Nehemiya 9:23 - Bibliya Yera 1951 1967 (Burundi)

²³ Wagwije abana babo bangana n’inyenyeri zo kw ijuru, ubashira mu gihugu wabariye ba sekuruza babo ngo bacinjire bacegukire.

Nehemiya 9:23 ပူးပေါင်းရင်းမြစ်များ

Itanguriro 12:7

Uhoraho yiyereka Aburamu, aramubarira, at’ Uruvyaro rwawe nzoruha iki gihugu. Aca ahubaka igicaniro, yubakiye Uhoraho amwiyeretse.

Itanguriro 15:18

Kur’ uwo musi nyene Uhoraho asezeranira Aburamu isezerano, at’ Uhereye ku ruzi rwo muri Egiputa, ugashitsa ku ruzi runini ari rwo Efurate, uruvyaro rwawe ndaruhaye iki gihugu,

Itanguriro 15:5

Amusohokana hanze, aramubgira, ati Rangamiza, urābe mw ijuru, uharūre inyenyeri, namba woshobora kuziharūra. At’ Uruvyaro rwawe ni ko ruzongana.

Itanguriro 17:8

Kandi wewe n’uruvyaro rwawe ruzovuka hanyuma, nzobaha iki gihugu wabayemw’ ur’ inyambukīra, ni co gihugu cose c’i Kanani, kuba ishamvu y’ibihe vyose: na bo nzoba Imana yabo.

Itanguriro 22:17

eka mbere no kuguha umugisha nzowuguha, kandi no kugwiza nzogwiza uruvyaro rwawe, rungane n’inyenyeri zo kw ijuru, canke n’umusenyi wo mw isēsero ry’ikiyaga; kandi ruzokwegukira amarembo y’abansi barwo;

Itanguriro 26:3

Ba urasuhukiye mur’ iki gihugu, nanje nzobana nawe, nguhe umugisha; kuko wewe n’ uruvyaro rwawe nzobaha ibi bihugu vyose; kandi nzokomeza indahiro narahiye Aburahamu so;

1 Ivyo ku Ngoma 27:23

Ariko Dawidi ntiyaharūra abatarashikana imyaka mirongwibiri, kuk’ Uhoraho yavuze yukw azogwiza Abisirayeli, bakangana n’inyenyeri zo kw ijuru.

Kuvayo 1:12

Ariko, uko barushiriza kubatwaza ituntu, na bo ni ko barushiriza kugwira no kugasāra; nukw Abanyegiputa karabarya mu nda kubg’ Abisirayeli.

Kuvayo 1:7

Abisirayeli bararondoka, baravyara cane, baragwira, baba igisata; buzura ico gihugu.

Gusubira mu Vyagezwe 28:62

Kandi muzosigara mur’ inkehwa, naho muzoba mwanganya ubginshi n’inyenyeri zo kw ijuru; kuko muzoba mutumviye Uhoraho Imana yanyu.