Mika 6:7 - Bibliya Yera 1951 1967 (Burundi)

⁷ Mbeg’ Uhoraho yohimbarwa n’amapfizi y’intama ibihumbi, cank’ inzūzi z’amavuta ya elayo ibihumbi cumi? Notanga imfura yanje ku gicumuro canje, imbuto y’umubiri wanje nkayitanga ku caha c’umutima wanje?

Mika 6:7 ပူးပေါင်းရင်းမြစ်များ

2 Abami 16:3

ariko yagendera mu ngeso z’abami b’ Abisirayeli, mbere yatanze umuhungu wiwe kw ikimazi ngo yoserezwe mu muriro, nk’ukw ibizira vy’ubuyobe vy’abanyamahanga vyari bimeze, abo Uhoraho yari yarirukanye imbere y’Abisirayeli.

2 Abami 21:6

Atanga umuhungu wiwe kw ikimazi ngo yoserezwe mu muriro, agapfumuza, agatera amabara, akaja kuraguza abahamagara imizimu, n’ abamenyi; yakora ibibi vyinshi imbere y’Uhoraho, bimutera umwikomo.

2 Abami 23:10

Kand’ ahumanya n’i Tofeti mu mwonga wa bene Hinomu, kugira ngo hoye kugira umuntu n’umwe ahatangira umwana wiwe kw ikimazi, ar’ umuhungu cank’ umukobga, ngo yoserezwe Moleki mu muriro.

2 Abami 3:27

Bibananiye, ahitana umwana wiwe w’imfura yomusubiriye ku ngoma, amutanga kw ikimazi co kwoswa, amwosereza hejuru ku ruzitiro. Abisirayeli baca barazinukwa rwose; bituma bamureka, barahindukira basubira mu gihugu cabo.

Yobu 29:6

Ibirenge vyanje bigitonyanga ivuta, Ubgato bgimbge mu gitandara bukinsendanishiriza amavuta ya elayo!

Zaburi 50:9

Sinzokwākīra imasa yo mu rugo rwawe, Cank’ amasuguru y’impene zo mu mpongore zawe,

Zaburi 51:16

N’uk’ utanezererwa ibimazi, mba mbigushikaniye: Ntuhimbarwa n’ibimazi vyoshejwe.

Zaburi 51:18

Ugirire neza i Siyoni, nk’uko haguhimbara; Wubake inzitiro z’amabuye z’i Yerusalemu.

Imigani 15:8

Ikimazi abanyakibi batanga n’ igisesema k’Uhoraho, Arikw ahimbarwa n’ugusenga kw’abagororotsi.

Imigani 21:3

Gukora ivy’ ukugororoka no guca izibereye Ni vyo bihimbara Uhoraho kurusha gutanga ibimazi.

Yesaya 1:1

Ivyo Yesaya mwene Amosi yeretswe, ivyo yabonye ku b’i Buyuda n’i Yerusalemu, ku ngoma ya Uziya no ku ya Yotamu no ku ya Ahazi no ku ya Hezekiya, abami b’i Buyuda.

Yesaya 40:16

Kand’ i Lebanoni ntihoboneka inkwi zo gucana zirangije, kandi n’ibikōko vyaho ntivyorangiza kuba ikimazi co kwosa.

Yeremiya 19:5

bagataba ibitabo vya Bayali, ngo bahosereze abahungu babo mu muriro, babe ibimazi vyosherejwe Bayali; ar’ ikintu ntābageze, ntāvuze, kitigeze no kuza mu mutima wanje.

Yeremiya 6:20

Bimaze iki kunkūrira ibintu bimoga i Sheba, na kanehe imota neza ivuye mu gihugu ca kure? Ibimazi vyanyu vyoswa simbishima, kand’ ivyo mukerera ntibimpimbara.

Yeremiya 7:31

Batavye ibitabo i Tofeti, ahahanamiye umwonga wa mwene Hinomu, ngo bahosereze abahungu babo n’abakobga babo mu muriro, babatanze kw ibimazi; ar’ ikintu ntābageze, kitigeze no kuza mu mutima wanje.

EZEKIYELI 23:37

Kuko basambanye, kand’ amaraso bavishije ari ku ntoke zabo; basambanye n’ibigirwamana vyabo; kandi n’abahungu babo bamvyariye babatanze kw ibimazi ngo boswe mu muriro, babashikaniye ivyo bigirwamana ngo bibarye.

Hoseya 5:6

Bazojana imikuku yabo n’amasho yabo baja kurondera Uhoraho, ariko ntibazomubona! Azoba yitandukanije na bo.

Hoseya 6:6

Ereg’ imbabazi ni zo ngomba, s’ibimazi, n’ukummenya jewe Imana, kuruta ibimazi vyoshejwe.

Abalewi 18:21

Kandi ntihaze hagire ūtanga uwo mu bana biwe ngo yoserezwe Moleki kw ikimazi, ngw atukishe izina ryanje, Imana yiwe: nd’ Uhoraho.

Abalewi 20:1

Uhoraho abarira Mose,

Amosi 5:22

Mbere naho mwonshikanira ibimazi vyoswa n’amashikanwa y’amafu, sinzovyemera; kand’ ibimasa vyanyu binuze muzanakw ibimazi vy’ ishimwe, sinzobishirako n’ijisho.

Filemoni 1:12

Ni we nyene nkurungikiye, ni we mutima wanje.

Abacamanza 11:31

ngatabaruka amahoro mvuye kurwana na bo, ūzobanza gusohoka mu nzu yanje kunsanganira, azoba uwawe, Uhoraho, nanje nzomutanga kw ikimazi c’ukwoswa.

Abacamanza 11:39

Maz’ amezi abiri ashize, agaruka kwa se, na we amugenza nk’ukw isezerano yasezeranye riri; kandi ntiyari yarīgeze kumenya icitwa umugabo. Bica biba umugenzo mu Bisirayeli, uk’ umwaka utashe:

1 Samweli 15:22

Samweli aramwishura, ati Mbeg’ Uhoraho ahimbarwa n’ibimazi vyoswa n’ ibindi bimazi gusumba ūmwumviye? Erega kwumvira gusumba ibimazi, no kuyoboka gusumba ibinure vy’impfizi z’intama.