Nehemiya 3:13 - Bibliya Yera 1951 1967 (Burundi)

¹³ Irembo rija ku mwonga ryasanwe na Hanuni bo n’abantu b’i Zanowa; bararyubaka, baterako n’inzugi zaryo n’ivyuma vyo kuzigumya n’ibihindizo vyazo, basana uruzitiro rw’amatambge igihumbi y’ukuboko uciriye mu nkokora, bageza kw irembo ricishwamw’ umwavu.

Nehemiya 3:13 ပူးပေါင်းရင်းမြစ်များ

1 Ivyo ku Ngoma 4:18

Umugore wiwe w’Umuyudakazi avyara Yeredi se wa Gedori, na Heberi se wa Soko, na Yekutiyeli se wa Zanowa.

2 Ivyo ku Ngoma 26:9

Kandi Uziya yubaka iminara i Yerusalemu kw irembo ryo ku mfuruka y’uruzitiro rwaho rw’ amabuye, no kw irembo rija ku mwonga, no ku yindi mfuruka y’ uruzitiro nyene; iyo minara arayigumya.

Nehemiya 11:30

n’i Zanowa n’i Adulamu no mu bisagara bigenda bihakūkira, n’i Lakishi no mu matongo yaho, n’i Azeka no mu bisagara bihakūkira. Uko ni ko bāgerereye uhereye i Beri‐sheba ugashitsa no ku mwonga wa Hinomu.

Nehemiya 2:13

Nukw iryo joro nca mw irembo rija ku mwonga, nkomeza inzira y’isōko y’ikiyoka, nshika no kw irembo bācishamw’ umwavu, ngenda nitegereza inzitiro z’amabuye z’i Yerusalemu ukuntu zāsenyutse, n’amarembo yaho ingene yahiye.

Nehemiya 2:15

Nukw iryo joro nyene nsubira kudūgana akagezi, nkomeza kugenda nitegereza inzitiro, ndaheza ndakevya nsubira guca muri rya rembo rija ku mwonga; nuko ndataha.

Yosuwa 15:34

na Sanowa na Eni‐ganimu, na Tapuwa na Enamu,

Yosuwa 15:56

na Yezireli na Yokodeyamu na Sanowa,