Umusiguzi 7:1 - Bibliya Yera 1951 1967 (Burundi)

¹ Ukuvugwa neza kuruta amavuta atāmirana y’igiciro kinini, kand’ umusi wo gupfa uruta uwo kuvukako.

Umusiguzi 7:1 ပူးပေါင်းရင်းမြစ်များ

Yobu 3:17

Iyo ni ho abanyakibi barekera kugorana; Iyo ni ho abārushe baruhukira.

Zaburi 133:2

Bimeze nk’amavuta ya elayo y’igiciro kinini yasutswe ku mutwe, Agashororokera mu bganwa, Mu bganwa bga Aroni, Agashororokera ku misozo y’impuzu ziwe.

Imigani 15:30

Mu maso hakeye hanezereza umutima, Kand’ inkuru nziza zishira imisokōro mu magufa.

Imigani 22:1

Kuvugwa neza kuruta kugira ubutunzi bginshi, Kandi kuba rurangwa kuruta kugira ifeza n’izahabu.

Imigani 25:10

Ūvyumvise akagutuka, Ukaba wambaye ibara ritakuvako.

Imigani 27:9

Ukw amavuta atāmirana n’ ibimota neza binezereza umutima, Ni ko n’uburyohe bg’umukunzi w’umuntu bumeze, buvuye mu nama zo mu mutima.

Umusiguzi 10:1

Isāzi zipfuye zituma amavuta yinjijwe n’abahinga babimogoreye anuka umuduhu: ni ko n’ubupfu naho bgoba buke bgonona ubgenge n’icubahiro.

Umusiguzi 4:2

Ni co catumye nshima abahisi bamaze gupfa kurusha abariho bakibona;

Umusiguzi 7:8

Iherezo ry’ikintu riruta itanguriro ryaco; kand’ uw’ umutima wihangana aruta uw’ umutima w’ubgibone.

Indirimbo ya Salomo 1:3

Amavuta yawe aratāmirana cane, Izina ryawe rimeze nk’amavuta asutswe; Ni co gituma inkumi zigukunda.

Indirimbo ya Salomo 4:10

Ewe kuntu urukundo rwawe ari rwiza, mushikanje, mugeni wanje! Urukundo rwawe ukuntu rundutira vino! Gutāmirana kw’amavuta yawe ukuntu kundutira imibavu y’ubgoko bgose!

Yesaya 56:5

ati Nzozishirira icibutso mu ngoro yanje no mu rugo rwanje, ndazihe n’izina riruta kugira abahungu n’abakobga; nzoziha izina ritazoshira, ritazokūrwaho.

Yona 4:3

None rero, Uhoraho, ndakwinginze, pfuma unyica, kuko gupfa kundutiye kubaho.

Luka 10:20

Ariko ntimunezerezwe n’ukw izo mpwemu zibumvira, yamara munezerezwe n’ukw amazina yanyu yanditswe mw ijuru.

Yohana 13:2

Bakiriko bararya ku mugoroba, wa Murwanizi amaze kwinjiza ubuguranyi mu mutima wa Yuda Isikaryota, mwene Simoni,

2 Korinto 5:1

Turazi yukw inzu y’urusago yacu yo kw isi ni yaramuka isambuwe, dufise inyubako iva ku Mana, inzu itubatswe n’amaboko, itazoshira yo mw ijuru.

2 Korinto 5:8

ego me turinda mu mutima, kand’ ico turushiriza gukunda ngiki: n’ukugerēra kure y’umubiri, tukaba i wacu ku Mwami wacu.

Abaheburayo 11:2

Icatumye aba kera bashingirwa intahe n’uko bari bagufise.

Abaheburayo 11:39

Abo bose bamaze gushingirwa intahe kubg’ ukwizera kwabo, ntibahabga ivyasezeranywe,

Ivyahishuwe 14:13

Numva ijwi rivuye mw ijuru rimbgira, rit’ Andika, ut’ Uhereye none hahirwa abapfa bapfira mu Mwami. Kandi Mpwemu aravuga, at’ Ego me, ngo baruhuke ubutame bgabo, kukw ibikorwa vyabo bijana na bo bibakurikiye.

Rusi 3:14

Aryama hepfo y’ibirenge vyiwe, ageza mu rubungubungu: avyuka hataragera igihe umuntu yohwihwisha uwundi. Kuko yagira ngo Vyoye kumenyekana yuk’ uyo mugore yaje ku mbuga.