Mika 1:6 - Bibliya Yera 1951 1967 (Burundi)

⁶ Ni co gituma igisagara c’i Samariya nzogihindura nk’ikigūngūzi c’amabuye co mu ndimiro, habe aho gutera imizabibu; kand’ amabuye yaho nzoyahondoganiriza mu mwonga, n’amatanguriro y’amazu yaho nzoyaserura ahabona.

Mika 1:6 ပူးပေါင်းရင်းမြစ်များ

2 Samweli 17:13

Na ho ni yaramuka ahungiye mu gisagara, Abisirayeli bose bazozana imigozi, dukwege ico gisagara tugicurangurize mu ruzi, gushitsa hatakiboneka n’akabuye na kamwe.

2 Abami 18:10

Maze hashize imyaka itatu barahanesha; i Samariya hāneshejwe mu mwaka ugira gatandatu Hezekiya ari ku ngoma, ari wo mwaka ugira icenda wo ku ngoma ya Hoseya umwami w’ Abisirayeli.

2 Abami 18:9

Mu mwaka ugira kane umwami Hezekiya ari ku ngoma, ari wo mwaka ugira indwi wo ku ngoma ya Hoseya mwene Ela, umwami w’Abisirayeli, Shalumaneseri umwami w’i Ashuri aradūga, atera i Samariya, arahugariza.

2 Abami 19:25

Mbega ntiwumvise uko nabigenjeje kera, mbigabiye mu bihe vyashize? None narabishikije, kugira ng’ uhonnye ibisagara vyubakiwe inzitiro, ubihindure ibirundo vy’amasakamburira.

Yesaya 17:1

Imbūri yo kuri Damasiko. Rāba Damasiko hakūweho, ntihacitwa umurwa, hazoba ibirundo vy’amasakamburira.

Yesaya 25:12

Kand’ igihome kirekire kigukīngīra c’inzitiro zawe z’amabuye azogisangangura, agitsinde hasi, agishitse mw ivu, mbere no mu mukungugu.

Yesaya 25:2

Kuko wahinduye igisagara ibirundo vy’ amasakamburira, igisagara cubakiwe inzitiro wakigize amatongo, ingoro z’abanyamahanga watumye zitakiba igisagara, ntikizokwongera kwubakwa kugeza ibihe vyose.

Yeremiya 31:5

Uzosubira gutera inzabibu ku misozi y’i Samariya: abarimyi bazozitera, bazīyereze.

Yeremiya 51:25

Ehe tuzohigūra twe nawe, wa musozi ugeseza we, ni jewe Uhoraho mbivuze, wagesheje isi yose: nzokubangurirak’ ukuboko kwanje, ngucuranguze ngukūre ku rutare, nguhindure umusozi uhiye inkomvorera.

Yeremiya 51:37

Kand’ i Babuloni hazocika ibirundo vy’amasakamburira, n’i wabo w’imbgebge, n’akajoreza, n’ico kuvuzwakw agahwa, ata wukihaba.

Yeremiya 9:11

Kand’ i Yerusalemu nzohahindura ibirundo vy’amasakamburira, n’i wabo w’imbgebge; kandi n’ibisagara vy’i Buyuda nzobihindura amatongo, ata wukihaba.

GUCURA INTIMBA 4:1

Ewe kuntu izahabu yafyirifyitiye! Ukuntu izahabu nziza yahindutse ukundi! Amabuye y’ahēra h’urusengero yasābagijwe mu mayirabiri yose.

EZEKIYELI 13:14

Uko ni ko nzohomvora urusika mwahomesheje ingwa, ndarusenyurire hasi, bitume itanguriro ryarwo rigaragazwa: nuko ruzohomvoka, namwe muherengeterezwe hagati muri rwo; ni ho muzomenya yuko jewe nd’ Uhoraho.

Hoseya 13:16

Samariya hazogibgako n’ibigabitanyo vyaho, kuko bāgararije Imana yabo: bazoririkwa n’inkota: abana babo b’inzoya bazomenagurirwa hasi, kand’ abagore babo bakuriwe bazofomozwa.

Amosi 5:11

Nuko rero, ko mwasiribanze umurushwa, mukamutoza utugano twiwe; amazu mwiyubakishirije amabuye abajwe, ntimuzoyabamwo; imirima myiza y’imizabibu mwateye, ntimuzonywa vino zayo.

Amosi 6:8

ni k’Uhoraho Imana Nyen’ ingabo agize. Umwami Uhoraho arirahiye, ati Nanka urunuka ubgibone bg’aba Yakobo, nzinutswe n’ingoro zabo; ni co gituma nzogabura igisagara n’ibirimwo vyose.

Mika 3:12

Nuko ni co gituma Siyoni hazohinduka ubusīze kubganyu, n’i Yerusalemu hahinduke ibirundo vy’amasakamburira, n’umurwa wubatswekw iyi ngoro uhinduke nk’ ikibira kiri ku mpinga y’umusozi.

Habakuki 3:13

Wasidukanywe no kuzanira abantu bawe agakiza, No kuzanira agakiza uwo warobanuje amavuta. Wasābije agatwe k’inzu y’ umunyakibi, Urayisangangura ushitsa no mu rukerēro. Sela.

Matayo 24:2

Arababgira, ati Ntimubona ivyo vyose? Ndababgire ukuri: Aha ntihazosigazwa ibuye rigeretse ku rindi, ridasamburiwe hasi.