Mika 4:10 - Bibliya Yera 1951 1967 (Burundi)

¹⁰ Ribga, unihe, ewe mukobga w’i Siyoni, nk’umugore aramutswe; kuk’ ugira ng’ uve mu gisagara, ube mu gahinga, mber’ uzoruha ushike n’i Babuloni: iyo ni ho uzorokorerwa; iyo ni ho Uhoraho azogucungurira, agukūre mu maboko y’abansi bawe.

Mika 4:10 ပူးပေါင်းရင်းမြစ်များ

2 Abami 20:18

Kand’ abahungu bawe uzoba wikūriye mu nda wavyaye bazobajana, bagirwe inkone zo kuba mu ngoro y’umwami w’i Babuloni.

2 Abami 25:4

Abakaludaya baraheza basatura uruzitiro rw’ico gisagara, maz’ ingabo zose zihenga mw ijoro zirahunga, ziciye mu kirimba kiri hagati y’inzitiro zibiri, cari hafi y’indimiro y’umwami; kand’ Abakaludaya bāri bakikije igisagara impande zose; nuk’ umwami ajana inzira ica mu kiyaya Araba.

2 Ivyo ku Ngoma 33:11

Ni co catumye Uhoraho abatēza abagabisha b’ingabo z’umwami w’i Ashuri, bagafata Manase, bakamubohesha ivyuma, bakamushira mu minyororo, bakamujana i Babuloni.

2 Ivyo ku Ngoma 36:20

Abācitse bagakira inkota, uwo mwami abajana i Babuloni, abagira abaja biwe n’ab’ abahungu biwe, gushitsa igihe Abaperesi bashikiriye ingoma,

2 Ivyo ku Ngoma 36:23

ngo Kuro, umwami w’i Buperesi aravuze, at’ Uhoraho Imana Nyen’ ijuru yangabiye ibihugu vyose vyo mw isi. Kandi yangeze ngo ndamwubakire ingoro i Yerusalemu mu Buyuda. Non’ umuntu wese muri mwebge wo mu bantu biwe bose, Uhoraho Imana yiwe n’ibane na we, adūge ajeyo.

Zaburi 106:10

Ibakiza ukuboko kw’umwansi wabo, Irabacungura, ibakūra mu kuboko kw’umurwanizi.

Yesaya 43:14

Uku ni k’Uhoraho agize, Umucunguzi wanyu, Uwera w’ Abisirayeli, ati Natumye i Babuloni kubganyu, nzomanura abaho bose ar’ impunzi, ni bo Bakaludaya, mu māto bishimira.

Yesaya 45:13

Ni jewe mpagurukije Kuro mu bugororotsi, kandi nzororanya inzira ziwe zose; ni we azokwubaka umurwa wanje, kandi ni we azorekura abantu banje bānyazwe, adahongewe cank’ adahērewe, ni k’Uhoraho Nyen’ ingabo agize.

Yesaya 48:20

Ni muve i Babuloni, muhunge muve mu Bakaludaya, muvuge ibi, mubikwize, muvyamamaze gushitsa ku mpera y’isi, mubivugishe ijwi ry’indirimbo, mut’ Uhoraho acunguye umusavyi wiwe Yakobo.

Yeremiya 13:4

riti Jana wa mukanda wagura, umwe ukenyeye, uve hasi uje kuri Efurate, uwunyegezeyo mu mugāga wo mu gitandara.

Yeremiya 15:21

Nzokurokora ngukūre mu maboko y’ abanyakibi, kandi nzogucungura ngukūre mu maboko y’abantu b’agaterabgoba.

Yeremiya 29:20

None rero ni mwumve ijambo ryanje, jewe Uhoraho, mwebge mwese abambukanywe, abo narungitse ngo muve i Yerusalemu muje i Babuloni.

Yeremiya 4:31

Kuko numvise ijwi nk’iry’ umugore aramutswe, ubusinzikare bg’ūrikw aravyara umwana w’uburiza, ijwi ry’umukobga w’i Siyoni ahuzagizwa, ata amaboko, at’ Ewe jewe ndagowe! Umutima wanje ugwiriye igihumura imbere y’abicanyi.

Yeremiya 48:41

I Keriyoti haratsinzwe, ibihome bineshejwe giturumbuka; kur’ uwo musi imitima y’abahizi b’i Mowabu izomera nk’umutima w’ umugore ari mu bise.

Yeremiya 52:27

Umwami w’i Babuloni arabazibagura, abatsinda ngaho nyene i Ribula, mu ntāra y’i Hamati. Uko ni kw Abayuda bajanywe kw inyagano, bakūrwa mu gihugu cabo.

Hoseya 1:10

Yamar’ amaherezo, igitigiri c’Abisirayeli kizongana nk’umusenyi wo ku kiyaga, udashobora kugerwa ku ngero canke guharūrika. Kand’ ahantu bābgiriwe, ngo Ntimur’ abantu banje, ni ho nyene bazobgirirwa, ngo Mur’ abana b’Imana nzima.

Hoseya 13:13

Azofatwa n’ibise nk’ivy’ umugore aramutswe: n’umwana w’imburabgenge; kukw igihe co kuvuka kigeze, ntava mu menshi ngw avuke.

Hoseya 2:14

Nuko rero, ehe ngira ndamukwēgēre, mmushikane mu bugaragwa, ndamuremeshe.

Mika 5:2

Ariko wewe, Betelehemu Efurata, nah’ ur’ inkehwa mu bihumbi vy’i Buyuda, muri wewe hazomviramw’ ūzoba segaba mu Bisirayeli; amamo yiwe yahereye kera hose, ibihe n’ibindi.

Mika 5:3

Ni co gituma azobagabura mu bansi, gushitsa ah’ ūramutswe azovyarira: ni ho amasigarira yo mu bavukana na we azogaruka mu Bisirayeli.

Ivyahishuwe 12:14

Umugore ahabga amababa abiri y’inkukuma nini, kugira ngw agurukire mu bugaragwa ahantu hiwe, ah’ agaburirirwa igihe n’ibihe n’igice c’igihe, arindwa ico kiyoka.