Mika 6:8 - Bibliya Yera 1951 1967 (Burundi)

⁸ Ko yakweretse iciza ic’ ari co, ga yewe muntu: mbega har’ ikindi Uhoraho akugombako, atar’ ugukora ibiroranye, no gukunda kugira imbabazi, no kugendana n’Imana yawe wicishije bugufi?

Mika 6:8 ပူးပေါင်းရင်းမြစ်များ

Itanguriro 18:19

Kukw ari we nahisemwo kugira ngw aze yihanikirize abana biwe n’ab’ inzu yiwe bazokwaruka hanyuma, ngo bakomeze inzira yanje, bakore ibiroranye n’ibigororotse; kugira ngo jewe Uhoraho nshitse kuri Aburahamu ivyo namuvuzeko.

Itanguriro 5:22

Henoki amaze kuvyara Metusela agendana n’Imana imyaka amajana atatu, ayivyaramw’ abahungu n’abakobga.

2 Ivyo ku Ngoma 30:11

Mugabo bamwe bo mu Basheri no mu Bamanase no mu Bazebuloni barīhanūra, baja i Yerusalemu.

2 Ivyo ku Ngoma 32:26

Ariko Hezekiya yicisha bugufi, yihana ubgo bgibone bgo mu mutima wiwe, ubgiwe n’ababa i Yerusalemu, bituma uburake bg’Uhoraho butabashikīra ku ngoma ya Hezekiya.

2 Ivyo ku Ngoma 33:19

Kandi n’ivy’ isengesho ryiwe, n’ ingene yemerewe, n’ivy’ ivyaha vyiwe vyose n’ugucumura kwiwe, n’ivy’ ahantu hose yatavye ibitabo, akahashinga inkingi za Ashera n’ibishushanyo bibājwe, ataricisha bugufi, ivyo vyanditswe mu majambo ya Hozayi.

2 Ivyo ku Ngoma 33:23

Ntiyicisha bugufi imbere y’ Uhoraho, nk’uko se Manase yicishije bugufi, ariko Amoni uwo agenda arushiriza gucumura.

2 Ivyo ku Ngoma 34:27

ngo Kuko watsinzwe mu mutima wawe, ukicisha bugufi imbere yiwe, ari yo Mana, igihe wumva amajambo yavuze ku vy’ aha hantu bo n’ abahaba, ng’ Ukicisha bugufi imbere yiwe, ukītantamurirakw impuzu zawe, ukaririra imbere yiwe, ngo Na we arakwumvise; ni k’Uhoraho agize.

Nehemiya 9:13

Uramanuka uhagarara ku musozi Sinayi, uvugana na bo uri mw ijuru, ubaha amateka agororotse n’ivyagezwe vy’ukuri, n’ivyashinzwe bo n’amabgirizwa vy’agahore.

Zaburi 101:1

Ndaririmba ntazira imbabazi n’imanza zibereye: Uhoraho, ni wewe ngira ndirimbire ishimwe.

Zaburi 112:4

Abatunganye umuco ubākirira mu mwiza; Wākira umunyabuntu yuzuye imbabazi kandi w’umugororotsi.

Zaburi 112:9

Yatanze isābagire, yahaye abakene, Ukugororoka kwiwe kwamah’ ibihe bidashira. Ihembe ryiwe rizoshirwa hejuru mu cubahiro.

Zaburi 37:26

Agira ubuntu umusi ukīra, akagurāna abandi; Uruvyaro rwiwe rukagira umugisha.

Zaburi 73:28

Ariko jeho kwēgēra Imana ni kwo kumbereye amahirwe: Umwami Uhoraho ni we ngize ubuhungiro, Kugira ngo namamaze ibikorwa wakoze vyose.

Imigani 21:3

Gukora ivy’ ukugororoka no guca izibereye Ni vyo bihimbara Uhoraho kurusha gutanga ibimazi.

Umusiguzi 12:13

Vyose vyarumviswe: indunduro yavyo n’iyi: Wubahe Imana, witondere ivyagezwe na yo; kukw ivyo ari vyo bibereye rwose umuntu wese.

