Nehemiya 1:10 - Bibliya Yera 1951 1967 (Burundi)

¹⁰ None rero, abo ni bo basavyi bawe, kandi n’abantu bawe wacunguje ububasha bgawe bginshi bo n’ukuboko kwawe kw’ inkomezi.

Nehemiya 1:10 ပူးပေါင်းရင်းမြစ်များ

Zaburi 136:12

Ibakūjey’ ikiganza gikomeye n’ukuboko kurāmvuye: Kukw imbabazi zayo zamah’ ibihe bidashira.

Zaburi 74:2

Ibuka ikoraniro ryawe waguze kera, Iryo wacunguriye kuba ubgoko bg’ishamvu yawe, Bo n’umusozi Siyoni, aho wagerereye.

Zaburi 89:14

Ukugororoka n’imanza zibereye ni vyo ingoma yawe ihagazeko: Imbabazi n’ukuri ni vyo bikwitangira imbere.

Kuvayo 13:14

Kandi mu bana banyu ni hagira ūbaza se, mu gihe kizoza, at’ Ibi n’ibiki? az’ amwishure, at’ Uhoraho yadukūye muri Egiputa, mu nzu y’ubuja, adukūjeyo ubushobozi bginshi.

Kuvayo 13:16

Ivyo bize bibe nk’ ikimenyetso gishizwe ku maboko yanyu, kandi nk’ibishizwe mu ruhanga hagati y’amaso yanyu: kuk’ Uhoraho yadukūje muri Egiputa ubushobozi bginshi.

Kuvayo 13:3

Mose abarira abantu, ati Muze mwame mwibuka uyu musi muviriye muri Egiputa, mu nzu y’ubuja; kuk’ Uhoraho abakūje ino ubushobozi bginshi. Ntihaze hagire imitsima yambiwe murya.

Kuvayo 13:9

Ivyo bize bibabere nk’ikimenyetso gishizwe ku maboko yanyu, n’icibutso gishizwe hagati y’amaso yanyu, kugira ngw ivyagezwe vy’Uhoraho vyame mu kanwa kanyu: kuk’ Uhoraho yabakūje muri Egiputa ubushobozi bgiwe.

Kuvayo 15:13

Kubg’ imbabazi zawe warōngōye abantu wacunguye: Wabarōngōje inkomezi zawe mu nzira ija ahantu hēra, ah’ uba.

Kuvayo 32:11

Mose atakambira Uhoraho Imana yiwe, ati Mbeg’ Uhoraho, n’iki gitumye uburake bgawe bururumba ku bantu bawe wakūje mu gihugu ca Egiputa ububasha bginshi n’ukuboko kw’inkomezi?

Kuvayo 6:1

Uhoraho abarira Mose, at’ Uhereye none uzorāba ivyo nzogirira Farawo: ukuboko kw’ ubushobozi kuzomugondōza, abarekure, mber’ ukuboko kw’ubushobozi kuzomugondōza, abirukane mu gihugu ciwe.

Kuvayo 6:6

Nuko barira Abisirayeli yuko nd’ Uhoraho, kandi nzobakūra ku bikebere Abanyegiputa babakebera, mbakūre mu buja barimwo, mbacunguze ukuboko kuramvuye, n’ibihano bikomeye:

Kuvayo 6:7

kandi nzobagira abantu banje, nanje nzoba Imana yanyu; ni ho muzomenya ko nd’ Uhoraho Imana yanyu, ibakūye ku bikebere Abanyegiputa babakebera.

Yesaya 64:9

Uhoraho, reka kuraka cane birenze urugero, ntiwame wibuka ibigabitanyo vyacu ibihe vyose; ni witegereze se turakwinginze, twese tur’ abantu bawe.

Gusubira mu Vyagezwe 15:15

Kand’ uze wibuke yuko nawe wari mu buja mu gihugu ca Egiputa, Uhoraho Imana yawe akakugobōtora: ni co gitumye uyu musi ndakugera ivyo.

Gusubira mu Vyagezwe 9:29

Yamara, abo n’abantu bawe, ni bo cibare cawe, abo wakūjey’ ububasha bgawe buhambaye n’ukuboko kubanguye.