Matayo 5:6 - Bibliya Yera 1951 1967 (Burundi)

⁶ Hahirwa abafise inzara n’inyota vyo kugororoka, kukw ari bo bazohāzwa.

Bibiliya mu Kirundi coroshe

⁶ Harahiriwe abafise inzara n’inyota vyo kugororoka, kuko bazohazwa.

Matayo 5:6 ပူးပေါင်းရင်းမြစ်များ

Zaburi 107:9

Kukw ahāza umutima ufise inyota, N’umutima ushonje awuzuza ivyiza.

Zaburi 145:19

Azoshitsa ivyo abamwubaha bagomba; Kand’ azokwumva ugutakamba kwabo, abakize.

Zaburi 17:15

Jeho nzorāba mu nyonga hawe ngororoka, Nikanguye nzonyurwa n’ ishusho yawe.

Zaburi 63:5

Umutima wanje uzohāzwa nk’ūriye umusokōro n’ibinure: Akanwa kanje kazogushimisha iminwa inezerewe,

Zaburi 65:4

Hahirwa umuntu utoranya, ukamwiyegereza, Kugira ngw abe mu nyubakwa zawe: Tuzohāzwa n’ivyiza vyo mu ngoro yawe, Vy’ahēra ho mu rusengero rwawe.

Zaburi 84:2

Ubugingo bganje buri n’ umuvuro, mbere budendebuwe no kwifuza inyubakwa z’Uhoraho; Umutima wanje n’umubiri wanje bivugiriza impundu Imana nzima.

Imigani 10:24

Ico umunyakibi atinya kizomushikako, Arikw ico umugororotsi yifuza azokironka.

Imigani 21:21

Uwitwaririka ivy’ ubugororotsi n’imbabazi Aronka ubugingo n’ubugororotsi n’icubahiro.

Indirimbo ya Salomo 5:1

Ndashitse mu murima wanje, mushikanje, mugeni wanje. Nomoroye isenga yanje ku giti, navuvuye imibavu yanje, Nariye ibinyagu vyanje n’ ubūki bganje, Nanyoye vino yanje n’amata yanje. Ni murye, bagenzi, Ni munywe, mbere ni munywe muhimbishwe n’ urukundo.

Yesaya 25:6

Kandi kur’ uyu musozi Uhoraho Nyen’ ingabo azohategurira amahanga yose amazimano y’inyama zinuze, amazimano ya vino y’umukāka, inyama zinuze zuzuye imisokōro, na vino y’umukāka imiminnye neza.

Yesaya 41:17

Impahazwa n’ abakene barondera amazi bakayabura, ururimi rwabo rukagwa umwumwa; jewe Uhoraho nzobishura, jewe Imana ya Isirayeli sinzobaheba.

Yesaya 44:3

Kuko nzosuka amazi ku gihugu gifise inyota, n’imigezi kw isi yumye; nzosuka Mpwemu wanje ku ruvyaro rwawe, n’umugisha wanje ku buzukuruza bawe:

Yesaya 65:13

Nuko rero, uku ni k’Uhoraho Imana agize, ati Rāba, abasavyi banje bazorya, ariko mweho muzokwicwa n’inzara; abasavyi banje bazonywa, ariko mweho muzokwicwa n’inyota; abasavyi banje bazonezerwa, ariko mweho muzomāramāra:

Yesaya 66:11

kugira ngo mwonke, muhāge amaberebere y’ibihahūmuriza, mugutanye munezererwe icubahiro caho c’umureto.

Yeremiya 31:25

Kuko nashubije intege mu mutima urushe, n’umutima udendebukiwe nkawuhēmbūra.

Luka 1:53

Abashonje yabahāgije ivyiza, Yirukanye abatunzi bagenda imvumure.

Luka 6:21

Hahirwa mwebge mushonje none, kuko muzohāzwa. Hahirwa mwebge murira none, kuko muzotwenga.

Luka 6:25

Muzobona ibara, mwebge muhāze none; kuko muzosonza. Muzobona ibara, mwebge mutwenga none; kuko muzoboroga murira.

Yohana 4:14

arik’ ūnywa amazi nzomuha, ntazoba akigira inyota na mba gushitsa ibihe vyose, arikw amazi nzomuha azohinduka muri we imbizi y’amazi yiburuka azana ubugingo budashira.

Yohana 6:27

Ntimukorere ivyo kurya biyoka, ariko mukorere ivyo kurya bihoraho bizana ubugingo budashira, ni vyo Umwana w’umuntu azobaha, kukw ari we Imana Data yashizekw ikimenyetso.

Yohana 7:37

Nuko ku musi uherūkira ya misi mikuru, ni wo musi uruta iyindi, Yesu arahagarara, arasemerera, ati Namba har’ ūfise inyota, n’aze kuri jewe, anywe.

Ivyahishuwe 7:16

Ntibazoba bakigira inzara ukundi, kandi ntibazoba bakigira inyota ukundi, kand’ izuba ntirizobarabika cank’ indugumba yose,