Umusiguzi 1:16 - Bibliya Yera 1951 1967 (Burundi)

¹⁶ Nibgiye mu mutima wanje, nt’ Ehe nironkeye ubgenge bginshi kurusha abanyitangiye imbere bose i Yerusalemu: mber’ umutima wanje wiboneye ubgenge bginshi n’ukumenya.

Umusiguzi 1:16 ပူးပေါင်းရင်းမြစ်များ

1 Abami 10:7

Ariko sinari navyemeye gushitsa niyiziye, nkavyibonera n’amaso yanje. Ereg’ ivyo bāmbariye ntibishika n’agace k’ivyo mbonye; ubgenge bgawe n’ubutunzi bgawe bisumba uko navyumvise.

1 Abami 4:30

Ubgenge bga Salomo bgāruta ubg’ abanyabgenge bose b’i burasirazuba n’ubg’ Abanyegiputa bgose.

1 Abami 5:9

Ut’ Abantu biwe bazobikūra i Lebanoni, babimanukane babishikane ku kiyaga; uti Bishitseyo azobitekera imbambo, abicīshe mu kiyaga, ut’ Abishikane ah’ uzomurangira, babitekururireho, uti Nawe abe ari ho uzovyākīrira. Uti Nawe ni watanga ivyo kugaburira abo mu rugo rwiwe, uzoba uhaye.

2 Abami 5:20

Gehazi, umusuku w’uwo muntu w’Imana Elisa, arivuganya, ati Databuja ko yahebeye Namani uwo Musiriya, ntiyābīre ivyo amugemuye, ndahiye uguhoraho kw’Uhoraho, singenda ntirutse ngo ndamuhamvye, ngire ico ndamwiyakira.

2 Ivyo ku Ngoma 2:12

Huramu agerekako, aravuga, at’ Uhoraho, Imana y’ Abisirayeli, yaremye ijuru n’isi, ahimbazwe, kuko yahaye umwami Dawidi umwana akerebutse, yahawe ubuhanga n’ubgenge, akaba ari we agiye kuzokwubakira Uhoraho ingoro, no kuzokwiyubakira ingoro yiwe ubgiwe.

Zaburi 4:4

Mwiyubare, ntimukore icaha: Mucuragize mu mitima yanyu muri ku mariri, mucereje. Sela.

Zaburi 77:6

Nibuka indirimbo yanje yo mw ijoro, Nkibaza mu mutima; Umutima wanje ugasesana umwete,

Umusiguzi 2:1

Nibgiye mu mutima wanje, nt’ Enda nkugeragereshe ibinezereza; nuko rer’ uhimbarwe n’ivyiza: kandi rāba n’ivyo na vyo vyabaye ivy’ ubusa.

Umusiguzi 2:15

Maze ndibaza mu mutima wanje, nt’ Iherezo ry’igipfu ni ryo rizoba iherezo ryanje; none se, kumurusha ubgenge vyammariye iki? Maze ndavuga mu mutima wanje, yuko na vyo ar’ ubusa.

Umusiguzi 2:9

Nuko nabaye agahambaye, nunguka kurusha abāntanguriye bose i Yerusalemu: kand’ ubgenge bganje bgāgumanye nanje.

Umusiguzi 3:17

Navuze mu mutima, nt’ Imana izocira imanza umugororotsi n’umunyakibi: kuko kuri yo ari ho har’ igihe c’ikibaho cose n’igikorwa cose.

Yeremiya 22:14

akavuga, ati Hinge niyubakire inzu nini n’ivyumba vyagutse, akayicamw’ amadirisha; akayishiramw’ insenge z’amasederi, akazisīga irangi ritukura.

Daniyeli 4:30

Umwami aravuga, ati Mbeg’ aha si Babuloni hahambaye aho niyubakiye ngo habe umurwa wanje niberako, mpubakishije inkomezi z’ububasha bganje, ngo hatere igitinyiro canje icubahiro?

Abaheburayo 5:14

Ariko, ivyo kurya bigumye n’ivy’ abakuze, bafise ubgenge, maze kubgo kwama babukoresha, bumogorera gutandukanya ikibi n’iciza.