Yesaya 56:1

Uku ni k’Uhoraho agize, ati Ni mwitondere ibiroranye, mukore ivy’ ukugororoka: kukw agakiza kanje kagira gashike, n’ ukugororoka kwanje kugira guhishurwe.

Yesaya 57:15

Kuk’ ukw ari kw Imwe iri hejuru isumba vyose igize, iba ahatazoshira, izina ryayo n’Uwera; iti Mba hejuru ahantu hēra, kandi mbana n’ūfise umutima umenetse wicisha bugufi, kugira ngo mpēmbūre imitima y’abicisha bugufi, mpēmbūre n’abafise imitima imenetse.

Yesaya 66:2

Kukw ivyo vyose intoke zanje ari zo zabiremye, bikabaho vyose, ni k’ Uhoraho agize; arik’ umuntu w’impahazwa afise umutima umenetse, agahindishwa agashitsi n’ ijambo ryanje, uwo ni we nzohozakw ijisho.

Yeremiya 22:16

Yaciriye urubanza umworo n’umukene; maze hakaba amahoro. Mbeg’ ivyo si kwo kummenya kw’ukuri? ni jewe Uhoraho mbibajije.

Yeremiya 22:3

Uku ni k’Uhoraho agize, ati Ni muce imanza ziroranye n’izigororotse, mukize ūnyazwe, mumukūre mu kuboko kw’ ūmuhahaza; ntimugirire nabi canke ngo muhahaze ingenzi n’ impfuvyi n’umupfakazi, canke ngo muvishirize aha hantu amaraso y’ abatācumuye.

Yeremiya 9:23

Uku ni k’Uhoraho agize, at’ Umunyabgenge yoye kwirata ubgenge bgiwe, cank’ umunyenkomezi ngo yirate inkomezi ziwe, cank’ umutunzi ngo yirate ubutunzi bgiwe;

GUCURA INTIMBA 3:26

Ni vyiza k’umuntu yizigira, akitega agakiza k’Uhoraho atekereje.

EZEKIYELI 16:63

kugira ng’ ubone kwibuka, utētērwe, ntukūreko n’umunwa, kubg’ isoni uzoba ufise, ni naheza kuguharira ivyo wakoze vyose, ni k’Umwami Uhoraho agize.

EZEKIYELI 33:14

Ikindi kandi, ni nabgira umunyavyaha, nti Ntuzobura gupfa, arikw agahindukira akava mu vyaha vyiwe, agakora ibitunganye n’ibikwiye,

Daniyeli 4:37

Noneho jewe Nebukadineza nshima Umwami wo mw ijuru, ndamutazira, ndamwubaha; kukw ibikorwa vyiwe vyose ar’ ivy’ ukuri, kand’ inzira ziwe ar’ iziroranye; arikw abagendera mu bgibone ashobora kubacisha bugufi.

Hoseya 12:6

Nuko rero, hindukirira Imana yawe: gumya imbabazi n’ibiroranye, kandi wame urorēra Imana yawe udahengeshanya.

Hoseya 6:6

Ereg’ imbabazi ni zo ngomba, s’ibimazi, n’ukummenya jewe Imana, kuruta ibimazi vyoshejwe.

Abalewi 26:41

ari kwo kwatumye nanje nnyuranya na bo, nkabahindira mu gihugu c’abansi babo; kandi ni bicisha bugufi ico gihe mu mitima yabo imeze nk’imibiri itakebge, bakarīmbūka, bakemera yukw ibihano bāhanwe ar’ ivyazanywe n’ibigabitanyo vyabo;

Amosi 5:24

Arikw imanza ziroranye, reka zisendanishe nk’amazi, n’ukugororoka gusendanishe nk’ uruzi rudahōka.

Mika 6:9

Ijwi ry’Uhoraho rirasemerera, ribarira igisagara — kand’ umunyabgenge azokwubaha izina ryiwe — riti Ni wumve wa hanga we, nawe koraniro ryo mu gisagara!

Zefaniya 2:3

Murondere Uhoraho, yemwe bagwaneza mwese bo kw isi, bashitsa amabgirizwa yiwe: murondere ubugororotsi, bo n’ukwicisha bugufi; kumbure muzokinjishwa ku musi w’uburake bg’ Uhoraho.

