Matayo 2:1 - Bibliya Yera 1951 1967 (Burundi)

¹ Yesu amaze kuvukira i Betelehemu mu gihugu c’i Yudaya ku ngoma y’umwami Herode, haza abanyabgenge bavuye i burasirazuba, baja i Yerusalemu,

Bibiliya mu Kirundi coroshe

¹ Yesu amaze kuvukira i Betelehemu mu ntara ya Yudaya, ku ngoma y’umwami Herode, abanyabwenge mu vy’inyenyeri bavuye mu buseruko baja i Yerusalemu.

Matayo 2:1 ပူးပေါင်းရင်းမြစ်များ

Itanguriro 10:30

Igihugu cabo cāhēra i Mesha, kikagenda kirābana n’i Sefaru, gushitsa ku musozi w’i burasirazuba.

Itanguriro 25:6

Arikw abana bo ku ncoreke Aburahamu yar’ afise, arabagabira; araheza arabarungika, akiriho, ngw abatandukanye na Isaka umwana wiwe, bagende berekeye i burasirazuba, baje mu gihugu c’i burasirazuba nyene.

Itanguriro 41:8

Bukeye, ahagarika umutima, atuma guhamagaza abanyamareba bose bo muri Egiputa n’abanyabgenge baho bose: Farawo abarotorera inzozi ziwe: ariko ntihagira ūshobora kuzimusobanurira.

Itanguriro 49:10

Icumu ry’ubugabe ntirizova kuri Yuda, Inkoni yo kuganza ntizova hagati y’ibirenge vyiwe, Nyene vyo ataraza: Uwo ni we amahanga azokwumvira.

1 Abami 4:30

Ubgenge bga Salomo bgāruta ubg’ abanyabgenge bose b’i burasirazuba n’ubg’ Abanyegiputa bgose.

1 Ivyo ku Ngoma 2:51

na Saluma se wa Betelehemu, na Harefu se wa Beti‐gaderi.

Yobu 1:3

Itunga ryiwe ryar’ intama ibihumbi ndwi, n’ingamiya ibihumbi bitatu, n’inka igihumbi zirima, n’indogoba zivyara amajana atanu, n’abahinda mu rugo benshi cane; nuk’ uwo muntu yar’ ūhambaye gusumba abantu bose b’i burasirazuba.

Yesaya 11:10

Maze kur’ uwo musi igishitsi ca Isayi kizoba gihagaritswe no kubera amoko ibendera, ico gishitsi ni co amahanga azobariritsa: kand’ uburuhukiro bgiwe buzogira icubahiro.

Mika 5:2

Ariko wewe, Betelehemu Efurata, nah’ ur’ inkehwa mu bihumbi vy’i Buyuda, muri wewe hazomviramw’ ūzoba segaba mu Bisirayeli; amamo yiwe yahereye kera hose, ibihe n’ibindi.

Matayo 1:25

Kandi ntiyigera amwēgēra gushitsa aho yavyariye umwana w’umuhungu; araheza amwita YESU.

Matayo 2:16

Maze Herode abonye ko yahenzwe n’abo banyabgenge, arajingitwa cane. Atuma kugeseza abana b’abahungu bose b’i Betelehemu no mu misozi yose ihakikije, abamaze imyaka ibiri n’abatarayimara, yagerereje igihe yasigurije abanyabgenge.

Matayo 2:19

Herode amaze gutanga, umumarayika w’Umwami Imana yiyerekera Yosefu mu nzozi ari muri Egiputa,

Matayo 2:3

Umwami Herode avyumvise, ahagarikana umutima n’ab’i Yerusalemu bose.

Matayo 2:5

Bati N’i Betelehemu mu gihugu c’i Yudaya, ni ko vyanditswe n’umuntu yavugishwa n’Imana,

Matayo 2:7

Buno Herode ahamagaza ba banyabgenge mu mpisho, abasiguza igihe iyo nyenyeri yabonekeye.

Luka 1:5

Ku ngoma ya Herode, umwami w’i Yudaya, hārih’ umuherezi yitwa Zakariya, wo mu mutigiri wa Abiya, kandi yar’ afise umugore wo mu nzu ya Aroni, yitwa Elisabeti.

Luka 2:11

Uyu musi Umukiza abavukiye mu gisagara ca Dawidi, ni we Kristo Umwami.

Luka 2:15

Ba bamarayika bahejeje kuva aho bari, basubiye mw ijuru, nya bungere baravugana, bati Ngo rero tuje i Betelehemu, turābe ico kintu cabayeyo, ico Umwami Imana atumenyesheje.

Yohana 7:42

Mbeg’ icanditswe ntikivuga ko Kristo azova mu ruvyaro rwa Dawidi, i Betelehemu, wa musozi Dawidi yabako?

Abacamanza 17:7

Kandi hārih’ umusore w’i Betelehemu h’i Buyuda wo mu muryango wa Yuda w’Umulewi, yari yaje ngaho.