Mika 3:12 - Bibliya Yera 1951 1967 (Burundi)

¹² Nuko ni co gituma Siyoni hazohinduka ubusīze kubganyu, n’i Yerusalemu hahinduke ibirundo vy’amasakamburira, n’umurwa wubatswekw iyi ngoro uhinduke nk’ ikibira kiri ku mpinga y’umusozi.

Mika 3:12 ပူးပေါင်းရင်းမြစ်များ

Zaburi 107:34

Igihugu kimera agihindura akarēre k’umunyu, Kubg’ ivyaha vy’abahaba.

Zaburi 79:1

Mana, abanyamahanga bateye ishamvu yawe; Bahumanije urusengero rwawe rwera, Basanganguye Yerusalemu, hasigaye ar’ ibirundo vy’ amasakamburira.

Yesaya 32:14

kukw ingoro izohebga, umurwa bahora bayebanganako uzoba imisaka; umusozi n’umunara w’abateramyi bizohinduka amasenga gushitsa ibihe bidashira, bizoba aho guhimbara indogoba z’inyeshamba, hazoba ubgatsi bg’imikuku;

Yeremiya 17:3

Ewe musozi wanje wibonekeza mu gihugu, ibintu vyawe n’itunga ryawe ryose nzobigomorera binyagwe, bo n’ibitabo vyawe vyatabge ku mpinga z’imisozi, kubg’ ivyaha, bihereye ku mbibe zawe zose.

Yeremiya 22:5

Ariko ni mwanka kwumva ayo majambo, iyi ngoro izocika umusaka, ndirahiye ubganje, ni jewe Uhoraho mbivuze.

Yeremiya 22:6

Kuk’ ukw ari k’Uhoraho agize, ku vy’ingoro y’umwami w’i Buyuda, ati War’ umbereye nka Gileyadi, canke nk’ agatwe ka Lebanoni: n’ukuri nzoguhindura ubugaragwa, ube nk’ ibisagara bitakirimw’ umuntu.

Yeremiya 26:18

bati Mika w’i Moresheti yavugishwa n’Imana ku ngoma ya Hezekiya umwami w’i Buyuda; kandi yabariye abantu bose b’i Buyuda, at’ Uku ni k’Uhoraho Nyen’ ingabo agize, ati Siyoni hazosīzwa hahinduke nk’ubusīze, Yerusalemu hazohinduka ibirundo vy’ amasakamburira, n’umurwa wubatswekw iyi ngoro uzohinduka nk’ikibira kiri ku mpinga z’imisozi.

Yeremiya 35:17

nuko rero, uku ni ko mvuze, jewe Uhoraho, Imana Nyen’ ingabo, Imana y’Abisirayeli, nt’ Ehe nzozana ku Bayuda no ku baba i Yerusalemu bose ivyago vyose nabageneye, kuko nababūriye bakanka kwumva, nkabahamagara bakanka kwitaba.

Yeremiya 44:2

rit’ Uku ni k’Uhoraho Nyen’ ingabo agize, ni we Mana y’Abisirayeli, ati Mwabonye ivyago vyose nateje i Yerusalemu, n’ibisagara vyose vy’i Buyuda; kandi none rāba, uyu musi hasigaye ar’ imisaka, ata muntu akihaba;

Yeremiya 52:13

Araheza yanda umuriro ingoro y’Uhoraho n’ingoro y’ umwami, n’amazu yose y’i Yerusalemu, mber’ amazu yose y’ abahambaye ayatongoza umuriro.

Yeremiya 9:10

Ngira ndirire imisozi ndayiborogere, ncurire akanihiro amātsi yo mu biyaya, kuko haturiwe, ata wukihaca, kand’ ata wucumva kwābagirana kw’amasho; inyoni zo mu kirēre bo n’ibikōko birahunze, biragiye.

Yeremiya 9:11

Kand’ i Yerusalemu nzohahindura ibirundo vy’amasakamburira, n’i wabo w’imbgebge; kandi n’ibisagara vy’i Buyuda nzobihindura amatongo, ata wukihaba.

GUCURA INTIMBA 5:18

Bitewe n’uk’ umusozi Siyoni ucitse amatongo: Imbgebge zisigaye zihatambatamba.

Mika 1:6

Ni co gituma igisagara c’i Samariya nzogihindura nk’ikigūngūzi c’amabuye co mu ndimiro, habe aho gutera imizabibu; kand’ amabuye yaho nzoyahondoganiriza mu mwonga, n’amatanguriro y’amazu yaho nzoyaserura ahabona.

Matayo 24:2

Arababgira, ati Ntimubona ivyo vyose? Ndababgire ukuri: Aha ntihazosigazwa ibuye rigeretse ku rindi, ridasamburiwe hasi.