Umusiguzi 11:5 - Bibliya Yera 1951 1967 (Burundi)

⁵ Nk’uk’ utazi inzira y’umuyaga iy’ ari yo, kandi nk’uk’ utazi ingen’ amagufa akurira mu nda y’ūtwaye inda, uko ni k’utazi igikorwa c’ Imana Rugira vyose.

Umusiguzi 11:5 ပူးပေါင်းရင်းမြစ်များ

Yobu 37:23

Īshobora vyose nta ho twoshobora kuyiserangura: ifise ububasha bunyomoje; Kand’ ica imanza zibereye, igira ukugororoka kwinshi: Nta ho idendereza.

Yobu 38:4

Mbega wewe wari hehe, igihe nashirah’ amatanguriro y’ isi? Bivuge, namb’ ufise ubgenge.

Yobu 5:9

Ni yo ikora ibihambaye bidaserangurwa, N’ibitangaza bidaharūrika;

Zaburi 104:24

Uhoraho we, ereg’ ibikorwa vyawe n’ivy’ uburyo bginshi! Vyose wabikoresheje ubgenge: Isi yuzuye ubutunzi bgawe.

Zaburi 40:5

Uhoraho, Mana yanje, ibikorwa bitangaje wakoze ni vyinshi, Bo n’ivyo wiyumvira kutugirira; Nta wogereranywa nawe. Nogomba kubidonda no kubivuga Birenze uko vyoharūrwa.

Zaburi 92:5

Ereg’ ibikorwa vyawe birakomeye Uhoraho! Ivyiyumviro vyawe bishika i bgina kure.

Umusiguzi 1:13

Nashize umutima wanje ku kuronderesha ubgenge no kubuserangurisha ibikorerwa musi y’ ijuru vyose: n’umuruho ugoye, Imana yahaye abana b’abantu ng’ ubaruhishe.

Umusiguzi 1:6

Umuyaga ushira i bumanuko, ugahindura ushira i burārūko; uhindagura akanya kose mu rugendo rwawo, maz’ ugasubira mu gushira irya n’ino kwawo.

Umusiguzi 11:4

Ūgendeza umuyaga ntazobiba, kand’ uwitegereza ibicu ntazokwimbura.

Umusiguzi 3:10

Nitegereje umuruho Imana yahaye abana b’ abantu ng’ ubaruhishe.

Umusiguzi 3:11

Ikintu cose yakiremye ari ciza mu gihe caco: kandi yashize ivyiyumviro vy’ibihoraho mu mitima yabo, nah’ umuntu adashobora guserangura igikorwa Imana yakoze uhereye kw itanguriro ugashitsa kw iherezo.

Umusiguzi 7:24

Ibiri kure, bikaba i bgina iyo bihera, ni nde yoshobora kubishikīra?

Umusiguzi 8:17

ni ho nitegereje igikorwa cose c’Imana, yuk’ umuntu adashobora gutahura igikorwa gikorerwa musi y’izuba: kuk’ umuntu naho yokovya ate mu kugiserangura, atoruha agitahura; mbere nah’ umunyabgenge yokwibgira kw akimenye, na we nyene ntazoshobora kugitahura.

Yesaya 40:28

Ntiwaribgabimenye? Nturavyumva? Uhoraho n’Imana ihoraho, Umuremyi w’impera z’isi; ntadendebukirwa, nta ho aruha; ubgenge bgiwe ntibuserangurika.

Yohana 3:8

Umuyaga uhuhuta ah’ ugomba, nawe ukumva igihuhuta cawo, ariko ntumenye ah’ uva, n’ah’ uja; uko ni kw amera, ūvyawe na Mpwemu wese.

Abaroma 11:33

Yō, uburebure bg’amajepfo bg’ubutunzi bg’ubgenge no kumenya vy’Imana! Imigabo yayo ntishoboka kubariritswa, n’inzira zayo ntizigira akehe!