Nehemiya 12:30 - Bibliya Yera 1951 1967 (Burundi)

³⁰ Nukw abaherezi n’Abalewi bariyeza, maze beza abantu n’amarembo n’uruzitiro.

Nehemiya 12:30 ပူးပေါင်းရင်းမြစ်များ

Itanguriro 35:2

Maze Yakobo aca abarira abiwe n’ abari kumwe na we bose, ati Ni mukūreh’ ibigirwamana vy’abanyamahanga biri muri mwebge, mwihumanure, mwambare izindi mpuzu:

1 Ivyo ku Ngoma 15:14

Nukw abo baherezi n’Abalewi bariyeza, kugira ngo babone kudūgana iyo sandugu y’Uhoraho Imana y’Abisirayeli.

2 Ivyo ku Ngoma 29:34

Arikw abaherezi baba bake, ntibāshobora kubāga ibimazi vyose vyo kwoswa; ni co catumye bagenzi babo b’ Abalewi babafasha, gushitsa ah’ igikorwa kirangiriye, no gushitsa ah’ abandi baherezi bāri bamaze kwiyeza, kukw Abalewi bārusha abaherezi kugororoka mu mitima yabo bigatuma bakunda kwiyeza.

2 Ivyo ku Ngoma 29:5

arababarira, ati Ni muntege amatwi, yemwe Balewi; enda ni mwiyeze, mweze n’ingoro y’Uhoraho Imana ya ba sogokuruza banyu, mukūre ibihumanya Ahēra Cane.

Ezira 6:21

Nukw Abisirayeli bari bagarutse bavuye mu kinyago barya ivya Pasika, bo n’abantu bose bari bitandukanije n’ivy’ ubuhumane bgo mu bapagani bo mur’ ico gihugu, bagafatanya n’Abisirayeli gusenga Uhoraho Imana y’ Abisirayeli,

Nehemiya 12:29

n’i Beti‐gilugali no mu misozi y’i Geba n’i Azimaveti, kukw abaririmvyi bari biyubakiye imigerero impande zose z’i Yerusalemu.

Nehemiya 13:22

Ndaheza mbgira Abalewi ngo biyeze, babone kuza gushibama ku marembo, kugira ngo batume umusi w’isabato uziririzwa. Ndaheza ndasaba, nti Mana yanje, n’ibi na vyo uz’ ubinzirikaneko, umpangaze nk’ukw imbabazi zawe nyinshi zingana.

Nehemiya 13:30

Uko ni ko nabahumanuye, nkabakūramw’ ikintu cose c’ikinyamahanga, ngashingira abaherezi n’Abalewi imbu zabo, umuntu wese ku gikorwa ciwe;

Yobu 1:5

Nuk’ ukw imisi y’amazimano yabo yahera, Yobu yabatumako ngw abeze, akavyuka kare mu gatondo, agatanga ibimazi vyoswa bihwanye n’igitigiri ca bose: kuko Yobu yavuga, ati Kumbure abahungu banje bācumuye, barogota ku Mana mu mitima yabo. Uko ni ko Yobu yahora agenza ubudasiba.

Kuvayo 19:10

Uhoraho abarira Mose, ati Genda ku bantu, ubabgire biyeze uyu musi n’ejo, bamesure impuzu zabo,

Kuvayo 19:15

Abarira abantu, at’ Umusi ugira gatatu uz’ ushike mwiteguye, kandi ntihaze hagire uwegerana n’umugore.

Abaheburayo 5:1

Umuherezi wese mukuru, kuko yarobanuwe mu bantu, ashirirwaho gukorera Imana kubg’ abantu, kugira ngw ashikane amashikanwa, atange ibimazi, vyompi vy’ivyaha;

Abaheburayo 5:3

Ni co gituma akwiye no kwitangira ibimazi vy’ivyiwe vyaha, nk’ukw abitangira abandi bantu.