Nehemiya 13:16 - Bibliya Yera 1951 1967 (Burundi)

¹⁶ Hāri n’abantu bavuye i Tiro baba i Yerusalemu, bama bazana amafi n’ibindi vy’uburyo bgose babigurira Abayuda kw isabato i Yerusalemu.

Nehemiya 13:16 ပူးပေါင်းရင်းမြစ်များ

Nehemiya 13:15

Mur’ iyo misi mbona bamwe bo mu Bayuda bagana vino kw isabato, n’abandi mbona bimburira mu bigega, abandi baremeka indogoba zabo vino n’inzabibu n’ insukoni n’ibintu vy’uburyo bgose, babizana i Yerusalemu ku musi w’isabato. Mbasanga aho badandariza, ndabahambarira kur’ uwo musi nyene baguriyekw ivyo kurya.

Nehemiya 13:17

Ndaheza ntātira abakuru bo mu Bayuda, nti N’iki gituma mukora ibibi bisa birtyo mugahumanya isabato?

Kuvayo 20:10

arik’ umusi ugira indwi ni wo sabato yanje, jewe Uhoraho Imana yawe. Ntukagire igikorwa na kimwe ukora kuri wo, wewe ubgawe, cank’ umuhungu wawe, cank’ umukobga wawe, cank’ umugurano wawe, cank’ umuguranokazi wawe, cank’ inka zawe, cank’ uw’ inyambukīra aba i wawe:

Kuvayo 23:12

Mu misi itandatu muze mukore ibikorwa vyanyu, maze ku musi ugira indwi muze muruhuke, kugira ngw inka zanyu n’indogoba zanyu mukoresha na zo zibone kuruhuka, n’abana b’abaguranokazi banyu n’ab’ akavantara bari muri mwebge babone guta akuya.

Gusubira mu Vyagezwe 5:14

arik’ umusi ugira indwi ni wo sabato yanje, jewe Uhoraho Imana yawe. Ntukagire igikorwa na kimwe ukora kuri wo, wewe ubgawe, cank’ umuhungu wawe, cank’ umukobga wawe, cank’ umugurano wawe, cank’ umuguranokazi wawe, cank’ inka yawe, cank’ indogoba yawe, cank’ ibitungano vyawe ivy’ ari vyo vyose, cank’ uw’ inyambukīra aba i wawe; kugira ng’ umugurano wawe n’umuguranokazi wawe babone kuruhūka nkawe.