Mika 6:2 - Bibliya Yera 1951 1967 (Burundi)

² Yemwe misozi, namwe matanguriro y’isi yahamye, ni mwumve ukubūrana kw’Uhoraho; kuk’ Uhoraho afitaniye imibūrano n’abantu biwe, kand’ agira abūrane n’Abisirayeli.

Mika 6:2 ပူးပေါင်းရင်းမြစ်များ

2 Samweli 22:16

Maz’ agataka ko musi y’ikiyaga karaboneka, Amatanguriro y’isi aratwikururwa, Bitewe n’uguhana kw’Uhoraho, N’ugufūha kw’impwemu ziva mu mazuru yiwe.

2 Samweli 22:8

Maz’ isi iratigita, ihinda agashitsi, Amatanguriro y’ijuru aranyiganyiga, Atigitishwa n’uburake bgayo.

Zaburi 104:5

Washizeh’ amatanguriro y’isi, Ngo yoye kuzonyiganyizwa gushitsa ibihe bidashira.

Imigani 8:29

Igihe yashingira ikiyaga akarimbi, Kugira ngw amazi ntarenge icagezwe cayo; Igihe yashirah’ amatanguriro y’isi:

Yesaya 1:18

Enda ni muze, twītātūre, ni k’Uhoraho agize; nah’ ivyaha vyanyu vyotukura tukutuku, bizokwera derere nka shelegi; naho vyotukura nk’agahama, bizohinduka nk’ubgoya bg’intama y’umwero.

Yesaya 3:13

Uhoraho ahagurukijwe no kubūrana, kand’ ahagurukijwe no gucira amahanga imanza.

Yesaya 43:26

Nyibutsa, tubūrane; shinga urubanza rwawe, kugira ng’utsindishirizwe.

Yesaya 5:3

None rero mwa baba i Yerusalemu, namwe bagabo b’i Buyuda, ndabinginze mudutātūre, twe n’uruzabibu rwanje.

Yeremiya 2:9

Ni co gitumye nzokomeza kubūrana namwe, kandi nzobūrana n’abuzukuru banyu, ni jewe Uhoraho mbivuze.

Yeremiya 25:31

Ijwi ryavyo rizoshika no ku mpera y’isi; kuk’ Uhoraho afitaniye imibūrano n’amahanga, azobūrana n’abariho bose; kand’ abanyavyaha azobagaburira inkota, ni k’Uhoraho agize.

Yeremiya 31:37

Uku ni k’ Uhoraho agize, at’ Ijuru ryogerwa, amatanguriro y’isi agaserangurwa, ni ho nanje noca uruvyaro rwose rwa Isirayeli, mbahōye ivyo bakoze vyose, ni jewe Uhoraho mbivuze.

Hoseya 12:2

Uhoraho afise imibūrano no kuri Yuda, kand’ azohana Yakobo ibihwanye n’ingeso ziwe; azomusubiriza mu nkōko ibihwanye n’ivyo yakoze.

Hoseya 12:3

Yafashe igitsintsiri ca mukuru we bakiva mu nda ya nyina; kand’ amaze gukura yahotoranye n’Imana:

Hoseya 4:1

Ni mwumve ijambo ry’Uhoraho, yemwe Bisirayeli: ereg’ Uhoraho afitaniye imibūrano na ben’ igihugu, kukw ata kuyoboka kuri mu gihugu, cank’ imbabazi, cank’ ukumenya Imana.

Mika 6:1

Enda ni mwumve ico Uhoraho avuga, ati Va hasi, ubūranire imbere y’imisozi, uturambi ni twumve ijwi ryawe.

Gusubira mu Vyagezwe 32:22

Kuk’ umuriro w’uburake bganje udometswe, Wātse, ugashika hasi i kuzimu, Ugatōngōra isi n’ivyeze kuri yo, Ukadomeka amatanguriro y’ imisozi.

Gusubira mu Vyagezwe 4:26

uyu musi ntanze ijuru n’isi kw ivyabona yuko mutazobura guhona bidatevye, mugaherengetera mu gihugu mujabuka Yorodani muja kwinjira; ntimuzokirambiramwo, ariko muzorandurwa rwose.