Mika 7:1 - Bibliya Yera 1951 1967 (Burundi)

¹ Mbonye ibara! Kuko mmeze nk’igihe c’iyerūra ry’amatunda yo mu ci, nk’uduhūmbga two mu ruzabibu: ata n’agahando ko kurya; umutima wanje wifuza agasukoni k’isega.

Mika 7:1 ပူးပေါင်းရင်းမြစ်များ

Zaburi 120:5

Ewe jewe ndagowe, kuko mba i Mesheki nd’ inyambukīra, Nkaba mu mahema y’i Kedari!

Imigani 20:6

Abantu benshi bakunda kwirata, umuntu wese akirata ukugira neza kwiwe, Non’ umwizigirwa ni nde yomubona?

Yesaya 17:6

Ariko hazosigaramw’ uduhūmbga, nk’ uko dusigara ku giti ca elayo bamaze kukinyiganyiza, hosigarayo elayo tubiri canke dutatu mu bushorishori, cabure tune canke dutanu ku mashami y’inyuma y’igiti cāri kiregeje, ni k’Uhoraho, Imana y’Abisirayeli, agize.

Yesaya 24:13

Kuk’ ukw ari ko bizomera mw isi hagati mu mahanga; bizomera nk’iyo banyiganyije igiti ca elayo, canke nk’uduhumbga tw’inzabibu iy’ iyimbura rishize.

Yesaya 24:16

Twumvise indirimbo zituruka ku mpera y’isi, zit’ Icubahiro kibe ic’ umugororotsi. Maze nca ndavuga, nti Ndageranywe, ndageranywe! Mbonye ibara! Abaryarukanyi bararyarukanye, mber’ abaryarukanyi bararyarukanye rwose.

Yesaya 28:4

kandi n’ishurwe ry’ubgiza bg’icubahiro ciwe rikabiranye, riri ku mutwe w’ikiyaya kimera cane, na ryo rizomera nk’insukoni y’isega, ici ritarasohora: ūyikubise ijisho, akiyishikana mu ntoke akayiyongobeza ako kanya.

Yesaya 6:5

Maze ndavuga, nti Mbonye ibara, ndapfuye; kuko nd’ umunyaminwa yanduye, kandi mba hagati y’ubgoko bufise iminwa yanduye; kukw amaso yanje abonye Umwami, Uhoraho Nyen’ ingabo.

Yeremiya 15:10

Erega mama, mbonye ibara, kuko wamvyaye nd’ umutēzi w’ intambara, nd’ umutēzi w’amahane mw isi yose! Nta we nagurāniye kuzohabga ay’ inyungu, kandi nta bāngurānye ngo nze mbahe ay’ inyungu: arik’ umuntu wese muri bo aramvuma.

Yeremiya 24:2

Igisimbo kimwe carimw’ insukoni nziza cane, zimeze nk’insukoni z’isega: ikindi gisimbo carimw’ insukoni ziboze rwose, zitoshoboka kuribga kubgo kubora.

Yeremiya 4:31

Kuko numvise ijwi nk’iry’ umugore aramutswe, ubusinzikare bg’ūrikw aravyara umwana w’uburiza, ijwi ry’umukobga w’i Siyoni ahuzagizwa, ata amaboko, at’ Ewe jewe ndagowe! Umutima wanje ugwiriye igihumura imbere y’abicanyi.

Yeremiya 45:3

ati Wavuze, uti Mbonye ibara, kuk’ Uhoraho yongereje intuntu ku mubabaro wanje! Kuniha kurandambiye, simbona akaruhuko.

Yeremiya 5:1

Ni mwiruke hirya no hino mu nzira z’i Yerusalemu, murondere mwitegereze, mucakare no mu hiyaguye haho, namba mwobona umuntu yoba umugororotsi arondera ivy’ ukuri, nanje nzohaharira.

Hoseya 9:10

Igihe nabona Abisirayeli, bari bameze nk’inzabibu ziri mu bugaragwa; ba sogokuruza nababonye bameze nk’insukoni z’isega zo ku musukoni ugitangura kwama: ariko bāgiye kuri Bayali y’i Peyori, bīyegurira ako gatētereza, bahinduka umuziro nk’ico nyene bakunze.

Guharūra 18:13

Ivy’ amasega vyose bizokwera mu gihugu cabo bazonzanira, jewe Uhoraho, bizoba ivyawe: ūdahumanye wese wo mu b’inzu yawe yemererwa kubiryako.