Umusiguzi 5:13 - Bibliya Yera 1951 1967 (Burundi)

¹³ Har’ ikibi gikomeye nabonye musi y’izuba, n’umuntu gutunga itunga rikazomwica:

Umusiguzi 5:13 ပူးပေါင်းရင်းမြစ်များ

Itanguriro 14:16

Agarura ibintu vyose, agarura n’uw’i wabo Loti, n’ibintu vyiwe, n’abagore n’abakobga na bo, n’abandi bantu.

Itanguriro 19:14

Nuko Loti arasohoka, abarira abakwe biwe basavye abakobga biwe, ati Vyuka, muve aha hantu, kuk’ Uhoraho agira arandure iki gisagara. Ariko ku bakwe biwe yar’ ameze nk’uwizāgira.

Itanguriro 19:26

Ariko muka Loti amukurikiye, akebuka inyuma, aca ahinduka inkingi y’umunyu.

Yobu 20:20

Umutima wiwe ntuzi guhurarara, Kandi ntazokiza ikintu na kimwe mu vyamuhimbara.

Imigani 1:19

Uko ni kw inzira zimeze z’ umuntu wese w’ikirara ku nyungu: Inyungu ikūrah’ ubugingo bga ba nyene yo.

Imigani 1:32

Gukomantaza imitima kw’ imburabgenge kuzozica, Kand’ ukugubga neza kw’ibipfu kuzobihonnya.

Imigani 11:4

Itunga ntirigira ikimazi ku musi w’uburake, Arik’ ubugororotsi bukūra mu rupfu.

Imigani 23:4

Ntiwirushe ng’ ube umutunzi, Reka kuvyigengeterereza.

Imigani 27:24

Kukw itunga ridahoraho, Canke mbeg’ ingoma ihorah’ ibihe vyose?

Umusiguzi 4:8

Har’ umuntu w’inyakamwe, atagira uwundi; mbere ntagira n’umwana cank’ uwo bavukana; yamar’ umuruho wiwe wose ntugira iherezo, kand’ amaso yiwe ntahāga ubutunzi. Aribaza, ati None nduhira nde, nkiyima ivyiza? Ivyo na vyo nyene n’ubusa, mbere n’umuruho ugoye.

Umusiguzi 5:14

maz’ iryo tunga rikazotikizwa n’ikibi kirikorokeye; kand’ asanzwe yaravyaye, umwana wiwe azoba asigaye ata co afise mu ntoke.

Umusiguzi 8:9

Ivyo vyose naravyiboneye, nashize umutima ku gikorwa cose gikorerwa musi y’izuba: har’ igihe umuntu umwe agira ububasha ku wundi bgo kumugirira nabi.

Yesaya 2:20

Kur’ uwo musi umuntu azoshibura ibigirwamana vyiwe vy’ifeza, n’ibigirwamana vyiwe vy’izahabu, ivyo bamucuriye ngw abisenge, abishiburire amafuku n’ubuhungarema;

Zefaniya 1:18

Nta feza zabo nta n’izahabu bizoshobora kubakiza ku musi w’uburake bg’Uhoraho; arikw isi yose izomarwa n’umuriro w’ifūhe ryiwe: kukw ababa kw isi bose azobaherengeteza rwose giturumbuka.

Luka 16:19

Hābaye umuntu w’umutunzi yambara impuzu z’inyambarabami n’izera nziza, yama adibamye mu vyiza imisi yose.

Luka 19:8

Zakayo arahagarara, abgira Umwami Yesu, ati Rāba Mugenzi, umugabane w’itunga ryanje ngira ndawuhe aboro; kand’ umuntu wese nagunze ndabimurihe kane.