Nehemiya 11:17 - Bibliya Yera 1951 1967 (Burundi)

¹⁷ Hari na Mataniya mwene Mika, Mika wa Zabudi, Zabudi wa Asafu, ni we yaterera abaririmba ishimwe mu gihe co gusenga; na Bakibukiya yar’ uwa kabiri muri bagenzi biwe, na Abuda mwene Shamuwa, Shamuwa wa Galali, Galali wa Yedutuni.

Nehemiya 11:17 ပူးပေါင်းရင်းမြစ်များ

2 Samweli 9:12

Kandi Mefibosheti yar’ afise akana k’agahungu kitwa Mika. Nukw abo mu rugo rwa Ziba bose baba abantu ba Mefibosheti.

1 Ivyo ku Ngoma 16:4

Kand’ ashiraho bamwe mu Balewi ngo bashitse igikorwa cabo imbere y’isandugu y’Uhoraho, bibutse abantu ivy’ Uhoraho Imana y’Abisirayeli, bamukengurukire, bamutazire.

1 Ivyo ku Ngoma 16:41

kandi hamwe na bo ashiraho Hemani na Yedutuni n’abandi bātowe, bavuzwe amazina, kugira ngo bashimire Uhoraho yukw imbabazi ziwe zamah’ ibihe bidashira.

1 Ivyo ku Ngoma 9:15

bo na Bakubakari na Hereshi na Galali na Mataniya mwene Mika, Mika wa Zikuri, Zikuri wa Asafu;

Nehemiya 10:12

na Zakuri na Sherebiya na Shebaniya,

Nehemiya 11:16

na Shabetayi na Yozabadi, ni bo bākoresha ibikorwa vy’ingoro y’Imana vyo hanze, kandi bar’ abakuru bo mu Balewi.

Nehemiya 11:18

Abalewi bo ku murwa wera bose na bose bar’ amajana abiri na mirongumunani na bane.

Nehemiya 12:24

Kand’ abakuru b’ Abalewi ni Hashabiya na Sherebiya na Yosuwa mwene Kadimiyeli na bagenzi babo, bari bashinzwe guhimbaza Imana no kuyishima, bakurikiye ibgirizwa rya Dawidi umuntu w’Imana, bahāna imbu.

Nehemiya 12:25

Mataniya na Bakibukiya na Obadiya na Meshulamu na Talimoni na Akubu bar’ abashibamyi barinda amazu y’ububīko yo ku marembo.

Nehemiya 12:31

Maze nuriza abakuru b’Abayuda ngo baje hejuru ku ruzitiro, ndabagabanyamw’ imice ibiri minini ngo bagende barōngōye bahimbaza. Umuce umwe ugenda ku ruzitiro werekeye i buryo, kw irembo bacishamw’ umwavu.

Nehemiya 12:46

Kuko kera mu gihe ca Dawidi na Asafu hārih’ abarōngōzi b’abaririmvyi, hakabaho n’indirimbo zo guhimbaza Imana no kuyishima.

Filipi 4:6

Ntimugire ico mwiganyira, ariko muri vyose ivyo mugomba bimenyeshwe Imana, mu gusenga no mu kwinginga bifatanije no gukenguruka.