi basahurwe.

Abalewi 26:33

Namwe nzobashwiragiriza mu mahanga, nsokōre inkota, mbirukane; igihugu canyu kizosigara gitamāriwe, n’ibisagara vyanyu bicike imisaka.

Gusubira mu Vyagezwe 28:25

Uhoraho azotuma muneshwa n’abansi banyu: muzojana inzira imwe mubateye, mu kubahunga muce mu nzira ndwi; muzoba akūmiza mu bihugu vyose vyo mw isi.

Gusubira mu Vyagezwe 28:64

Kand’ Uhoraho azobashwiragiriza mu mahanga yose, uhereye ku mpera y’isi ugashitsa ku yindi; kandi muzosabiray’ izindi mana z’ibiti n’iz’amabuye, mutigeze kumenya, ari mwebge canke ba sogokuruza banyu.