Yeremiya 12:7 - Bibliya Yera 1951 1967 (Burundi)

⁷ Nahevye inzu yanje, nataye ishamvu yanje; narekuriye inkundwakazi y’umutima wanje mu maboko y’abansi.

Yeremiya 12:7 ပူးပေါင်းရင်းမြစ်များ

Yesaya 2:6

Kukw abantu bawe, ari bo nzu ya Yakobo, wabahebeshejwe n’uko buzuyemw’ imigenzo ivuye i burasirazuba, bakaragura nk’Abafilisitiya, kandi bakifatanya n’abana b’abanyamahanga.

Yeremiya 11:15

Mbeg’ inkundwakazi yanje igikora iki mu nzu yanje, ko yakoze ibiteye isoni? Mbeg’ amasezerano yawe n’inyama z’ibimazi ugira ngo vyogukiza? Canke ben’ ivyo ugira ngo vyokurokora?

Hoseya 9:15

Ibigabitanyo vyabo vyose vyagaragariye i Gilugali; ni ho nabazinukiwe; kubg’ ibigabitanyo vy’ivyo bakoze nzobirukana mu nzu yanje; sinzoba nkibakunda ukundi: abaganwa babo bose n’ abagarariji.

Luka 21:24

Bazokwicwa n’ubugi bg’inkota, bazojanwa mu mahanga yose ar’inyagano: kand’ i Yerusalemu hazosiribangwa n’abanyamahanga, kugeza ah’ ibihe vy’abanyamahanga bizoshirira.

Yoweli 3:2

nzokoraniriza hamwe amahanga yose, mbamanukane mu kiyaya ca Yehoshafati; ni ho nzobavuganiriza, mbūrana abantu banje, ni bo shamvu yanje Abisirayeli, abo bāsābagirije mu mahanga, bakīgaburira igihugu canje.

Yoweli 2:15

Ni muvugirize inzamba i Siyoni, mushinge igihe co kwisonzesha, mutāngāze hose, habe ikoraniro ry’agahebuza,

EZEKIYELI 24:21

riti Bgira ab’ inzu ya Isirayeli, ut’ Uku ni k’Umwami Uhoraho agize, ngo Ngira mpumanye ahantu hanje hēra, aho mwishimira yukw ari ho bubasha bganyu, mukahamizakw amaso, imitima yanyu ikahagirira igishika; kand’ abahungu banyu n’abakobga banyu mwasizeyo bazoririkwa n’ inkota.

Yeremiya 51:5

Kukw Abisirayeli atar’ intābga, cank’ Abayuda, ku Mana yabo, ni we Uhoraho Nyen’ ingabo, nah’ igihugu cabo cuzuye ivyo bācumuye k’Uwera w’Abisirayeli.

Yeremiya 7:29

Ni wiharangure umushatsi, ewe Yerusalemu, uwushibure; uheze uturike uborogere ku mpinga mu ruharabuga; kuk’ Uhoraho yaciye ab’ uru runganwe yarakiye, akabaheba.

Yeremiya 7:14

nuko rero, nk’uko nagiriye i Shilo, ni ko nzogirira iyi ngoro yitirirwa izina ryanje, iyo mwizigira, ni ho hantu nabahaye, mwe na ba sogokuruza banyu.

Yeremiya 14:19

Mbega waciye Yuda ruhebga? Umutima wawe wanse Siyoni urunuka? N’iki gitumye udukubita, tukabura ikituvūra? Twari twiteze amahoro, ariko nta vyiza twabonye; twari twiteze igihe co kuvūrirwamwo, ariko tubona ibitugwisha igihūmura!

Yeremiya 17:4

Kandi nawe uzohomba ishamvu yawe naguhaye, ari wewe uvyihamagariye; nzotuma ukorera abansi bawe uri mu gihugu utazi, kuko mwadometse umuriro w’uburake bganje uzokwaka gushitsa ibihe vyose.

Yeremiya 23:33

Kand’ aba bantu canke kamenyi cank’ umuherezi, ni hagira ūkubaza, at’ Imbūri y’Uhoraho ivuga iki? uz’ umwishure, ut’ Ugize ngw imbūri n’iki? N’ukw agira ngw abate, ni k’Uhoraho agize.

Yeremiya 23:39

nuko rero nzobībagira rwose, nzobashiburana n’igisagara nabahānye na ba sogokuruza, ngo mumve imbere;

Hoseya 11:1

Isirayeli uhereye akir’ umwana naramukunda, maze mpamagara uwo mwana wanje ngw ave muri Egiputa.

Gusubira mu Vyagezwe 33:12

Aba Benyamini abavugako, Ati N’umutoni w’Uhoraho, kand’ azobana na we amahoro; Yama amukingiriye bukarinda bgīra, Aba mu bitugu vyiwe.

2 Abami 21:14

Kandi nzoshiburira hirya amasigarira yo mw ishamvu yanje, mbagabure mu maboko y’abansi babo, bahinduke inyagano n’isahu ku bansi babo bose;

Zaburi 78:62

Kand’ itanga n’abantu bayo ngo bicwe n’inkota, Irakira ishamvu yayo.

Zaburi 106:40

Bituma uburake bg’Uhoraho buziriringira abantu biwe, Yanka urunuka ishamvu yiwe.

Yeremiya 22:5

Ariko ni mwanka kwumva ayo majambo, iyi ngoro izocika umusaka, ndirahiye ubganje, ni jewe Uhoraho mbivuze.