Nehemiya 8:17 - Bibliya Yera 1951 1967 (Burundi)

¹⁷ Kand’ ikoraniro ryose ry’abāgarutse bavuye mu kinyago bīcīra insāgo bazirāramwo. Uhereye mu gihe ca Yosuwa mwene Nuni ukageza kur’ uwo musi Abisirayeli ntibaribgigere bagira nk’uko; nuko haba umunezero mwinshi cane.

Nehemiya 8:17 ပူးပေါင်းရင်းမြစ်များ

1 Ivyo ku Ngoma 29:22

Uwo musi bararya baranywa bar’ imbere y’Uhoraho, bafise akanyamuneza kenshi. Maze bongera kwimika Salomo umuhungu wa Dawidi ubugira kabiri, ngw abe umwami, bamurobanuza amavuta imbere y’Uhoraho ngw abe segaba, na Sadoki ngw abe umuherezi.

2 Ivyo ku Ngoma 30:26

Nukw i Yerusalemu haba akanyamuneza kenshi, kuk’ uhereye ku ngoma ya Salomo mwene Dawidi umwami w’Abisirayeli, hatāri harīgeze kuba ibihwanye n’ivyo i Yerusalemu.

2 Ivyo ku Ngoma 35:18

Ntihīgeze kuba umusi wa Pasika uhwanye n’uyo mu Bisirayeli, uhereye mu gihe c’uwavugishwa n’Imana Samweli; kandi nta wundi mu bami b’Abisirayeli yagize umusi mukuru wa Pasika uhwanye n’uwo Yosiya yagize, bo n’abaherezi n’Abalewi n’Abayuda bose n’ Abisirayeli bāri ngaho, n’ababa i Yerusalemu.

2 Ivyo ku Ngoma 8:13

akāma atanga ivyashinzwe na Mose vyatangwa uko bukeye, bo n’ivyo ku masabato n’ivyo mu mboneko z’ukwezi, n’ivyo ku misi mikuru yashinzwe, nk’ukw ikurikirana gatatu‐gatatu mu mwaka, ari yo misi mikuru y’imitsima itambiwe, n’umusi mukuru ukurikira amasabato ndwi, n’imisi mikuru y’insago.

Ezira 3:4

Bagira imisi mikuru y’insago, nk’uko vyanditswe, batanga ibimazi vyo kwoswa vyo ku musi n’ umusi, nk’ukw igitigiri cavyo kiri, uko vyari vyarashinzwe ngo babikurikiranye uko bukeye;

Yohana 1:14

Kand’ uwo Jambo yihaye umubiri, abana natwe, twitegereza ubgiza bgiwe, n’ubgiza bumeze nk’ubg’ Umwana w’ikinege ava kwa Se, yuzuye ubuntu n’ukuri.

Gusubira mu Vyagezwe 16:15

Iyo misi ukw ar’ indwi muze muyigire mikuru yo kuninahaza Uhoraho Imana yanyu muri ha hantu azoba yātoranije; kuk’ Uhoraho Imana yanyu azoba yabahaye umugisha mu myimbu yanyu yose, no mu bikorwa vyose mwakoze, kandi muzoba munezerewe rwose.

Abaheburayo 11:13

Abo bose bāpfuye bacizeye, batarahabga ivyasezeranywe, ariko bārabibona biri kure bakabisāsirira, bakemera kw ar’ akavantara n’ingenzi kw isi.

Abaheburayo 11:9

Ukwizera ni kwo kwatumye aba inyambukīra mu gihugu yasezeraniwe, nk’ikitar’ iciwe, akabana mu mahema na Isaka na Yakobo, abāraganywe na we ivyo vyasezeranywe.

Abaheburayo 4:8

Kukw iyaba Yosuwa yarabaruhuye, ntiba yaravuze ubga nyuma ivy’ uwundi musi.

Yosuwa 1:1

Mose umusavyi w’Uhoraho amaze gupfa, Uhoraho abarira Yosuwa mwene Nuni umufasha wa Mose,