Umusiguzi 8:8 - Bibliya Yera 1951 1967 (Burundi)

⁸ Nta muntu ariho afise ububasha ku mpwemu ziwe, ngw azīgumirize, kandi nta bubasha agira bgo kubuza umusi w’urupfu; mur’ izo ntambara nta kurekurwa kuriho, kand’ uwihaye ikibi ntikizomukiza.

Umusiguzi 8:8 ပူးပေါင်းရင်းမြစ်များ

2 Samweli 14:14

Erega twese tuzopfa, tumeze nk’amazi asēseka ntayorwe. Mbere n’Imana ntiyiciraho, arikw irondera uburyo kugira ng’ uwaciwe ntaz’ arinde apfa akir’ igicibga.

2 Abami 7:15

Nuko baca aho baciye, barinda bashika kuri Yorodani; basanga inzira yose ar’ impuzu n’ibintu Abasiriya bagiye barata mu kwiruka. Nukw izo ntumwa ziragaruka zibibarira umwami.

Yobu 14:5

Imisi yiwe ko yashinzwe, igitigiri c’amezi yiwe kikaba gifiswe nawe, Ukaba waramushingiye akarimbi adashobora kurēngāna;

Yobu 34:14

Yokwisubizako Mpwemu wayo, Ikagarukana n’uguhumeka kwayo,

Zaburi 89:48

Ni nde muntu azoramba ntabone urupfu, Agakiza ubugingo bgiwe ukuboko kw’i kuzimu? Sela.

Zaburi 9:17

Abanyakibi bazosubizwa i kuzimu, Mbere n’amahanga yose yibagira Imana.

Imigani 12:3

Umuntu ntacimbatazwa n’ ikibi, Arikw imizi y’abagororotsi nta ho izonyiganyizwa.

Imigani 14:32

Umunyakibi atsindwa hasi n’ugukora nabi kwiwe, Arik’ umugororotsi agira ivyizigiro mu rupfu rwiwe.

Umusiguzi 3:21

Impwemu z’umuntu iyo zimuvuyemwo, ni nde yomenya ko zidūga? Cank’ impwemu z’igikōko iyo zikivuyemwo ko zimanuka mu kuzimu?

Umusiguzi 8:13

ariko nta mahoro azoba ku munyakibi, kand’ imisi yiwe ntazoyirambiramwo, imeze nk’igitūtu; kukw atubaha Imana ari mu nyonga zayo.

Umusiguzi 9:12

Kukw abantu batazi igihe cabo na mba; nk’ ukw amafi afatwa n’urusenga rw’ ubugesera, kandi nk’ukw inyoni zifatwa n’umutego, uko ni kw abana b’abantu bafatwa n’umutego w’igihe c’ubugesera, kibaguyeko giturumbuka.

Yesaya 28:15

Ko muvuga, muti Twasezeranye isezerano n’ urupfu, kandi twemeranije n’i kuzimu; mut’ Icago ni casendanisha kigahita mu gihugu, muti Ntikizodushikako; muti Kuko twironkeye ubuhungiro mu binyoma, tukaba tunyegeye musi y’ ubugunge:

Yesaya 28:18

Maz’ isezerano mwasezeranye n’urupfu rizopfa, kand’ inyemero mwemeranije n’i kuzimu ntizohama; arikw icago ni casendanisha kigahita mu gihugu, ni ho kizobasiribangira hasi.

Yesaya 47:10

Kuko widibamiye mu bubi bgawe ata co wicura, ukavuga, uti Nta wumbona; ubgenge bgawe n’ukumenya kwawe ni vyo bikujimije; wīyāga mu mutima, uti Ni jewe ndiho, nta wundi atari jewe.

1 Korinto 15:43

habibga igikēngērwa, hazurwa ic’ icubahiro; habibga ikinyantege nke hazurwa ic’ inkomezi;

2 Korinto 13:4

Kukw intege nke zāteye kw abambga, ariko non’ ariho kubg’ ubushobozi bg’Imana. Natwe tur’ abanyantege nke muri we, ariko tuzobanaho na we, kubg’ ubushobozi bg’Imana tubereyeho mwebge.

Abaheburayo 9:27

Kandi nk’ukw abantu bābīkiwe gupfa rimwe, hanyuma yaho hakaza amateka,