Mika 6:5 - Bibliya Yera 1951 1967 (Burundi)

⁵ Yemwe bantu banje, enda ni mwibuke imigabo Balaki umwami w’i Mowabu yīgīriye, n’ico Balamu mwene Beyori yamwishuye; mwibuke n’ivyabaye uhereye i Shitimu ukageza i Gilugali, kugira ngo mumenye ivy’ ubugororotsi nakoze, jewe Uhoraho.

Mika 6:5 ပူးပေါင်းရင်းမြစ်များ

Zaburi 111:4

Yatumye ibikorwa vyiwe bitangaje vyibukwa, Uhoraho n’umunyabuntu, yuzuye imbabazi.

Zaburi 143:11

Uhoraho, ungire muzima, kubg’ izina ryawe: Ukūre umutima wanje mu vyago kubg’ ukugororoka kwawe.

Zaburi 36:10

Hora ushishikara gusēsekaza imbabazi ku bakuzi, N’ukugororoka kwawe ku batunganye mu mitima.

Zaburi 71:19

Mana, ukugororoka kwawe gushika hejuru kure: Ni wewe wakoze ibikomeye, Mana, ni nde ahwanye nawe?

Yesaya 1:27

I Siyoni hazocunguzwa guca iziroranye, abīsubiyemwo baho bazocunguzwa ukugororoka.

Guharūra 22:41

Bukeye Balaki ajana Balamu, amudūgana i Bamoti‐Bayali, ah’ ashobora kubona uruhande rumwe rw’Abisirayeli aho bagarukira.

Guharūra 23:27

Balaki abarira Balamu, ati Ngwino nkujane ahandi: kumbure Imana yokunda k’ubamvumira uhagazeyo.

Guharūra 25:1

Abisirayeli batebeye i Shitimu, abantu batangura gusambana n’Abanyamowabukazi:

Guharūra 25:2

kuko bābatumira ngo baze gusangira na bo ibimazi vy’ibigirwamana vyabo: nukw abo bantu bakabiryako, bakūnamira ivyo bigirwamana vyabo.

Guharūra 31:16

Ereg’ abo ni bo bacumuje mwebge Abisirayeli k’Uhoraho ngo mumuhemukire mu vyabaye i Peyori, babitewe n’inama za Balamu, bituma ikīza gitera ishengero ry’Uhoraho.

Guharūra 31:8

Kand’ ukūye abandi bishe, bica abami b’Abamidiyani, ni bo aba: Ewi, na Rekemu, na Tsuri, na Huri, na Reba, abo bami b’Abamidiyani ukw ari batanu; kandi na Balamu mwene Beyori bamwicisha inkota.

Guharūra 33:49

Mu gusagaza bagendana Yorodani, bāhēreye i Beti‐yeshimoti bakageza ahitwa Abeli‐shitimu, mu kiyaya c’i Mowabu.

Abanyefeso 2:11

Nuko mwibuke yuk’ ubga mbere, mwebge abanyamahanga ku rukoba, mwebge mucitwa abatākebge n’abo bitwa abākebge n’intoke ku mubiri,

Gusubira mu Vyagezwe 16:3

Ntimuze mugire imitsima yambiwe mubikoza; muze mumare imisi ndwi murya imitsima itambiwe yavyo, ari yo mitsima y’ amagorwa, kuko mwavuye mu gihugu ca Egiputa ikibiriraho; kugira ngw imisi yose muzoba mukiriho, muze mwame mwibuka wa musi mwaviriye mu gihugu ca Egiputa.

Gusubira mu Vyagezwe 23:6

Muze murinde mupfa mutabendeje ivy’ amahoro cank’ ivyiza ukw ibihe bizoha ibindi.

Gusubira mu Vyagezwe 8:18

Ariko muze mwibuke Uhoraho Imana yanyu, kukw ari we azobaha ubutōre bgo kuronka ubutunzi, kugira ngw ashitse isezerano yasezeranye arahira ba sogokuruza banyu, nk’uko biri n’uyu musi.

Gusubira mu Vyagezwe 8:2

Kandi muze mwibuke urugendo rwose rwo mu bugaragwa Uhoraho Imana yanyu yabarōngōyemw’ iyi myaka ukw ari mirongwine; kugira ngw abacishe bugufi, abagerageze, amenye ibiri mu mitima yanyu, yuko muzokwitondera ivyagezwe vyiwe canke ko mutazovyitondera.

Gusubira mu Vyagezwe 9:7

Muze mwibuke ingene mwarakije Uhoraho Imana yanyu muri mu bugaragwa, ntimuze muvyibagire; uhereye umusi mwaviriye mu gihugu ca Egiputa, kugeza aho mwashikiye aha hantu, mwagiye mugarariza Uhoraho.

Yosuwa 2:1

Bakir’ i Shitimu, Yosuwa mwene Nuni atuma abantu babiri mu mpisho, ngo baje gutata; arababarira, ati Ni mugende mwitegereze ico gihugu, cane‐cane i Yeriko. Nuko baragenda, bashika mu nzu ya maraya yitwa Rahabu, bahāka indaro.

Yosuwa 3:1

Bukeye Yosuwa arazinduka, avana i Shitimu n’Abisirayeli bose, bashika kuri Yorodani, barāra batajabutse.

Yosuwa 4:19

Abantu bādūze bava muri Yorodani ku musi w’icumi w’ ukwezi kwa mbere, basagaza i Gilugali ku ruhande rw’i burasirazuba rw’i Yeriko.

2 Petero 2:15

Bātaye inzira igororotse, barazimira, bakurikira inzira ya Balamu, mwene Beyori, umwe yakunze ingero zo kugabitanya,

1 Yohana 1:9

Ni twatura ivyaha vyacu, ni yo yo kwizigirwa kand’ igororoka, ivyo ni vyo bituma iduharira ivyaha vyacu, ikatwoza ukugabitanya kwose.

Yuda 1:11

Bazobona ibara, kuko bajanye inzira ya Kayini, bakiroha mu buzimire bga Balamu kubg’ amaronko, bagahonera mu mugararizo wa Kora.

Ivyahishuwe 2:14

Ariko mfise i vyo nkugayako bike, kukw i wanyu uhafise abakomeza inyigisho za Balamu, yigishije Balaki gushira igitsitaza imbere y’Abisirayeli, kugira ngo barye ivyaterekerejwe ibigirwamana, bashakane.

Abacamanza 11:25

Uti Mbeg’ uraruta Balaki mwene Sipori umwami w’i Mowabu? Uti Har’ aho yigeze aja impaka n’Abisirayeli? Uti Har’ aho yarwanye na bo?

Abacamanza 5:11

Aho bavuga ibicuba ku ngomero z’inka, Abe ari ho batāzīrira Uhoraho kubg’ intsinzi yiwe, Kubg’ intsinzi yiwe arōngōye Abisirayeli. Aho ni ho abantu b’Uhoraho bāmanutse, bagatamaza mu marembo yabo.

1 Samweli 12:7

Nuko none ni muhagarare, mbāgiririze imbere y’ Uhoraho, mbereke n’ivyo yabagiriye vyose mu bugororotsi, mwe na ba sogokuruza.