Mika 3:8 - Bibliya Yera 1951 1967 (Burundi)

⁸ Ariko jeho nuzuye ubushobozi n’ ukuroranya n’inkomezi, mbihawe na Mpwemu w’Uhoraho, kugira ngo mmenyeshe Yakobo igicumuro ciwe, Isirayeli ndamumenyeshe icaha ciwe.

Mika 3:8 ပူးပေါင်းရင်းမြစ်များ

Yobu 32:18

Kukw amajambo anyuzuyemwo, Imbere muri jewe umutima uransunika.

Yesaya 58:1

Semerera cane, woye kwigarura; rangurura ijwi ryawe nk’inzamba, ubarire abantu banje ibicumuro vyabo, n’inzu ya Yakobo ivyaha vyabo.

Yesaya 61:1

Mpwemu w’Umwami Uhoraho ari kuri jewe, kuk’ Uhoraho yandobanuje amavuta ngo mbgire abaciye bugufi ubutumwa bgiza; yantumye gutubika imitima imenetse, no kumenyesha abarindwa ko barekuwe, n’imbohe ko zugururiwe;

Yesaya 61:2

ngo mmenyeshe abantu umwaka wo kwemererwamwo n’Uhoraho, n’ umusi wo kwīhōra w’Imana yacu; ngo nirure abagandaye bose,

Yeremiya 1:18

Kuko rāba, uyu musi nguhinduye igisagara cubakiwe inzitiro, nguhinduye n’inkingi y’icuma n’inzitiro z’imiringa, bitazotsindwa n’igihugu cose, canke n’abami b’i Buyuda, canke n’abaganwa baho, canke n’abaherezi baho, canke n’abantu bo mu gihugu.

Yeremiya 20:9

Iyo mvuze, nti Sinzosubira kumuvuga, canke ngo ngire ico mvuga mw izina ryiwe, haca haba nk’umuriro uyingana mu mutima wanje, uhīshije uburimbi amagufa yanje, bikangora kwiyumanganya, nkaba ntobishobora.

Yeremiya 6:11

Ni co gituma nuzuye ubushangashirwe bg’Uhoraho: bingoye kubuzina; burekurire ku bana bari mu nzira, no ku misore ah’iganamye: kuk’ umugabo azonyaganwa n’umugore wiwe, n’umutāma azonyaganwa n’ūgeze mu zabukuru.

GUCURA INTIMBA 2:14

Ba kamenyi bawe bākurotoreye ivy’ ubusa n’ivy’ ubupfu; Kandi ntibāguseruriye ibigabitanyo vyawe, ngo ntuje mu kinyago: Ariko bākurotoreye imbūri z’ubusa, n’ibikuzanira gucibga.

EZEKIYELI 16:2

riti Mwana w’ umuntu, menyesha Yerusalemu ibizira vyaho,

EZEKIYELI 20:4

Mbega ntiwobacira urubanza, ga mwana w’umuntu, ntiwobacira urubanza? Bamenyeshe ibizira vya ba sekuruza.

EZEKIYELI 22:2

riti Nawe, mwana w’umuntu, mbega ntiwogicira urubanza, ntiwogicira urubanza, ca gisagara kivisha amaraso? Nuk’ ukimenyeshe ibizira vyaco vyose.

EZEKIYELI 23:36

Uhoraho yongera kumbarira, ati Mwana w’umuntu, Ohola na Oholiba mbega ntiwobacira urubanza? Bamenyeshe rero ibizira vyabo.

EZEKIYELI 3:14

Nuko Mpwemu aranterura, aranjana; ngenda nshavuye, nitonganya; arik’ ukuboko kw’Uhoraho kwari kunshikamiye.

EZEKIYELI 43:10

Nuko rero, mwana w’umuntu, uze wereke ab’ inzu ya Isirayeli iyi ngoro, kugira ngo bamāramāzwe n’ibigabitanyo vyabo; bayigere nk’ukw ikigereranyo cayo kimeze.

Matayo 7:29

kuko yabigisha nk’ūfise ububasha, ntase n’abanyabgenge b’ivyanditswe babo.

Mariko 3:17

atoranya na Yakobo mwene Zebedayo, na Yohana mwene nyina wa Yakobo, na bo abita Bowanerige, risobanurwa ngw Abana b’inkuba;

1 Korinto 2:4

imvugo yanje n’ukwigisha kwanje ntivyarimw’ amajambo y’ubgenge yo kwemeza abantu, ariko vyaserukamwo Mpwemu n’ubushobozi,