Zekariya 7:9

rit’ Uku ni k’ Uhoraho Nyen’ ingabo yagize, ati Ni muce imanza ziroranye, umuntu wese agirire mugenzi we imbabazi n’ikigongwe.

Matayo 5:3

ati Hahirwa aboro mu mitima yabo, kuk’ ubgami bgo mw ijuru ar’ ubgabo.

Matayo 5:7

Hahirwa abagira imbabazi, kukw ari bo bazozigirirwa.

Luka 10:42

arikw ibikwiye rwose ni kimwe: kuko Mariya ahisemw’ umugabane mwiza, atazokwakwa.

Luka 11:42

Ariko muzobona ibara, Bafarisayo, kuko mutanga ikigiracumi c’imbgija n’isogi n’imboga zose, ariko guca izibereye no gukunda Imana mukavyirengagiza. Ivyo mwari mukwiye kubikora, vya bindi na vyo ntimubireke.

Luka 12:14

Aramubaza, ati Mbega wa mugabo, ni nde yanshizeho kuba umucamanza wanyu, canke kubagaburira ivyanyu?

Luka 6:36

Mugire imbabazi, nk’uko So agira imbabazi.

Abaroma 7:16

Ariko ko nkora ico ntagomba, mba nemeye ivyagezwe kw ari vyiza.

Abaroma 9:20

Ariko ga wa muntu, uri nde, uhārīra n’Imana? Mbeg’ icābūmbge cobaza uwakibumvye, kiti N’iki catumye umbumba urtya?

1 Korinto 7:16

Yewe mugore, ubgirwa n’iki yuk’ uzokiza umugabo wawe? Yewe mugabo, ubgirwa n’iki yuk’ uzokiza umugore wawe?

Abanyefeso 4:32

Mugiriranire neza, mugiriranire imbabazi, muharirane, nk’ukw Imana na yo yabahaririye muri Kristo

Gusubira mu Vyagezwe 27:10

Ni co gituma mukwiye kwumvira Uhoraho Imana yanyu, mukitondera ivyagezwe vyiwe n’amabgirizwa yiwe, ivyo mbagera uyu musi.

Gusubira mu Vyagezwe 30:15

Ehe rāba, uyu musi mbashize imbere ubugingo n’amahirwe, bo n’urupfu n’amagorwa;

Kolosayi 3:12

Nuko rero, nk’uko bibereye abātoranijwe n’Imana bera bakundwa na yo, mwambare umutima w’ikigongwe, n’ineza, n’ukwicisha bugufi, n’ugutekereza, n’ukwihangana,

2 Tesalonike 2:16

Ariko, Umwami wacu Yesu Kristo ubgiwe, n’Imana Data wa twese, yadukunze, ikaduha kwirurwa imibabaro guhoraho, bo n’ivyizigiro vyiza biheshwa n’ubuntu bgayo,

Yakobo 2:20

Ariko wa muntu w’imburakimazi we, mbeg’ ugomba kumenya ingen’ ukwizera kutagira ibikorwa ar’ ukw’ ubusa?

Yosuwa 24:14

None rero ni mwubahe Uhoraho, mumusabe mu vy’ukuri ata buryarya; mukūreho za mana ba sogokuruza bāsaba hakurya ya rwa ruzi no muri Egiputa, Uhoraho abe ari we musaba.

1 Petero 3:8

Ibisigaye, mwese muhūze umutima, mubabarane, mukundane nk’abavukana, mugiriranire imbabazi, mwicishe bugufi mu mutima;

1 Samweli 12:23

Kandi nanje, ntibikanzeko ko noreka kubasengera, ngacumura k’Uhoraho, ariko nzokwama mbarangira inzira nziza itunganye.

1 Samweli 15:22

Samweli aramwishura, ati Mbeg’ Uhoraho ahimbarwa n’ibimazi vyoswa n’ ibindi bimazi gusumba ūmwumviye? Erega kwumvira gusumba ibimazi, no kuyoboka gusumba ibinure vy’impfizi z’intama.