Nehemiya 6:9 - Bibliya Yera 1951 1967 (Burundi)

⁹ Kuko bose bāgomba kudutera ubgoba, bati Bazohava bacika intege, igikorwa gihere aho. Ariko none Mana, undemeshe.

Nehemiya 6:9 ပူးပေါင်းရင်းမြစ်များ

2 Ivyo ku Ngoma 15:7

Ariko mweho mushikame, amaboko yanyu ntadendebukirwe, kukw ibikorwa vyanyu muzobihērwa ingero.

2 Ivyo ku Ngoma 32:18

Mber’ izo ntumwa zivuga n’ ijwi rirenga mu rurimi rw’Ikiyuda, babibarira abantu b’i Yerusalemu bāri hejuru ku ruzitiro rw’amabuye, ngo babatere ubgoba, babarandure imitima, kugira ngo babone kunesha ico gisagara.

Ezira 1:6

Ababanyi babo bose babaha intererano z’ibintu vy’amafeza n’amazahabu n’ibindi, bo n’ibitungano n’ibintu vy’igiciro kinini, ukūyemw’ ivyo bashikanye vyose bivuye ku mitima ikunze.

Nehemiya 6:14

Ndaheza ndasenga, nt’ Ewe Mana yanje, uze wibuke Tobiya na Sanibalati kubg’ ivyo bakoze, hamwe na Nowadiya wa mumenyikazi, n’abandi ba kamenyi bashatse kuntera ubgoba.

Zaburi 138:3

Umusi nagutakambiyeko waranyishuye, Undemeshesha gusubiza intege mu mutima wanje.

Zaburi 56:3

Igihe cose ntinye Nzokwizigira.

Zaburi 68:35

Mana, urateye ubgoba ur’ ahēra hawe: Imana y’Abisirayeli ni yo iha abantu bayo inkomezi n’ ubushobozi. Imana ihimbazwe.

Zaburi 71:1

Uhoraho, ni wewe mpungirako: Sinze nigere mmāramāzwa.

Yesaya 40:29

Ni we aha inkomezi abadendebukiwe, kand’ ūtagira intege amwongeramw’ inkomezi.

Yesaya 41:10

ntutinye, kuko ndi kumwe nawe; ntukihebure, kuko nd’ Imana yawe: nzogukomeza, nzogutabara, mbere nzokuramira n’ukuboko kw’i buryo kw’ukugororoka kwanje.

Yeremiya 38:4

Maz’ abaganwa babgira umwami, bat’ Uyu muntu akwiye gupfa: kukw adendebura amaboko y’abahizi bagisigaye mur’ iki gisagara n’ay’ abantu bose, ababarira amajambo asa artyo: kuk’ uyu mugabo atifuriza amahoro ubu bgoko, atar’ ivyago.

EZEKIYELI 30:24

Maz’ amaboko y’ umwami w’i Babuloni nzoyakomeza, inkota yanje ndayishire mu kuboko kwiwe; arikw amaboko ya Farawo nzoyavuna, kand’ azonihira imbere yiwe umuniho nk’uw’ ūkomeretse uruguma rw’intakira.

Zekariya 10:12

Nzobaha gukomezwa nanje Uhoraho, na bo bazogendagendera mw izina ryanje, ni k’Uhoraho agize.

2 Korinto 12:9

Arambarira, at’ Ubuntu bganje buraguhāgije; kuk’ ubushobozi bganje buhīngūrirwa mu ntege nke. Nuko cane‐cane nzonezererwa kwirata intege nke zanje, ng’ubushobozi bga Kristo bunzeko.

Abanyefeso 3:16

ngw abahe, nk’ukw itunga ry’ubgiza bgiwe riri, kuremeshwa n’ubushobozi imbere mu mitima mubihawe na Mpwemu wiwe:

Abanyefeso 6:10

Ibisigaye, muremesherezwe mu Mwami wacu, no mu bushobozi bgiwe bginshi.

Filipi 4:13

Nshobozwa vyose n’ūmpa inkomezi.

Abaheburayo 12:12

Nuko mugorore amaboko acitse urudendevu, n’amavi aregarega:

1 Petero 5:10

Kand’ Imana igira ubuntu bgose, yabahamagariye ubgiza bgayo budashira muri muri Kristo, ni mwaheza kubabazwa akanya gato, izobahīngūra rwose ubgayo, izobaremesha, ibahe inkomezi.

1 Samweli 30:6

Maze Dawidi agira intuntu nyinshi, kukw abantu bāvuga nk’abagomba kumutera amabuye; bose bāri n’akabonge kubg’ abana babo b’abahungu n’abakobga; ariko Dawidi arīremēsha, yisunze Uhoraho Imana yiwe.