Umusiguzi 9:9 - Bibliya Yera 1951 1967 (Burundi)

⁹ Bana umunezero, mwe n’umugore wawe ukunda, imisi yose y’ ukubaho kwawe kw’ubusa, yaguhaye musi y’izuba, ni yo misi yawe yose ipfa ubusa: kukw ivyo ari vyo mugabane wawe wo mur’ ubu bugingo, no mu miruho yawe uruhira musi y’izuba.

Umusiguzi 9:9 ပူးပေါင်းရင်းမြစ်များ

Itanguriro 26:8

Amazey’ igihe kirekire, Abimeleki umwami w’Abafilisitiya arungurukira mw idirisha, abona Isaka akinisha Rebeka umugore wiwe.

Zaburi 144:4

Umuntu ameze nk’impwemu zihumetswe gusa: Imisi yiwe imeze nk’igitūtu gishira.

Zaburi 39:5

Erega wahinduye imisi yanje nk’intambge z’intoke; Igihe c’ukubaho kwanje kuri wewe ni nk’ubusa: N’ukuri umuntu wese, naho yivuza, n’impwemu zihumetswe gusa. Sela.

Imigani 18:22

Ūronse umugore aba aronse ikintu ciza, Kand’ aba aronse ingabire k’ Uhoraho.

Imigani 19:14

Urugo bo n’itunga umuntu abiragwa n’abavyeyi, Arik’ umugore aciye ubgenge amuhabga n’Uhoraho.

Umusiguzi 2:10

Ikintu cose amaso yanje yifuza sinakiyima, kandi sinabujije umutima wanje ikinezereza na kimwe, kand’ umutima wanje wanezerezwa n’ubutame bganje bgose; kand’ ivyo bimbera umugabane uvuye mu butame bganje.

Umusiguzi 2:24

Nta kigirira umuntu ikimazi kurusha kurya no kunywa, no kunezeresha umushaha wiwe ivyiza mu butame bgiwe. Ivyo na vyo nabonye ko biva mu kuboko kw’Imana.

Umusiguzi 3:13

kand’ ikindi, yuk’ ubuntu bg’Imana ar’ uk’ umuntu wese yorya, akanywa, akanezererwa ivyiza mu butame bgiwe bgose.

Umusiguzi 3:22

Ni co catumye mbona yukw ata kintu kirenze ibi, umuntu kunezererwa ibikorwa vyiwe; kukw ico ari co mugabane wiwe: none ni nde azomugarukana kurāba ibizobaho hanyuma yiwe?

Umusiguzi 5:18

Eh’ ico nabonye kibereye kandi c’igikundiro: n’umuntu kurya akanywa, akanezererwa ivyiza bivuye mu butame bgiwe bgose, ubg’ atamira musi y’izuba, imisi yose y’ukubaho kwiwe, iyo Imana yamuhaye: kukw ivyo ari vyo mugabane wiwe.

Umusiguzi 6:12

None ni nde yomenya ico umuntu akwiye mu kubaho kwiwe, imisi yose y’ ukubaho kwiwe kw’ubusa, amara ari nk’igitūtu? None ni nde yobarira umuntu ibizoba inyuma yiwe musi y’izuba?

Umusiguzi 7:15

Ivyo vyose narabibonye mu misi yanje yapfuye ubusa: har’ aho umugororotsi akenyuka kand’ agororotse, kandi har’ aho umunyakibi aramba kand’ akora ibibi.

Malaki 2:15

Nta wokoze ben’ ivyo, Mpwemu akiri muri we. Ūmufise bimumerera bite? Yifuza kugira uruvyaro ruzokwubaha Imana. Nuko rero mwirinde mu mitima yanyu, ntihagire ūryaruka umugore wiwe wo mu bucance.