Nehemiya 9:20 - Bibliya Yera 1951 1967 (Burundi)

²⁰ Wabahaye Mpwemu wawe mwiza wo kubaha ubgenge, ntiwabimye manu yawe yo kurya, ubaha n’amazi yo kubamara inyota.

Nehemiya 9:20 ပူးပေါင်းရင်းမြစ်များ

Nehemiya 9:30

Wamaze imyaka myinshi ubihanganira, watumye Mpwemu wawe kubahanura, avugiye mu bavugishwa bawe, ariko banka kwumva; ni co catumye ubagabura mu maboko y’abanyamahanga bo mu bindi bihugu.

Zaburi 105:41

Atobora igitandara, amazi aradudubiza, Atemba ahantu hagadutse nk’ uruzi.

Zaburi 143:10

Unyigishe gukora ivyo ugomba, kukw ari wewe Mana yanje: Mpwemu wawe mwiza andōngōre mu nzira irashe.

Kuvayo 16:15

Abisirayeli babibonye, barabazanya, bat’ Ibi n’ibiki? kuko batāmenye ivy’ ari vyo. Mose arababgira, at’ Uwo n’umutsima Uhoraho abahaye kw ivyo kurya.

Kuvayo 16:35

Abisirayeli bamara imyaka mirongwine barya manu, bageza aho bashikiye mu gihugu kirimw’ abantu; barya manu bashitsa aho bagereye ku rugabano rw’igihugu c’i Kanani.

Kuvayo 16:4

Maz’ Uhoraho abarira Mose, ati Rāba, ngira ngo ndabacuncuburire umutsima uvuye mw ijuru: uko bukeye abantu baze bame baja kwegeranya ivy’ uwo musi, kugira ngo mbagerageze ndābe yuko bitondera ivyagezwe vyanje, canke ko batavyitondera.

Kuvayo 17:3

Abantu bahicirwa n’inyota, bidodombera Mose, bati Wadukūriye iki muri Egiputa kutwicisha inyota, twe n’abana bacu n’ibitungwa vyacu?

Kuvayo 17:6

Ehe rāba nanje ndahagarara imbere yawe hariya ku gitandara c’i Horebu; nawe uheze uje gukubita ico gitandara, amazi aca yisuka avuye muri co, abantu banywe. Nuko Mose abikora artyo imbere y’abakuru b’Abisirayeli.

Yesaya 48:21

Kand’ aho yabarōngōra mu bugaragwa nta ho bishwe n’inyota; yabatembeshereje amazi ava mu gitandara; yasatuye igitandara, amazi arasendanisha.

Yesaya 49:10

Ntibazokwicwa n’inzara canke n’inyota, kand’ indugumba ntizobahundagaza cank’ izuba: kuk’ uwabagiriye ikigongwe azobaja imbere, akabashikana no ku masōko y’amazi.

Hagayi 2:5

nk’ukw ijambo ryanje riri nabasezeraniye igihe mwava muri Egiputa, kandi Mpwemu wanje akaba muri mwebge: nuko ntimutinye.

Guharūra 11:17

Nanje mpava mmanuka, mbonanireyo nawe; nābīre ku mpwemu iri kuri wewe, ndayishire kuri bo; na bo bazofatanya nawe uwo mutwaro w’abantu, ureke kugenda uwuteruye wenyene.

Yohana 4:10

Yesu aramwishura, at’ Iy’ uba war’ uzi ingabire y’Imana, ukamenya n’ūgusavye ngo Mpa utwo kunywa uw’ ari we, nawe uba umusavye, na we akaguha amazi y’ubugingo.

Yohana 4:14

arik’ ūnywa amazi nzomuha, ntazoba akigira inyota na mba gushitsa ibihe vyose, arikw amazi nzomuha azohinduka muri we imbizi y’amazi yiburuka azana ubugingo budashira.

Abaroma 15:30

Nuko ndabinginga, bene Data, kubg’ Umwami wacu Yesu Kristo, no kubg’ urukundo ruva kuri Mpwemu, murwanane nanje munsabire Imana,

1 Korinto 10:3

bose bagasangira vya vyo kurya vy’impwemu,

Abanyefeso 5:9

kukw imbuto y’umuco iboneka mu ngeso nziza zose no mu kugororoka no mu kuri.

Yosuwa 5:12

Maz’ uwo musi nyene bariye ku vyeze mur’ ico gihugu, manu ntiyongera kuboneka; Abisirayeli ntibongera kubona manu ukundi, arik’ uwo mwaka bakomeje kurya ivyeze mur’ ico gihugu c’i Kanani.

2 Petero 1:21

kukw ata jambo ry’abāvugishwa n’Imana ryazanywe no kugomba kw’umuntu, arikw abantu bāvuga ivyava ku Mana, barōngōwe na Mpwemu Yera.