Yakobo 3:8 - Bibliya Yera 1951 1967 (Burundi)

⁸ ariko, ururimi nta muntu yoshobora kurugunda: n’ububi bucambagirana, rwuzuye ubumara bgica.

Bibiliya mu Kirundi coroshe

⁸ ariko nta muntu ashobora kuganza neza ururimi rwiwe. Ni ikibi kitaruhuka, cuzuye ubumara bwica.

Yakobo 3:8 ပူးပေါင်းရင်းမြစ်များ

Zaburi 140:3

Basongoye indimi zabo nk’ inzoka; Ubumara bg’imvuvyi buri mu binyigishi vyabo. Sela.

Zaburi 55:21

Akanwa kiwe kanyerera nk’ amavuta, Arik’ umutima wiwe warimw’ intambara gusa; Amagambo yiwe yaremba kurusha amavuta ya elayo, Ariko yar’ inkota zisokowe.

Zaburi 57:4

Ubugingo bganje buri hagati y’intambge: Ndyama hagati y’abaka umuriro, Ni bo bana b’abantu, amenyo yabo n’amacumu n’imyampi; Ururimi rwabo n’inkota ikarishe.

Zaburi 58:4

Ubumara bgabo bumeze nk’ ubg’ inzoka: Bameze nk’imamba itumva, yiziba amatwi,

Zaburi 59:7

Ehe badudubiza amagambo mabi mu kanwa kabo, Inkota ziri mu minwa yabo: Kuko bibgira, bati Ni nde avyumva?

Imigani 17:20

Ūfise umutima udadika nta ciza abona, Kand’ ūfise ururimi rudambikanya agwa mu vyago.

Umusiguzi 10:11

Inzoka iy’ ikomoye itaragotwa, uwari kuyigota nta co aba akimaze.

Abaroma 3:13

Imihogo yabo n’imva zirangāye, Bāhendahendanishije indimi zabo; Ubumara bg’inzoka buri mu binyigishi vyabo.

Gusubira mu Vyagezwe 32:33

Vino yabo ni nk’ubumara bg’ inzoka, Mbere ni nk’ubumara bgica bg’imvuvyi.

Yakobo 3:6

Ururimi n’umuriro, n’ikibi kingana n’isi: ururimi rwashizwe mu ngingo zacu, ruhumanya umubiri wose, rudomeka ukubaho kwacu kwose, na rwo ruba rwadometswe na Gehinomu.

Yakobo 3:7

Kukw amoko yose y’ibikōko n’ibiguruka n’ivyikwega n’ivyo mu kiyaga bigundwa n’abantu, kandi bārabigunze;

Ivyahishuwe 12:9

Ca gisato c’amahēro kirakororwa, ni co ya nzoka ya mbere, yitwa Murwanizi, irindi ni Satani, ni co kizimiza abari kw isi bose, gikororerwa kw isi, abamarayika baco bakororanwa na co.