Umusiguzi 7:12 - Bibliya Yera 1951 1967 (Burundi)

¹² Kuk’ ubgenge ar’ ubgugamo, nk’ukw amahera ar’ ubgugamo; arikw inyungu iva mu kumenya n’iyi: n’uk’ ubgenge buzigama ubugingo bga nyenebgo.

Umusiguzi 7:12 ပူးပေါင်းရင်းမြစ်များ

Yobu 1:10

Ntiwamuzitiriye uruzitiro rumukikije, bo n’inzu yiwe, n’ivy’ atunze vyose? Wahezagiye igikorwa c’amaboko yiwe, kand’ itunga ryiwe ryagwiriye mu gihugu.

Zaburi 57:1

Ngirira ikigongwe Mana, ngirira ikigongwe, Kuk’ ubugingo bganje buronka ubuhungiro muri wewe: Mbere no mu gitūtu c’ amababa yawe ni ho ngira mpungire, Gushitsa ah’ ibi vyago birenganira.

Imigani 11:4

Itunga ntirigira ikimazi ku musi w’uburake, Arik’ ubugororotsi bukūra mu rupfu.

Imigani 14:20

Umworo arankwa gushitsa no ku mubanyi, Arik’ umutunzi agira abakunzi benshi.

Imigani 2:11

Amakenga azogushibamira, Ugutahura kuzokuzigama,

Imigani 2:7

Abīkira abagororotsi ubgenge buroranye, Ni we nkinzo y’abagenda batunganye.

Imigani 3:18

Bubera igiti c’ubugingo ababucakira: Hahirwa umuntu wese abgumirako.

Imigani 8:35

Kuk’ ūmbona wese aba abonye ubugingo, Kand’ akazotoneshwa n’Uhoraho.

Imigani 9:11

Kukw imisi yawe izogwira kubganje, N’imyaka y’ukubaho kwawe izokwongerwa.

Umusiguzi 10:19

Amazimano azimanirwa gutera akanyamuneza, kandi vino inezereza umushaha: arikw amahera ni bimari vya vyose.

Umusiguzi 2:13

Kandi mbona yuko mu bgenge har’ inyungu kuruta mu bupfu, nk’uko mu muco har’ inyungu kuruta mu mwiza.

Umusiguzi 7:19

Ubgenge bubera umunyabgenge ububasha kuruta abatware cumi bari mu gisagara.

Umusiguzi 9:16

Maze ndavuga, nt’ Ubgenge buruta inkomezi: yamara rero, ubgenge bga wa mworo bgarakēngerewe, n’ amajambo yiwe ntibaba bakiyemera.

Umusiguzi 9:18

Ubgenge buruta ibirwanishwa vy’intambara, arik’ umunyavyaha umwe adabanganya ivyiza vyinshi.

Yesaya 30:2

bakava hasi ngo bamanuke muri Egiputa batabajije irivuye mu kanwa kanje; ngo bisunge inkomezi za Farawo, bironkere ubgugamo mu gitūtu ca Egiputa!

Yesaya 32:2

Kandi mur’ abo, uw’ ari we wese azoba nk’aho kwikinga umuyaga, n’ubgugamo bg’ikirura; azoba nk’ inzūzi z’amazi ahantu hagadutse, kandi nk’igitūtu c’igitandara kinini mu gihugu kiruhisha.

Yesaya 33:6

Mu bihe vyawe hazobah’ umutēkāno, n’ agakiza k’umurengera, n’ubgenge no kumenya: kwubaha Uhoraho ni bgo butunzi bgawe.

Yohana 12:50

Kandi ndazi yukw ivyo yageze ar’ ubugingo budashira. Nukw ivyo mvuga, mbivuga nk’uko Data yambariye.

Yohana 17:3

Ubu ni bgo bugingo budashira, ko bamenya wewe, Imana yonyene y’ukuri, n’uwo watumye, Yesu Kristo.

Gusubira mu Vyagezwe 32:47

Ivyo ntimubigire ivyoroshe; kukw ari vyo bugingo bganyu, kandi ni mwavyitondera bizobahesha kurambira mu gihugu, ico mugiye kujabuka Yorodani ngo mucinjire.

Filipi 3:8

Eka mbere n’ibintu vyose ndavyiyumvira kw ar’ ubuhombe, kubg’ ikibirengeye, ni co kumenya Kristo Yesu Umwami wanje. Kubg’ uwo nahomvye ibintu vyose, ndavyiyumvira kw ar’ ishano, kugira ngo ndonke Kristo,

Abacamanza 9:15

Umubambangwe wishura ivyo biti, ut’ Asangwa mugomba kunyimika vy’ukuri ngo mbe umwami wanyu, ni muze mwikinge mu gitutu canje; na ho bitabaye ivy’ ukuri, umuriro uzokwaduka mu mubambangwe, uyigize amasederi y’i Lebanoni.