Matayo 17:5 - Bibliya Yera 1951 1967 (Burundi)

⁵ Akivuga, haza igicu gikayangana, kibatera igitūtu; kand’ ijwi riva muri nya gicu, riti Nguyu Umwana wanje nkunda, akampimbara; ni mumwumve.

Bibiliya mu Kirundi coroshe

⁵ Akiriko aravuga, haza igicu cera derere kirabatwikira. Hanyuma ijwi ryumvikanira muri ico gicu, rivuga riti: “Uwu ni Umwana wanje nkunda cane kandi ampimbara. Nimumwumvirize!”

Matayo 17:5 ပူးပေါင်းရင်းမြစ်များ

Yobu 38:1

Maz’ Uhoraho yishurira Yobu mu gashururu,

Zaburi 81:7

Waratakamvye ugowe, ndakurokora: Nakwishuye nihishije mu nkuba: Nakugeragereje ku mazi y’i Meriba. Sela.

Kuvayo 19:19

Ijwi ry’ inzamba rirushirije kurengēra, Mose aravuga, Imana imwishura mw ijwi rirenga.

Yesaya 42:1

Nguyu umushumba wanje, uwo nama nshigikiye, uwo natoranije, ahimbara umutima wanje: nashize Mpwemu wanje kuri we; azoshikana amateka mu banyamahanga.

Yesaya 42:21

Vyahimbaye Uhoraho kudūza ivyagezwe no kuvyubahiriza, kubg’ ukugororoka kwiwe.

Matayo 12:18

ngo Nguyu umushumba wanje natoranije, Nkunda, ahimbara umutima wanje; Nzoshira Mpwemu wanje kuri we, Azomenyesha abanyamahanga amateka azocibga.

Matayo 17:6

Abigishwa bavyumvise, bubama hasi baratinya cane.

Matayo 3:17

Buno rer’ ijwi riva mw ijuru, rit’ Uyu ni we Mwana wanje nkunda, akampimbara.

Mariko 1:11

Ijwi riva mw ijuru, riti Ni wewe Mwana wanje nkunda ukampimbara.

Mariko 9:7

Maz’ igicu kiraza kibatera igitūtu, ijwi riva muri nya gicu, riti Nguyu Umwana wanje nkunda, ni mumwumve.

Luka 3:22

Mpwemu Yera aramanuka amugwako, afise ishusho y’umubiri usa n’inuma; ijwi riva mw ijuru, riti Ni wewe Mwana wanje nkunda ukampimbara.

Yohana 3:16

Kuk’ urukundo Imana yakunze abari mw isi ari rwo rwatumye itanga Umwana wayo w’ikinege, ng’ ūmwizera wese ntaz’ apfe rubi, arikw ahabge ubugingo budashira.

Yohana 3:35

Se arakunda Umwana, kandi yamuhaye vyose, abishira mu kuboko kwiwe.

Yohana 5:37

Kandi Data yantumye ni we anshingira intahe. Nta ho murumva ijwi ryiwe, kandi ntimurabona ishusho yiwe,

Ivyakozwe 1:9

Amaze kuvuga artyo, adūzwa babona, igicu kimukūra mu maso yabo.

Ivyakozwe 7:37

Uwo Mose ni we yabgiye Abisirayeli, at’ Imana izobahagurukiriza ūvugishwa na yo mu b’i wanyu, ameze nkanje.

Abanyefeso 1:6

kugira ng’ubgiza bg’ubuntu bgayo bushimwe, ubgo yatugabiriye mu wo ikunda.

Gusubira mu Vyagezwe 18:15

Uhoraho Imana yanyu azobahagurukiriza ūvugishwa na we ameze nkanje, ava muri mwebge, mu b’i wanyu: az’ abe ari we mwumvira.

Gusubira mu Vyagezwe 18:19

Ati Kand’ ūtazokwumvira amajambo yanje uyo azovuga mw izina ryanje, nzobimuhōra.

Gusubira mu Vyagezwe 5:22

Ayo majambo Uhoraho yayababgiye mukoraniye hamwe mwese kuri wa musozi, ntiyagira ikindi yongera kuri yo; ayavugisha ijwi rirenga, ayavugiye mu muriro, no muri ca gicu c’igipfungu, no mu mwiza w’ umuzimagiza. Araheza ayandika ku bisate bibiri vy’ amabuye, arabimpa.

Kolosayi 1:13

yadukijije ububasha bg’umwiza, atwimurira mu bgami bg’Umwana wiwe akunda.

Abaheburayo 5:9

kand’ amaze guhīngūrwa rwose, abera abamwumvira bose inyanduruko y’agakiza kadashira:

Ivyahishuwe 1:7

Eh’ arazanana n’ibicu, kand’ ijisho ryose rizomwibonera, n’abāmucumise bazomubona: kand’ amoko yose yo mw isi azoborogeshwa na we. Ni ko biri. Amen.

Ivyahishuwe 14:14

Kandi mbona igicu cera; no kuri kino gicu ūkivyagiyeko, asa n’Umwana w’umuntu, yambaye igitsibo c’izahabu mu mutwe, kand’ afise umuhoro ukarishe mu kuboko.