Umusiguzi 6:6 - Bibliya Yera 1951 1967 (Burundi)

⁶ mbere naho yoba yararamvye imyaka ibihumbi bibiri: mbega bose itāhiriro si rimwe?

Umusiguzi 6:6 ပူးပေါင်းရင်းမြစ်များ

Itanguriro 5:5

Imisi yose Adamu yamaze yabaye imyaka amajana cenda na mirongwitatu: araheza arapfa.

Yobu 1:21

ati Navuye mu nda ya mama nambaye ubusa, kandi nzosubira mu nda y’isi ata co nambaye. Uhoraho ni we yagavye, kand’ Uhoraho ni we agaburuje: izina ry’Uhoraho ni rishemagizwe.

Yobu 30:23

Kuko nzi yuk’ uzonshitsa mu rupfu, Ukanshitsa no mu nzu y’ ihūriro ry’abakiriho bose.

Yobu 7:7

Ibuka se k’ubugingo bganje ar’ umuyaga gusa: Ijisho ryanje ntirigisubira kubona ivyiza ukundi.

Zaburi 34:12

Ni nde agomba ubugingo, Akifuza kuramba, ngw az’ abone ivyiza?

Umusiguzi 12:7

umukungugu ugasubira mw ivu aho wahoze, umushaha ugasubira ku Mana yawutanze.

Umusiguzi 2:14

Umunyabgenge amaso yiwe aba mu mutwe, arikw igipfu co kigendera mu mwiza: yamara nabonye yukw iherezo rya bompi ari rimwe.

Umusiguzi 3:20

Vyose bija ahantu hamwe; vyose biva mu mukungugu, kandi vyose bizosubira mu mukungugu nyene.

Umusiguzi 6:3

Umuntu naho yovyara abana ijana, akaramba imyaka myinshi, imisi y’imyaka yiwe ikaba myinshi, yamar’ umutima wiwe ntuhāzwe n’ivyiza, bitayeko ntahambge: kubganje arutwa n’inda yakorotse,

Umusiguzi 6:5

bitayeko ikaba itigeze kubona izuba canke kurimenya; iyo iraruhuka kurusha uyo:

Umusiguzi 7:2

Ni vyiza kuja mu nzu y’abagandaye kuruta kuja mu nzu y’intumire: kukw ari ryo herezo ry’abantu bose, kand’ ūkiriho abishirak’ umutima.

Umusiguzi 9:2

Vyose bibashikako kumwe bose: iherezo ni rimwe ku mugororotsi no ku munyakibi; ku munyangeso nziza no ku wejejwe no ku wuhumanye; ku muntu atanga ibimazi no ku muntu atabitanga: nk’uk’ umunyangeso nziza ameze, ni k’umunyavyaha ameze; nk’uk’ ūrahira ameze, ni k’ūtinya indahiro ameze.

Yesaya 65:20

Ntihazokwongera kubamw’ abapfa bakir’ inzoya, cank’ umutāma adasozereye imyaka yiwe; kuk’ umwana azopfa amaze imyaka ijana, kand’ ūkenyutse ntashitse ijana azoba yavumwe.

Yesaya 65:22

Ntibazokwubaka ngw abandi binjire; ntibazorima ngw abandi babirye: kuko nk’ukw imyaka y’igiti ingana ari kw abantu banje bazoramba, kand’ abo nitoranirije bazoshitsa igihe kirekire banezererwa igikorwa c’amaboko yabo.

Yeremiya 17:6

Azoba nk’agasaka k’inkōkōre mu bugaragwa, kandi ntazobona ivyiza bimujeko; arikw azoba ahagadutse ahantu h’ ubgeranyange, igihugu c’umunyu kitabamw’ abantu.

Abaheburayo 9:27

Kandi nk’ukw abantu bābīkiwe gupfa rimwe, hanyuma yaho hakaza amateka,