Mika 7:2 - Bibliya Yera 1951 1967 (Burundi)

² Abubaha Imana baraherengeteye mw isi, kandi mu bantu nta n’umwe atunganye: bose babundira kuvisha amaraso, umuntu wese ahīga mugenzi we ngw amute mu ruriba.

Mika 7:2 ပူးပေါင်းရင်းမြစ်များ

Zaburi 10:9

Abunda mu kiryamo nk’ukw intambge ibunda mw isenga ryayo, Abundira gucakira umworo: Acakira umworo, akamukwegesha umugozi yamuteze.

Zaburi 12:1

Uhoraho we, tabara: kukw abakwubaha baheze, Abo kwizigirwa bakennye mu bana b’abantu.

Zaburi 12:2

Bose barabeshana, umuntu wese na mugenzi we: Bavugisha iminwa ihemana n’imitima ibiri.

Zaburi 57:6

Bateze ibirenge vyanje umutego; Umutima wanje uricurikiriye. Bimvye icobo imbere yanje: Baba ari bo bakirokeramwo. Sela.

Imigani 1:11

Ni bakubgira, bati Ngwino ujane natwe, Turyamire kwica, Dutegere mu mpisho ūtagira igicumuro, ata nyanduruko;

Imigani 12:6

Amagambo y’abanyakibi abundira kuvisha amaraso, Arikw akanwa k’abagororotsi bo kazobakiza.

Yesaya 3:5

Abantu bazohahazanya, umuntu wese azohahazwa na mugenzi we, umuntu wese ahahazwe n’umubanyi wiwe: umusore azoshinyaguriza umutāma, n’inkēngērwa izoshinyaguriza umunyacubahiro.

Yesaya 57:1

Umugororotsi arikw araherengetera, kandi nta wubishirak’ umutima; abubaha Imana bariko barakūrwaho, kandi nta wubibabaye. Umugororotsi akūwe mu vyago,

Yesaya 59:7

Ibirenge vyabo vyirukira gukora ikibi, kandi bihutira kuvisha amaraso y’abatācumuye; ivyiyumviro vyabo n’ivyiyumviro vy’ubugāba; kugeseza no guhonnya biri mu nzira zabo.

Yesaya 9:19

Uburake bg’Uhoraho Nyen’ ingabo ni bgo butumye igihugu gitongoka: abantu na bo bakamera nk’inkwi z’umuriro; nta wugirira akagongwe mugenzi we.

Yeremiya 16:16

Ehe nzotuma ku barovyi benshi, ni jewe Uhoraho mbivuze, bazobaroba; hanyuma nzotuma ku bahīgi benshi, na bo bazobahiga ku gisozi cose no ku karambi kose no mu vyobo vyo mu bitandara.

Yeremiya 5:16

Umutana wabo ni nk’imva irangaye, bose n’abantu b’abahizi.

Yeremiya 5:26

Muti Kuko mu bantu biwe habonekamw’ abantu b’abanyakibi: baratega nk’ukw abatezi b’inyoni batega; batega umutego, bagafata abantu.

Yeremiya 8:6

Narateze ugutwi ndumviriza, ariko nta ho bavuga ukuri: nta muntu yihannye ibibi vyiwe, ngo yibaze, ati Mbeg’ ico nakoze n’igiki? Umuntu wese apfa guhuruduka, akajana inzira yiwe, ameze nk’ifarasi igenda akabushungwe yirukira mu ntambara.

GUCURA INTIMBA 4:18

Baraturyamiye, bituma tudashobora guca mu nzira zacu: Iherezo ryacu riri hafi, imisi yacu irashize; ni koko iherezo ryacu rirashitse.

EZEKIYELI 22:12

Muri wewe bābīra ingurire yo kuvisha amaraso; waka ay’ inyungu ku ngurāne, ukāka n’ ibirenzeko, uronka inyungu kuri bagenzi bawe ku gahotoro, ariko jewe waranyibagiye; ni k’Umwami Uhoraho agize.

EZEKIYELI 24:6

Nuko rero, uku ni k’Umwami Uhoraho agize, ati Kizobona ibara, ca gisagara kivisha amaraso, ni co ya nkono irimw’ ingese, ingese zayo zanse kuyivamwo! Zose uzārure imwe‐imwe, utarinze kurobanura.

Hoseya 5:1

Ni mwumve ibi, yemwe baherezi, kandi mwumvirize namwe ab’ inzu ya Isirayeli, mutege amatwi yemwe ab’ inzu y’umwami, kuk’ urubanza ari mwebge rutsinze; kuko mwabereye i Misipa umutego, mukabera i Tabora ururiba rutezwe.

Hoseya 6:9

Nk’ukw ibitero vy’abambuzi biryamira umuntu, ni k’umurongo w’abaherezi wicira abantu mu nzira ija i Shekemu: bakora ivy’ ubugesera.

Mika 2:8

Ariko mur’ ibi bihe abantu banje mumpagurukiye nk’abansi: abagenda ata co bīnona, batagomba intambara, mubakiza imitamana basēsa hejuru y’izindi.

Mika 3:10

abubakisha Siyoni amaraso muvishije, n’i Yerusalemu mukahubakisha ibigabitanyo!

Mika 3:2

Yemwe abanka ivyiza mugakunda ibibi; abantu banje mukaborosorako urukoba rwabo, mugaharura inyama ku magufa yabo;

Zekariya 11:6

Kuko ntazosubira guterwa akagongwe n’ababa mur’ iki gihugu, ni k’Uhoraho agize; ariko nzobagabura, umuntu wese ndamute mu kuboko kw’uwamuragira, no mu kuboko kw’umwami wiwe; abo bazorya igihugu, kandi sinzobarokora ngo mbakūre mu maboko yabo.

Ivyakozwe 24:9

Abayuda na bo bafatanya na we mur’ ico kirego, bavuga kw ivyo ari ko biri.

1 Samweli 24:11

Kandi ga muvyeyi, ehe rāba nguyu umutwe w’impuzu yawe mu ntoke zanje! Ko nacacuye umutwe w’impuzu yawe sinkwice, none rero n’umenye kand’ ushirwe kw ata kibi cank’ ubugarariji ngufiseko; kandi sinagucumuyeko, nah’ umpīga ng’ unyice.

1 Samweli 26:20

None rero ntiwemere kw amaraso yanje azosēswa kure y’ah’ Uhoraho aba; erega mwami w’ Abisirayeli, wazanywe no guhīga imbaragasa, nk’ūhīga inkware mu misozi.