Yakobo 3:2 - Bibliya Yera 1951 1967 (Burundi)

² Kuko twese dutsitara muri vyinshi. Umuntu wese adatsitara mu vy’avuga, aba ar’ umuntu atunganye rwose, ashobora no kuganza umubiri wiwe wose.

Bibiliya mu Kirundi coroshe

² Nk’uko bisanzwe, twese dukora ibibi mu buryo bwinshi. Nihaba hariho umuntu adacumura mu kuvuga kwiwe, uwo ni umuntu atunganye, ashobora no kuzigama umubiri wiwe wose.

Yakobo 3:2 ပူးပေါင်းရင်းမြစ်များ

1 Abami 8:46

Kandi ni baramuka bagucumuyeko, kukw ata muntu adacumura, ukabarakira, ukabagabura mu maboko y’abansi babo, bakabafata mpiri bakabajana mu gihugu cabo, naho hoba hafi canke kure;

2 Ivyo ku Ngoma 6:36

Kandi ni baramuka bagucumuyeko, kukw ata muntu adacumura, ukabarakira, ukabagabura mu maboko y’abansi babo, bakabafata bakabajana mu kindi gihugu, naho hoba hafi canke kure;

Yobu 15:13

Ugatera umutima wawe kurwanya Imana, Ugatuma akanwa kawe karokomboka amagambo ameze artyo?

Zaburi 34:13

Uz’ ubuze ururimi rwawe, rwoye kuvuga ikibi, N’iminwa yawe yoye kuvuga ivy’ uguhendana.

Zaburi 39:1

Naravuze, nti Nzokwirindira mu nzira zanje, Noye gucumuza ururimi rwanje. Nzoshira ikirumyo ku munwa wanje Umunyakibi akir’ imbere yanje.

Imigani 10:19

Mw isinzi ry’amajambo ntihaburamw’ ugucumura, Arik’ uwigarura mu vy’iminwa ivuga n’umunyabgenge.

Imigani 13:3

Ūrinda akanwa kiwe azigama ubugingo bgiwe, Arikw ikirofoke kizoranduka.

Imigani 20:9

Ni nde yoshobora kuvuga, ati Niyogeje umutima, Nihumanuye icaha canje?

Imigani 21:23

Ūrinda akanwa kiwe n’ururimi rwiwe, Umutima wiwe aba awurinze amagorwa.

Umusiguzi 7:20

N’ukuri nta mugororotsi ariho kw isi akora ivyiza ntacumure.

Yesaya 64:6

Kuko twese twahindutse nk’ibihumane, kand’ ukugororoka kwacu kwose kumeze nk’impuzu yanduye; twese dukabiranye nk’ikibabi, kand’ ibigabitanyo vyacu bidukubeba nk’ umuyaga.

Abalewi 13:39

umuherezi az’ abisuzume: maze ni yasanga ivyo bibibi vyo ku mubiri wiwe vyeragurika gusa, bizoba ar’ amabara yadutse inyuma ku rukoba: uyo muntu azoba adahumanye.

Matayo 12:34

Mwa bana b’inzoka mwe, mwoshobora mute kuvuga ivyiza muri babi? Ibibōgabōga mu mutima ni vyo akanwa kavuga.

Matayo 12:37

Amajambo yawe ni yo azotuma utsinda cank’ amajambo yawe ni yo azotuma utsindwa.

Abaroma 3:10

nk’uko handitswe, ngo Nta wugororoka, nta n’umwe,

Abaroma 7:21

Ni ko mbona ikingera, yuko naho ngomba gukora iciza, ikibi kibana nanje.

1 Korinto 9:27

kandi ndwanya umubiri wanje, nkawuhindura umuja, kugira ngo kumbure mmaze kwigisha abandi, nanje ubganje sinze mboneke ko ntemewe.

Galatiya 3:22

Arikw ivyanditswe bivuga yuko vyose vyugaranywe ngo biganzwe n’icaha, kugira ngw abizera bahabge ivyasezeranywe biheshwa no kwizera Yesu Kristo.

Galatiya 5:17

Kukw akameremere kifuza ivyo Mpwemu yanka, kandi Mpwemu yifuza ivy’ akameremere kanka: kukw ivyo bihiganwa, ngo ntimukore ivyo mugomba.

Kolosayi 1:28

Natwe ni we twamamaza, duhanūra umuntu wese, twigishisha umuntu wese ubgenge bgose, ngo dushikirize Imana umuntu wese ahīngūriwe muri Kristo:

Kolosayi 4:12

Epafura w’i wanyu, umugurano wa Kristo Yesu, arabatasha, yama abarwanira mu gusenga kwiwe kugira ngo mushikame, mutunganye rwose, mumenya neza mudakekeranya ivy’ Imana igomba vyose.

Abaheburayo 13:21

ibe ari yo ibatunganya rwose mu ciza cose, kugira ngo mukore ivy’ igomba, ikorera muri twebge ibishimwa mu nyonga zayo, kubga Yesu Kristo: icubahiro kibe icayo ibihe bitazoshira. Amen.

Yakobo 1:26

Umuntu ni yigira ngo n’umunyedini, ntafate ururimi, arikw agahenda umutima wiwe, idini y’uyo izoba ar’ iy’ ubusa.

Yakobo 1:4

Arik’ ukwihangana gukwiye guhīngūra igikorwa cakwo, ngo mubone gutungana rwose muhīngūwe, mudahajije na kamwe.

Yakobo 2:10

Kuk’ umuntu wese azokwitondera ivyagezwe vyose, agatsitara kuri kimwe, azoba acumuye kuri vyose.

1 Petero 3:10

Kuko handitswe, ng’ Ūgomba gukunda ubugingo, No kubona imisi myiza, N’abuze ururimi rwiwe, rwoye kuvuga ikibi, N’iminwa yiwe yoye kuvuga ivy’ uguhendana:

1 Petero 5:10

Kand’ Imana igira ubuntu bgose, yabahamagariye ubgiza bgayo budashira muri muri Kristo, ni mwaheza kubabazwa akanya gato, izobahīngūra rwose ubgayo, izobaremesha, ibahe inkomezi.