Yeremiya 1:5 - Bibliya Yera 1951 1967 (Burundi)

⁵ riti Ntarakubumbira mu nda nari ndakuzi, kand’ utarava muri yo nari narakurobanuye; nagushizeho kuba ūvugishwa nanje mu mahanga.

Yeremiya 1:5 ပူးပေါင်းရင်းမြစ်များ

Zaburi 139:15

Urukanka rw’umubiri wanje ntiwaruhishwa Hamwe naremerwa mu mpisho, Hamwe naremesherezwa ubgenge i bgina mw isi.

Zaburi 139:16

Nkir’ urusoro, inyonga zawe zarambona, Mu gitabo cawe handitswemw’ imisi yanje yose, Yashinzwe hatarabaho n’ umwe.

Kuvayo 33:12

Maze Mose abgira Uhoraho, ati Rāba, wambariye ngo Dūgana abo bantu, ariko ntiwammenyesha uwo udutumanye. Yamara waravuze, uti Ndakuzi izina, kandi wagiriwe ubuntu imbere yanje.

Kuvayo 33:17

Uhoraho yishura Mose, ati N’ico uvuze na co ndagikora, kuko nakugiriye ubuntu, nkakumenya izina.

Yesaya 44:2

uku ni k’Uhoraho agize, uwakuremye akakubumba uhereye ukiri mu nda, kand’ ari we azogutabara: ati Ntutinye, yewe Yakobo musavyi wanje, yewe Yeshuruni uwo natoranije.

Yesaya 49:1

Ni munyumve, yemwe ababa ku kiyaga; namwe mahanga ya kure, tega amatwi. Uhoraho yampamagaye ntaravuka; nkiri mu nda ya mama yamvuze izina:

Yesaya 49:5

None rero, uku ni k’Uhoraho agize, ni we yambumvye nkiri mu nda ngo mbe umusavyi wiwe, ngo ndamugarukanire Yakobo, Abisirayeli bakoranirizwe kuri we; kuko nd’ umwubahwa mu nyonga z’Uhoraho, kand’ Imana yanje yambereye inkomezi;

Yeremiya 1:10

Rāba uyu musi ngushizeho kugira ubushobozi ku mahanga no ku bihugu vy’abami, bgo kurandura no gusangangura, guhonnya no gukomvomvora, bo n’ukwubaka no guteragira.

Yeremiya 1:4

Nukw ijambo ry’Uhoraho rinzako,

Yeremiya 20:15

Aravumwe umuntu yazaniye inkuru data, at’ Uvyaye umwana w’umuhungu; bikamunezereza cane.

Yeremiya 25:13

Kandi nzoshitsa kur’ ico gihugu amajambo yanje yose y’ivyo nakigeneye, ni vyo vyanditswe mur’ iki gitabo uko bingana, ivyo navugishije Yeremiya mbigeneye amahanga yose.

Yeremiya 36:2

rit’ Abīra umuzingo w’igitabo, wandikemw’ amajambo yose nakubariye abūrira Abisirayeli n’Abayuda n’amahanga yose, utanguye umusi nakubaririye, uhereye ku ngoma ya Yosiya, ugashitsa no kur’ uyu musi.

Yeremiya 50:34

Arik’ Umucunguzi wabo arakomeye: Uhoraho Nyen’ ingabo ni ryo zina ryiwe; azobītsa mu manza zabo, kugira ngw ahe isi kuruhuka, arikw atere ababa i Babuloni imitima ihagaze.

Luka 1:15

kukw azoba mukuru mu nyonga z’Umwami Imana; ntazonywa vino cank’ ikiboreza na kimwe; azokwuzuzwa Mpwemu Yera, ahereye ku kuva mu nda ya nyina,

Luka 1:41

Maze Elisabeti yumvise indamukanyo ya Mariya, inda ikinagira muri we, Elisabeti yuzuzwa Mpwemu Yera,

Luka 1:76

Kandi nawe, mwana, uzokwitwa umuntu avugishwa n’Īsumba vyose, Kuk’ uzokwītangira imbere y’Umwami Imana gutegūra inzira ziwe:

Yohana 10:36

mwebge mubgira mute uwo Data yejeje, akamutuma mw isi, ng’ Urarogose, kuko navuze nti Nd’ Umwana w’Imana?

Abaroma 1:1

Paulo, umugurano wa Yesu Kristo, nahamagariwe kuba intumwa, narobanuriwe ubutumwa bgiza bg’Imana,

Abaroma 8:29

Kukw abo yamenye kera yabatoranirije kera gushushanywa n’ishusho y’Umwana wayo, kugira ngw abe imfura muri bene Se benshi:

1 Korinto 8:3

Arik’ ūkunda Imana ni we amenywa na yo.

Abanyefeso 1:22

Kandi yamushikirije vyose, ibishira musi y’ibirenge vyiwe, kand’ imuha ishengero ngw abe umutwe waryo wo gusumba vyose,