Nehemiya 2:10 - Bibliya Yera 1951 1967 (Burundi)

¹⁰ Buno Sanibalati Umuhoroni bo na Tobiya Umwamoni w’umugurano bavyumvise, bibamerera nabi cane yuko haje umuntu ababaye Abisirayeli.

Nehemiya 2:10 ပူးပေါင်းရင်းမြစ်များ

Nehemiya 13:1

Kur’ uwo musi abantu basomerwa igitabo ca Mose, basanga nta Mwamoni cank’ Umunyamowabu yemererwa gushika mw ikoraniro ry’Imana gushitsa ibihe vyose,

Nehemiya 13:28

Kand’ umwe wo mu bahungu ba Yoyada mwene Eliyashibu, umuherezi mukuru, yar’ umukwe wa Sanibalati w’Umuhoroni; nca ndamwirukana amva i ruhande.

Nehemiya 13:4

Arikw ivyo bitarabaho, Eliyashibu umuherezi, ari we yajejwe ivyumba vyo ku ngoro y’Imana yacu, kandi yar’ incuti ya Tobiya,

Nehemiya 2:19

Ariko Sanibalati Umuhoroni, na Tobiya Umwamoni w’umugurano, na Geshemu Umwarabo, bavyumvise baradushinyagurira, batubarirana agakengerwe, bat’ Ivyo mukora n’ibiki? Mbega s’ uko mugomba kugarariza umwami?

Nehemiya 4:7

Bukeye Sanibalati na Tobiya n’Abarabo n’Abamoni n’Abanyashidodi bumvise yukw igikorwa co gusana uruzitiro rw’i Yerusalemu kija imbere, kandi yukw ibihengeri bitanguye kuzibirwa, bararaka cane,

Nehemiya 6:1

Bukeye babgira Sanibalati na Tobiya na Geshemu Umwarabo n’abandi bansi bacu, yuko nujuje uruzitiro kandi kw ata kirengero kigisigaye, naho ntaribgatere inzugi ku marembo.

Nehemiya 6:16

Maz’ abansi bacu bose bavyumvise, bo n’abanyamahanga bose bo ku mpande zacu zose, bagira ubgoba, baratētērwa, kuko bamenye kw ar’ Imana yacu yadushoboje kurangiza igikorwa kingana girtyo.

Esiteri 10:3

Kuk’ uwo Muyuda Moridekayi, uwar’ amurengeye yar’ umwami Ahasuwerusi gusa, kandi yar’ agahambaye mu Bayuda, yashimwa n’ab’i wabo uko bangana; kandi yama yendeza ubgoko bgabo ivyiza, akavuga ibihesha uruvyaro rwabo amahoro.

Zaburi 112:10

Umunyakibi azobirāba, ababare; Azoryanya insya z’amenyo, ahwere mu kajisho: Ico umunyakibi yifuza kizobura.

Imigani 27:4

Uburake ni ruburakigongwe, ishavu ritwara nk’umuvo, Ariko ni nde yoshobora kwihanga ishari?

Imigani 30:22

Ni vyo ibi: umushumba iy’ abaye umwami, N’igipfu iyo gihimvye ivyo kurya,

Umusiguzi 10:7

Nabonye abashumba bagendera ku mafarasi, abaganwa na bo bagendesha amaguru hasi nk’abashumba.

Yesaya 15:5

Umutima wanje uririra Mowabu; impunzi zaho zahungiye i Sowari n’i Egilati‐shelishiya; ahadūga haja i Luhiti ni ho badūga barira ingenda; no mu nzira ija i Horonayimu ni ho batakira ugutaka kw’ubgihebe.

Yeremiya 41:10

Maze Ishimayeli ajana kw inyagano amasigarira yose y’abantu bār’ i Mizipa, ni bo bakobga b’umwami n’abantu bose bāri bagisigaye i Mizipa, abo Nebuzaradani umukuru w’abashibamyi yari yaragije Gedaliya mwene Ahikamu. Nuko Ishimayeli mwene Netaniya abajana kw inyagano, avayo ngw aje mu Bamoni.

Yeremiya 48:34

Gutaka kw’i Heshiboni kwumvikana gushitsa n’i Eleyale; mber’ amajwi yabo ashika n’i Yahazi, kand’ ahēra i Sowari agashitsa n’i Horonayimu bo n’i Egilati‐shelishiya: kuko n’amazi y’i Nimurimu azocika iyondoyondo.

Yeremiya 48:5

Kuko bazodūga ku kadūgo k’i Luhiti barira ingenda badahengeshanya; ku kamanuko k’i Horonayimu bumvise umunihiro w’umuborogo w’ abagesezwa.

Ivyakozwe 4:2

bababajwe cane n’uko bigisha abantu, bababarira yuk’ ukuzuka kw’abapfuye kwabonetse kuri Yesu.

Ivyakozwe 5:24

Bumvise ayo majambo umukuru w’abashibamyi b’urusengero n’abaherezi bakuru bazazanirwa n’ivyabo, ikizovamwo.