Nehemiya 3:32 - Bibliya Yera 1951 1967 (Burundi)

³² Kandi hagati y’ahadūga haja ku mfuruka n’irembo ry’intama hasanwa n’abacuzi b’izahabu hamwe n’abadandaza.

Nehemiya 3:32 ပူးပေါင်းရင်းမြစ်များ

Nehemiya 12:39

Maze baca haruguru y’irembo ry’Abefurayimu no kw irembo rya kera, no kw irembo ryitwa iry’ Amafi, no ku munara wa Hananeli, no ku wa Hameya, bashika kw irembo ry’intama; nuko bahagarara kw irembo ry’abateramyi.

Nehemiya 3:1

Bukeye Eliyashibu, umuherezi mukuru, hamwe na bagenzi biwe b’abaherezi, bashirako bubaka irembo ry’intama; bararihezagira, bashiraho n’inzugi zaryo; bakomeza kwubaka barinda bashitsa ku munara wa Hameya, na wo barawuhezagira; bavudukaho bashitsa no ku munara wa Hananeli.

Nehemiya 3:31

Hakurikira Malikiya, umwe wo mu bacuzi b’izahabu, arasana ashitsa ku nzu y’abahawe ibango ry’ibikorwa vy’urusengero, no ku nzu y’abadandaza, aharābana n’ irembo ryitwa Hamifukadi, kugeza ahadūga haja ku mfuruka.

Nehemiya 3:8

Bakurikirwa na Uziyeli mwene Harihaya, umwe wo mu bacuzi b’izahabu; na we akurikirwa na Hananiya, umwe wo mu bahinga bazi kwinjiza imibavu; nuko basana inzitiro z’i Yerusalemu bashitsa no ku ruzitiro rw’intimba nini.

Yohana 5:2

Kand’ i Yerusalemu hafi y’irembo ry’intama, hār’ ikidengeri, mu Giheburayo citwa Betesida, carikw amabaraza atanu.