Umusiguzi 6:2 - Bibliya Yera 1951 1967 (Burundi)

² n’ umuntu Imana yahaye itunga n’ ibintu n’icubahiro, bituma atabura ikintu na kimwe mu vyo umutima wiwe wokwifuje, maz’ Imana ntimuhe kubumbga na vyo, ariko bikazoribga na murundi; ivyo n’ ubusa, kandi n’ibara ribi.

Umusiguzi 6:2 ပူးပေါင်းရင်းမြစ်များ

1 Abami 3:13

Kandi nguhaye n’ico utansavye: nguhaye ubutunzi n’icubahiro, bitume ata mwami n’umwe azohwana nawe igihe cose ukiriho.

1 Ivyo ku Ngoma 29:25

Uhoraho akuza Salomo cane imbere y’Abisirayeli bose, amuha icubahiro c’ubgami kitīgeze kuba ku mwami n’umwe mu bamwītangiye imbere mu Bisirayeli.

1 Ivyo ku Ngoma 29:28

Atanga yīsāziye neza, ageze mu zabukuru, ar’ umutunzi n’umunyacubahiro; maz’ umuhungu wiwe Salomo asubira ku ngoma yiwe.

2 Ivyo ku Ngoma 1:11

Imana yishura Salomo, it’ Ivyo kw ari vyo biri mu mutima wawe, ukaba udasavye ubutunzi cank’ ibintu, cank’ icubahiro, canke ng’ usabe kw abakwanka bapfa, canke ng’ usabe kuramba; arik’ ukaba wisabiye ubgenge no gutahura, kugira ng’ umenye gucira abantu imanza, abo nakwimitsemwo ng’ubaganze;

Zaburi 17:14

Uhoraho, uwukize abantu, uwukirishije ukuboko kwawe; Ni bo bantu b’isi, umugabane wabo uri mur’ ubu bugingo. Inda zabo ziragahāga ivyo wababīkiye, Abana babo barakabihāga, Barakabisigariza n’ibibondo vyabo!

Zaburi 39:6

N’ukuri umuntu wese agenda nk’icijiji; N’ukuri bahagarikira imitima ubusa: Umuntu arundanya ubutunzi, atazi ūzobutwara.

Zaburi 73:7

Amaso yabo avanywe i mutwe no kuvyibuha, Bafise ibiruta ivyo umutima wokwifuza.

Umusiguzi 4:4

Maze mbona ubutame bgose n’ igikorwa cose c’ubuhinga, yuko kubg’ ivyo umuntu agirirwa ishari na mugenzi we. Ivyo na vyo n’ ubusa, no guhahamira umuyaga.

Umusiguzi 4:8

Har’ umuntu w’inyakamwe, atagira uwundi; mbere ntagira n’umwana cank’ uwo bavukana; yamar’ umuruho wiwe wose ntugira iherezo, kand’ amaso yiwe ntahāga ubutunzi. Aribaza, ati None nduhira nde, nkiyima ivyiza? Ivyo na vyo nyene n’ubusa, mbere n’umuruho ugoye.

Umusiguzi 5:13

Har’ ikibi gikomeye nabonye musi y’izuba, n’umuntu gutunga itunga rikazomwica:

Umusiguzi 5:16

Kand’ iki na co n’ikibi gikomeye, yuk’ uko yaje kwose ari kw azogenda: non’ afise inyungu ki mu buruhe yaruhiye umuyaga?

Umusiguzi 5:18

Eh’ ico nabonye kibereye kandi c’igikundiro: n’umuntu kurya akanywa, akanezererwa ivyiza bivuye mu butame bgiwe bgose, ubg’ atamira musi y’izuba, imisi yose y’ukubaho kwiwe, iyo Imana yamuhaye: kukw ivyo ari vyo mugabane wiwe.

Umusiguzi 5:19

Kand’ umuntu wese Imana yahaye ubutunzi n’ibintu, ikamuha ubushobozi bgo kubirya, no gukūramw’ umugabane wiwe, no kunezererwa ibivuye mu butame bgiwe: ivyo na vyo n’ingabire y’Imana.

Yesaya 55:2

N’iki gituma mutanga amahera kugura ibitar’ ivyo kurya nyakuri? N’iki gituma mukorera ibidahāza? Mugire umwete wo kunyumvira, ni ho muzorya ivyiza, ubugingo bganyu bunezererwe ibishashagira.

GUCURA INTIMBA 5:2

Ishamvu yacu yegukiwe n’ abanyamahanga, N’amazu yacu yegukiwe n’ab’ akavantara,

Daniyeli 5:18

Zirikana mugenzi, Imana isumba vyose yahaye so Nebukadineza ubgami n’ubukuru n’ubgiza n’igitinyiro.

Hoseya 7:9

Abanyamahanga bamumaze inkomezi, ariko ntabizi; mbere yadombagije n’ imvi, ariko ntabizi.

Gusubira mu Vyagezwe 28:33

Imirima yo mu ndimiro zanyu, n’ivyo mwakoze vyose, bizoribga n’ihanga mutazi; muzokwama muhahazwa mucuranguzwa na ntaryo,

Gusubira mu Vyagezwe 28:43

Abanyamahanga bari muri mwebge ni bo bazogenda barushiriza kuja hejuru, namwe muzogenda murushiriza gusubira hasi.

Abacamanza 18:10

Nuko ni mwagenda, muzosanga abantu bīrāye; ico gihugu kirāgutse, kand’ Imana yakigabuye mu maboko yanyu. N’ahantu hadakennye ikintu na kimwe kiba mw isi.