Nehemiya 5:9 - Bibliya Yera 1951 1967 (Burundi)

⁹ Ndongera ndavuga, nt’ Ivyo mukora si vyiza. Mbeg’ ibikwiye s’uko mugenda mwubaha Imana yacu, ntimwitukishe mu bansi bacu b’abanyamahanga?

Nehemiya 5:9 ပူးပေါင်းရင်းမြစ်များ

Itanguriro 20:11

Aburahamu aramwishura, ati N’uko nibgiye rwose yukw ata gutinya Imana kuriho ino; nti Kandi bazonyica bampora umugore wanje.

Itanguriro 42:18

Ku musi ugira gatatu, Yosefu arababarira, at’ Enda genza murtya, mwoye gupfa, kuko ntinya Imana:

2 Samweli 12:14

Ariko kuko wahaye abansi b’Uhoraho urwitwazo rukomeye rwo kumurogotako kubg’ ico wakoze, wa mwana wavyara ntakabuza azopfa.

Nehemiya 4:4

Maze ndasenga, nti Mana yacu, ni wumve ingene dukengerewe; ibitutsi vyabo abe ari bo bisubira ku mitwe; ubatange bajanwe mu mahanga ar’ inyagano.

Nehemiya 5:10

Na jewe nyene, twe na bene wacu n’ abantu banje, har’ abamaze kutugurānakw amahera n’impeke; non’ enda tubibahebere.

Nehemiya 5:15

Arikw abanyitangiye imbere mu gutwarira umwami, bāraruhije abantu, kuko bāgenda babatoza ivyo kurya na vino, hamwe na shekeli z’ifeza mirongwine; mbere n’abasavyi babo bagatwaza abantu amanyama. Ariko jewe sinigeze ngenza ntyo, kuko nubaha Imana.

Zaburi 90:11

Ni nde azi inkomezi z’uburake bgawe? Akamenya n’ubushangashirwe bgawe, ingene wewe ukwiye kwubahwa?

Imigani 16:29

Umuntu w’ikirara yosha mugenzi we, Amujana mu nzira itari nziza.

Imigani 17:26

Si vyiza gucira igihano umugororotsi, Canke gukubitira abapfasoni ubugororotsi bgabo.

Imigani 18:5

Mu manza si vyiza gutinya umunyakibi ku kigohe, Canke gutsindisha umugororotsi.

Imigani 19:2

Ikindi, umutima kutagira ubgenge si vyiza, Kand’ ūgenda yihutagiza ahusha inzira.

Imigani 24:23

N’aya nyene n’amajambo y’ abanyabgenge. Mu manza si vyiza gutinya abantu ku kigohe.

EZEKIYELI 36:20

Kandi bamaze gushika mu mahanga bāgiyemwo, bātukishije izina ryanje ryera; kukw abantu bābavuga, ngw Aba n’abantu b’Uhoraho, kandi ngo Bavuye mu gihugu ciwe.

Abalewi 25:36

Ntihaze hagire ūmwaka inyungu cank’ ibirenze ku vyo yatwaye, arikw agende antinya jewe Imana yiwe; kugira ng’ uw’i wanyu abone ingen’ abana namwe.

Ivyakozwe 9:31

Nukw ishengero ryose ryari hose i Yudaya n’i Galilaya n’i Samariya rigira amahoro, rirahangama: kandi rigenda ryubaha Umwami Yesu, rihagarikiwe na Mpwemu Yera, riragwira.

Abaroma 2:24

Izina ry’Imana muritukisha mu mahanga, nk’uko vyanditswe.

1 Timoteyo 5:14

Ni co gituma ngomba kw abapfakazi bakiri bato bābīrwa, bakavyara abana, bakubaka ingo zabo, ntibahe umurwanizi urwitwazo rw’ibitutsi.

Tito 2:5

no kudahugumba, no kwirinda ubgēruzi, no kwubaka ingo zabo, no kuba inda nziza, bagororokere abagabo babo, kugira ngw ijambo ry’Imana ntiritukwe.

1 Petero 2:12

mugire ingeso nziza mu mahanga, kugira ngo, no ku vyo babavuga nabi nk’inkozi z’ibibi, ibikorwa vyanyu vyiza babona bize bitume bahimbaza Imana ku musi ibagendeye.

1 Samweli 2:24

Eka bana banje, ivyo numva bavuga kuri mwebge si vyiza, kandi muracumuza abantu b’Uhoraho.