Umusiguzi 7:13 - Bibliya Yera 1951 1967 (Burundi)

¹³ Itegereze igikorwa c’Imana: none ni nde yoshobora kugorora ico yagoramitse?

Umusiguzi 7:13 ပူးပေါင်းရင်းမြစ်များ

Yobu 11:10

Iyo yiyiziye, igata abantu mu ngoyi, Igakoranya abo kuja mu rubanza, ni nde yoyibuza?

Yobu 12:14

Rāba, irasambura, ntihasubire kwubakika; Yugarana umuntu, ntihashobore kwuguruka.

Yobu 34:29

Iy’ itanze impore, ni nde yoyitsindisha? Iy’ itwikiriye mu nyonga hayo, ni nde yoshobora kuyibona? Ukw izigama ihanga ryose, ni kw izigama n’umuntu umwe;

Yobu 37:14

Umve ibi, yewe Yobu: Hagarara, witegereze ibikorwa vy’Imana bitangaje.

Yobu 9:12

Isūmira ico iteye: ni nde yoyikimiranya? Ni nde yoyibaza, at’ Ivyo ugira n’ibiki?

Zaburi 107:43

Ūgira ubgenge wese azoshira umutima kur’ ivyo, Kandi bazokwitegereza imbabazi z’Uhoraho.

Zaburi 8:3

Iyo nitegereje ijuru ryawe, igikorwa c’intoke zawe, N’ukwezi n’inyenyeri, ivyo waremye;

Umusiguzi 1:15

Ikigoramye ntigishobora kugororwa, kand’ igihaze ntigishobora guharūrwa.

Umusiguzi 3:11

Ikintu cose yakiremye ari ciza mu gihe caco: kandi yashize ivyiyumviro vy’ibihoraho mu mitima yabo, nah’ umuntu adashobora guserangura igikorwa Imana yakoze uhereye kw itanguriro ugashitsa kw iherezo.

Umusiguzi 8:17

ni ho nitegereje igikorwa cose c’Imana, yuk’ umuntu adashobora gutahura igikorwa gikorerwa musi y’izuba: kuk’ umuntu naho yokovya ate mu kugiserangura, atoruha agitahura; mbere nah’ umunyabgenge yokwibgira kw akimenye, na we nyene ntazoshobora kugitahura.

Yesaya 14:27

Uhoraho Nyen’ ingabo kw ari we yabigabiye, ni nde yobihindura? Kand’ ukuboko kwiwe ko kubānguye, ni nde yogupfunya?

Yesaya 43:13

Eka ndi yo, uhereye no ku musi w’itanguriro; kandi nta woshobora kugira ico arokora ngw agikūre mu kuboko kwanje. Jewe ico nkora, ni nde yokibuza?

Yesaya 5:12

Mw inywa ryabo bagira inanga n’ikembe n’agashako k’ingoma n’umwironge na vino; yamara ntibītegereza igikorwa c’Uhoraho, ntibashira umutima ku gikorwa c’amaboko yiwe.

Daniyeli 4:35

Kand’ ababa kw isi bose ibagereranya n’ubusa, kand’ ikora ukw igomba mu ngabo zo mw ijuru, no mu baba kw isi; kandi nta wushobora kubuza ukuboko kwayo, canke kuyibaza, at’ Ukora iki?

Luka 12:26

Nuko ni mutāshobora gukora igito rwose, n’iki gituma mwiganyira ibindi?

Abaroma 9:15

Kuko yabgiye Mose, iti Nzogirira ikigongwe uwo nzokigirira, ngirire n’imbabazi uwo nzozigirira.

Abaroma 9:19

Nuko wombaza, uti N’iki gituma ikigaya umuntu? Ni nde yankiye ivy’ igomba?

Abanyefeso 1:11

Kuba mur’ uwo kwaduhesheje gucika ishamvu yayo, twashiriweho kera nk’ukw Iyo yabigabiye, ikora vyose nk’ukw imigabo yo mu mutima wayo iri,