Matayo 17:2 - Bibliya Yera 1951 1967 (Burundi)

² Ahinduka ukundi imbere yabo, mu maso hiwe haka nk’izuba, impuzu ziwe zera nk’umuco.

Bibiliya mu Kirundi coroshe

² Bari ngaho, akayanganira imbere yabo, mu maso hiwe hakaka nk’izuba, impuzu ziwe zica ibibatsi kandi zera derere kurya kw’umuco.

Matayo 17:2 ပူးပေါင်းရင်းမြစ်များ

Zaburi 104:2

Wifubika umuco nk’umwambaro; Ugaranzura ijuru nk’ihema.

Indirimbo ya Salomo 6:10

Uyu ni nde arunguruka ameze nk’umutwenzi utambitse, Ni mwiza nk’ukwezi, Akayangana nk’izuba, Ateye ubgoba nk’igitero c’ ingabo zigendana amabendera?

Matayo 17:1

Imisi itandatu ishize, Yesu ajana Petero na Yakobo na mwene nyina Yohana, abadūgana igisozi kirekire ari bonyene.

Matayo 17:3

Maze Mose na Eliya barababonekera, bavugana na we.

Matayo 28:3

Ishusho yiwe yasa n’umuravyo, impuzu ziwe zera nka shelegi.

Mariko 9:3

impuzu ziwe zirakayangana, zera derere, kandi nta mumesuzi kw isi yoshoboye kuzeza artyo.

Luka 9:29

Arikw arasenga, ishusho yo mu maso hiwe ihinduka ukundi, imyambaro yiwe yera derere, irakayangana.

Yohana 1:14

Kand’ uwo Jambo yihaye umubiri, abana natwe, twitegereza ubgiza bgiwe, n’ubgiza bumeze nk’ubg’ Umwana w’ikinege ava kwa Se, yuzuye ubuntu n’ukuri.

Yohana 17:24

Data, abo wampaye ndagomba kw aho ndi na bo bahabana nanje, ngo barābe ubgiza bganje wampaye, kuko wankunze itanguriro ry’isi ritarashirwaho.

Abaroma 12:2

Ntimushushanywe n’ivy’ iki gihe, yamara muhinduke rwose, mugize imitima misha, kugira ngo mumenye neza ivy’ Imana igomba, ni vyo vyiza bishimwa, bitunganye rwose.

Ivyahishuwe 10:1

Mbona umumarayika wundi w’inkomezi, amanuka ava mw ijuru, yambaye igicu, no mu mutwe yari yambaye umunywamazi, mu maso hiwe hasa n’izuba, amaguru yiwe asa n’inkingi z’umuriro.

Ivyahishuwe 20:11

Mbona intebe niniya yera, mbona n’Iyivyagiyeko, isi n’ijuru bihunga mu nyonga hayo, aho vyahora ntihaba hakiboneka.