Nehemiya 9:24 - Bibliya Yera 1951 1967 (Burundi)

²⁴ Nukw abo bana babo baraza binjira ico gihugu baracegukira, nawe unesha imvukira zaho ari bo Banyakanani, ubagabura mu maboko yabo, hamwe n’abami babo n’abantu bo mur’ ico gihugu, kugira ngo babagirire uko bashaka.

Nehemiya 9:24 ပူးပေါင်းရင်းမြစ်များ

1 Ivyo ku Ngoma 22:18

ati Mbeg’ Uhoraho Imana yanyu ntiri kumwe namwe? Kandi ntabahaye impore impande zose? Kuko yagabuye ab’ inyamo z’iki gihugu mu maboko yanje, kand’ igihugu kimazwe igabo imbere y’Uhoraho n’imbere y’ abantu biwe.

Esiteri 9:5

Nukw Abayuda bicisha inkota abansi babo bose, barabarandura, barabaherengeteza; bagira uko bagomba abari babafitiye urwanko.

Guharūra 14:31

Ut’ Arikw abana banyu b’ibibondo, abo muvuze ko bazoba abanyagano, ni bo azocinjiza, bībonere igihugu mwanse.

2 Timoteyo 2:26

bashire ibirāre, bave mu mutego wa wa Murwanizi yabafashe ngo bakore ivy’ agomba.

Yosuwa 10:40

Uko ni ko Yosuwa yatsinze ico gihugu cose, igihugu c’umugamba n’ic’i Negebu n’igiciye bugufi n’ icegamiye umugamba, bo n’abami baho bose, ntiyasiga n’uwa kirazira, arikw ageseza abahumeka bose, nk’uk’ Uhoraho Imana y’ Abisirayeli yavuze.

Yosuwa 11:23

Uko ni ko Yosuwa yanesheje ico gihugu cose, nk’uk’ Uhoraho yari yarabariye Mose. Maze Yosuwa akigabanganya Abisirayeli ngo kibe ishamvu yabo, nk’ukw imiryango yabo iri. Nukw igihugu gihabga impore.

Yosuwa 12:12

n’uw’i Eguloni, n’uw’i Gezeri;

Yosuwa 12:24

n’uw’i Tirusa. Bose na bose abo bami bari mirongwitatu n’umwe.

Yosuwa 18:1

Maz’ ikoraniro ryose ry’Abisirayeli bakoranira i Shilo, bahashinga ihema ry’ibonaniro; kand’ igihugu cari kimaze gukōndōka.

Yosuwa 21:43

Uko ni k’Uhoraho yahaye Abisirayeli bose igihugu yasezeraniye ba sekuruza, ni ko bācegukiye, bakibamwo.

Yosuwa 21:45

Nta kintu na kimwe mu vyiza vyose Uhoraho yasezeraniye ab’ inzu ya Isirayeli kitāshitse: ariko vyose vyarasohoye.

Abacamanza 4:23

Uko ni kw Imana yamaze igabo Yabina umwami w’i Kanani kur’ uwo musi, imbere y’Abisirayeli.