Umusiguzi 2:23 - Bibliya Yera 1951 1967 (Burundi)

²³ Kukw imisi yiwe yose ar’ imibabaro, kand’ umuruho wiwe ar’ intuntu; mbere no mw ijoro na ho umutima wiwe nturonka akaruhuko. Ivyo na vyo nyene n’ubusa.

Umusiguzi 2:23 ပူးပေါင်းရင်းမြစ်များ

Itanguriro 3:17

Abarira Adamu na we, ati Ko wumviye umugore wawe, ukarya ku giti nari narakubujije, nti Ntuze ukiryeko: uzaniye ivu umuvumo; uzokwama urya ibirivamwo ubiruhiye, imisi yose y’ukubaho kwawe;

Itanguriro 47:9

Yakobo yishura Farawo, at’ Imyaka y’ukuyerera kwanje kw isi n’ijana na mirongwitatu: iyo myaka mbayeho ibaye mike kandi mibi, ntingana n’imyaka ba sogokuruza bamaze, mu misi y’ukuzenzagira kwabo.

Esiteri 6:1

Iryo joro nyene umwami abura itiro; aca avuga ko bazana igitabo kidonda ibigenda biba ku ngoma yiwe, nuko bagisomera umwami.

Yobu 14:1

Umuntu yavyawe n’umugore Amara imisi mike kand’ adundubiwe n’amagorwa.

Yobu 5:7

Arik’ umuntu avukira amagorwa, Nk’ukw amasase atabura gutarukira mu kirēre.

Zaburi 127:2

Bibaruhiriza ubusa kuzinduka kare, mugateba cane kuruhuka, Mukarya umutsima w’ubutame: Uwo akunda abimuhēra mw itiro.

Zaburi 32:4

Kuk’ ukuboko kwawe kwandemēra ku murango no mw ijoro, Ukubengagira kwanje kugahinduka nk’ukwuma kwo mu ci. Sela.

Zaburi 90:15

Utunezereze umunezero ungana n’imisi watubabarijemwo, N’imyaka twabonyemw’ ivyago.

Umusiguzi 1:13

Nashize umutima wanje ku kuronderesha ubgenge no kubuserangurisha ibikorerwa musi y’ ijuru vyose: n’umuruho ugoye, Imana yahaye abana b’abantu ng’ ubaruhishe.

Umusiguzi 1:18

Kuko mu bgenge bginshi harimw’ intuntu nyinshi, kand’ ūgwiza ukumenya aba agwije umubabaro.

Umusiguzi 2:11

Maze nditegereza ibikorwa vyose amaboko yanje yakoze, bo n’ubutame natamye: kandi rāba, vyose vyabaye ubusa no guhahamira umuyaga, kandi nta nyungu iriho musi y’izuba.

Umusiguzi 5:12

Agatiro k’umunyabikorwa kararyoha, n’iy’ ariye bike canke vyinshi: ariko gufunereza kw’umutunzi kumubuza gusinzira.

Umusiguzi 5:17

Imisi yiwe yose arīra mu mwiza, kand’ akagira umubabaro, akagira indwara n’umwikomo.

Umusiguzi 8:16

Mmaze gushira umutima wanje ku kumenya ubgenge no kwitegereza igikorwa gikorerwa kw isi — kuko har’ Uwo amaso yiwe atabona agatiro, ari ku murango canke mw ijoro —

Daniyeli 6:18

Nuk’ umwami asubira mu ngoro yiwe, akesha ijoro adafūnguye, ata n’ivyo kumunezereza bamuzanira; ntiyaruha agoheka.

Ivyakozwe 14:22

baremesha imitima y’abigishwa, babahanūra ngo bagume mu kwizera: kandi yuko dukwiye guca mu marushwa menshi mu kwinjira mu bgami bg’Imana.