Umusiguzi 9:16 - Bibliya Yera 1951 1967 (Burundi)

¹⁶ Maze ndavuga, nt’ Ubgenge buruta inkomezi: yamara rero, ubgenge bga wa mworo bgarakēngerewe, n’ amajambo yiwe ntibaba bakiyemera.

Umusiguzi 9:16 ပူးပေါင်းရင်းမြစ်များ

Imigani 10:15

Itunga ry’umutunzi rimubera igisagara gikomeye, Arikw ikimara aboro n’ubgoro bgabo.

Imigani 21:22

Umunyabgenge yūrira inzitiro z’igisagara c’abahizi, Agasangangura ibikomeye bāri bizigiye.

Imigani 24:5

Umunyabgenge aba uw’ inkomezi, Mber’ umuntu aciye ubgenge yunguka ubushobozi.

Imigani 8:14

Inama nziza n’iyanje, bo n’ ubgenge bushitse, Ni jewe kumenya, ndi n’inkomezi.

Umusiguzi 10:10

Incabiti iy’ ipfushe, umuntu ntayikarishe, azoba akwiye kwongerakw inkomezi zo gushimika; arik’ ubgenge bugira ikimazi mu kurōngōra umuntu.

Umusiguzi 7:12

Kuk’ ubgenge ar’ ubgugamo, nk’ukw amahera ar’ ubgugamo; arikw inyungu iva mu kumenya n’iyi: n’uk’ ubgenge buzigama ubugingo bga nyenebgo.

Umusiguzi 7:19

Ubgenge bubera umunyabgenge ububasha kuruta abatware cumi bari mu gisagara.

Umusiguzi 9:18

Ubgenge buruta ibirwanishwa vy’intambara, arik’ umunyavyaha umwe adabanganya ivyiza vyinshi.