Nehemiya 11:30 - Bibliya Yera 1951 1967 (Burundi)

³⁰ n’i Zanowa n’i Adulamu no mu bisagara bigenda bihakūkira, n’i Lakishi no mu matongo yaho, n’i Azeka no mu bisagara bihakūkira. Uko ni ko bāgerereye uhereye i Beri‐sheba ugashitsa no ku mwonga wa Hinomu.

Nehemiya 11:30 ပူးပေါင်းရင်းမြစ်များ

Itanguriro 21:14

Aburahamu akoroka kare, yābīra impamba n’ umukuza w’urusato wuzuye amazi, abitekerera Hagari, abishira ku rutugu rwiwe, amuha n’uwo mwana, aramwirukana; aragenda, azimagirika mu bugaragwa bg’i Beri‐sheba.

Itanguriro 25:16

abo ni bo bana ba Ishimayeli, ayo ni yo mazina yabo, nk’ukw ibisagara vyabo biri, nk’ukw ingo zabo ziri; baba abatware cumi na babiri, nk’ukw amoko yabo ari.

2 Abami 23:10

Kand’ ahumanya n’i Tofeti mu mwonga wa bene Hinomu, kugira ngo hoye kugira umuntu n’umwe ahatangira umwana wiwe kw ikimazi, ar’ umuhungu cank’ umukobga, ngo yoserezwe Moleki mu muriro.

Nehemiya 11:29

n’i Eni‐rimoni n’i Zora n’i Yarimuti,

Nehemiya 11:31

Ababenyamini bāba i Geba n’i Mikimashi n’i Aya, n’i Beteli no mu bisagara bihakūkira,

Nehemiya 3:13

Irembo rija ku mwonga ryasanwe na Hanuni bo n’abantu b’i Zanowa; bararyubaka, baterako n’inzugi zaryo n’ivyuma vyo kuzigumya n’ibihindizo vyazo, basana uruzitiro rw’amatambge igihumbi y’ukuboko uciriye mu nkokora, bageza kw irembo ricishwamw’ umwavu.

Yesaya 37:8

Nuko Rabushake asubira inyuma, asanga umwami w’i Ashuri ateye i Libuna; ajayo kuko yari yumvise ko yavuye i Lakishi.

Yeremiya 19:2

ugende ushike mu mwonga wa mwene Hinomu, aherekeye mw ishikiro ry’irembo ry’ababumvyi, uhavugire amajambo nkubarira:

Yeremiya 19:6

Nuko rero, umve, imisi igira ize, ni jewe Uhoraho mbivuze, aha hantu ntihazoba hacitwa Tofeti, canke ngo hitwe Umwonga wa mwene Hinomu; ariko hazokwitwa Umwonga w’Imihindigiti.

Yeremiya 32:35

Kandi bātabiye ibitabo Bayali, ni vyo biri mu mwonga wa mwene Hinomu, bagatanga abana babo b’abahungu n’abakobga kw ibimazi ngo boserezwe Moleki; ar’ ikintu ntābageze, kitigeze no kuza mu mutima wanje, ko bokora ivyo bizira, bagacumuza Abayuda.

Mika 1:15

Namwe muba i Maresha nzobarungikira ūzobanesha; ubgiza bg’ Abisirayeli buzoshika no muri Adulamu.

Yosuwa 10:3

Nuko Adonisedeki umwami w’i Yerusalemu aca atuma kuri Hohamu umwami w’i Heburoni, no kuri Piramu umwami w’i Yaramuti, no kuri Yafiya umwami w’i Lakishi, no kuri Debira umwami w’i Eguloni;

Yosuwa 12:15

n’uw’i Libuna, n’uw’i Adulamu;

Yosuwa 15:39

na Lakishi na Bosikati na Eguloni,

Yosuwa 15:8

rugaheza rukadūga rukajana umwonga wa mwene Hinomu gushitsa ku mucāmo w’ umusozi w’Abayebusi ahahera i bumanuko, ni wo Yerusalemu; rukadūga gushitsa ku mpinga y’ umusozi uhanamiye uwo mwonga nyene wa Hinomu ahahera i burengerazuba, ni ho umwonga Refayimu wahēra, ku ruhande rw’i burārūko.

Yosuwa 18:16

Urwo rubibe rugaheza rukamanuka ku mucāmo w’umusozi uhanamiye umwonga wa mwene Hinomu, ni ho umwonga wa Refayimu wahēra, ku ruhande rw’i burārūko; rugaheza rukamanukana uwo mwonga nyene wa Hinomu, ahahera i bumanuko bg’ umucāmo w’umusozi w’Abayebusi, rukamanuka rukarinda rushika ahitwa Eni‐rogeli;