Yeremiya 10:16 - Bibliya Yera 1951 1967 (Burundi)

¹⁶ Arik’ Umugabane w’ aba Yakobo we si kw ameze, kukw ari we Muremyi wa vyose; kand’ Abisirayeli ni bo muryango yagize ishamvu yiwe: Uhoraho Nyen’ ingabo ni ryo zina ryiwe.

Yeremiya 10:16 ပူးပေါင်းရင်းမြစ်များ

Zaburi 119:57

Uhoraho ni we mugabane wanje: Navuze yuko nzokwitondera amajambo yawe.

Zaburi 135:4

Kuk’ Uhoraho yitoranirije Yakobo, Isirayeli yamutoranirije kuba uwiwe bgite.

Zaburi 142:5

Ndagutakambira, Uhoraho we, Nkakubgira, nti Ni wewe buhungiro bganje, N’umugabane wanje mw isi y’abakiriho.

Zaburi 33:6

Ijambo ry’Uhoraho ni ryo ryāremye ijuru, Impwemu zo mu kanwa kiwe ni zo zāremye ingabo zose zo kuri ryo.

Zaburi 73:26

Umubiri wanje n’umutima wanje bishira umunywera, Arikw Imana ni yo gitandara umutima wanje uhungirako, kandi ni yo mugabane wanje ibihe vyose.

Zaburi 74:2

Ibuka ikoraniro ryawe waguze kera, Iryo wacunguriye kuba ubgoko bg’ishamvu yawe, Bo n’umusozi Siyoni, aho wagerereye.

Kuvayo 19:5

Uti None rero, ni mwamwumvira vy’ ukuri, mukitondera isezerano ryiwe, muzomubera inyegu yiharije, yitoranirije mu mahanga yose: uti Kukw isi yose ar’ iyiwe;

Kuvayo 34:9

Aravuga, ati Mwami, namba ngiriwe ubuntu imbere yawe, none ndakwinginze Mwami, n’ugendere hagati muri twebge, nah’ ar’ ihanga ritagonda izosi; uharire ibigabitanyo vyacu n’ibicumuro vyacu, wemere kuduhindura ishamvu yawe.

Imigani 16:4

Uhoraho yaremye ikintu cose ngo kigire ico gikora, Mbere n’abanyakibi na bo yabashizeho ngo babone umusi mubi.

Yesaya 19:25

kuk’ Uhoraho Nyen’ ingabo ahahaye umugisha, ati Hahirwe Abanyegiputa abantu banje, n’Abashuri igikorwa c’amaboko yanje, n’Abisirayeli ishamvu yanje.

Yesaya 45:7

Ni jewe nkomoko y’umuco, nd’ umuremyi w’umwiza; nd’ isōko y’impore, nd’umuremyi w’ivyago: ni jewe Uhoraho nkora ivyo vyose.

Yesaya 47:4

ni k’Umucunguzi wacu agize, izina ryiwe n’Uhoraho Nyen’ ingabo, Uwera w’Abisirayeli.

Yesaya 47:6

Nari narakiye abantu banje, mpindura igihumane ishamvu yanje, ndabakugomorera; nawe nta kagongwe wabagiriye, abatāma wabatwaje amanyama birengeje.

Yesaya 51:15

Kuko jewe nd’ Uhoraho Imana yawe, ntera ikiyaga gusuriranya, imipfunda yaco ikabomborana: Uhoraho Nyen’ ingabo ni ryo zina ryanje.

Yesaya 54:5

Kuko jewe Umuremyi wawe ari jewe mugabo wawe; Uhoraho Nyen’ ingabo ni ryo zina ryanje; Uwera w’Abisirayeli ni jewe Mucunguzi wawe; nzokwitwa Imana y’isi yose.

Yeremiya 10:12

Rurema ni yo yaremesheje isi ubushobozi bgayo, ikayihamangirisha ubgenge bgayo, ikagaranzuza ijuru ukumenya kwayo;

Yeremiya 10:6

Nta gihwanye nawe, Uhoraho, kuk’ uhambaye, kand’ izina ryawe rikaba irihambaye kubg’ ububasha bgawe.

Yeremiya 31:35

Uku ni k’Uhoraho agize, uwatanze izuba ngo ribe umuco w’ umurango, akagera ukwezi n’ inyenyeri ngo vyake mw ijoro, ni we azīkurura ikiyaga ngw imipfunda yaco ibomborane: Uhoraho Nyen’ ingabo ni ryo zina ryiwe:

Yeremiya 32:18

Ni wewe ugirira imbabazi ibihumbi n’ibihumbi, ibigabitanyo vya ba se ubihōra n’abana babo babasubiriye mu gishingo: ni wewe ūhambaye, Imana y’ubushobozi, y’izina ryitwa Uhoraho Nyen’ ingabo:

Yeremiya 33:2

rit’ Uhoraho abikora, Uhoraho abirema akabikomeza, Uhoraho ni ryo zina ryiwe, uku ni kw agize,

Yeremiya 46:18

Nk’uko ndiho, ni k’Umwami agize, ari we yitwa Uhoraho Nyen’ ingabo, n’ukuri nk’uko Tabora umeze ku yindi misozi, kandi nk’ uko Karumeli umeze ku kiyaga, ni k’ūgiye kuza azoza ameze.

Yeremiya 50:34

Arik’ Umucunguzi wabo arakomeye: Uhoraho Nyen’ ingabo ni ryo zina ryiwe; azobītsa mu manza zabo, kugira ngw ahe isi kuruhuka, arikw atere ababa i Babuloni imitima ihagaze.

Yeremiya 51:19

Arik’ umugabane wa Yakobo we si kw ameze, kukw ari we Muremyi wa vyose; kandi Isirayeli ni we muryango yagize ishamvu yiwe: Uhoraho Nyen’ ingabo ni ryo zina ryiwe.

GUCURA INTIMBA 3:24

Uhoraho ni we mugabane wanje, ni k’umutima wanje wama uvuga; ni co gituma nzohora mmwizigira.

Amosi 4:13

Rāba, Umwe yabumvye imisozi, akarema n’umuyaga, akamenyesha umuntu ivyo yiyumvira, agahindura umutwenzi ukaba umwiza, kand’ agatambagira ku mpinga z’imisozi yo mw isi: izina ryiwe yitwa Uhoraho, Imana Nyen’ ingabo.

Zekariya 2:12

Maz’ Uhoraho azohindura i Buyuda habe ishamvu yiwe yo mu gihugu cera, kand’ azokwongera kwirobanurira Yerusalemu.

Gusubira mu Vyagezwe 32:9

Kukw abantu b’Uhoraho ari bo mugabane wiwe, Aba Yakobo ni bo shamvu y’ aho yigereje ibango.