Matayo 12:2 - Bibliya Yera 1951 1967 (Burundi)

² Abafarisayo babibonye, baramubgira, bati Mbeg’ abigishwa bawe ko bakora ikizira gukorwa kw isabato!

Bibiliya mu Kirundi coroshe

² Abafarisayo babibonye, baca baramubwira bati: “Ehe raba abigishwa bawe bariko bakora ikizira ku musi w’Isabato!”

Matayo 12:2 ပူးပေါင်းရင်းမြစ်များ

Kuvayo 23:12

Mu misi itandatu muze mukore ibikorwa vyanyu, maze ku musi ugira indwi muze muruhuke, kugira ngw inka zanyu n’indogoba zanyu mukoresha na zo zibone kuruhuka, n’abana b’abaguranokazi banyu n’ab’ akavantara bari muri mwebge babone guta akuya.

Kuvayo 35:2

mu misi itandatu abe ari ho ibikorwa bikorerwa, arik’ ūgira indwi uz’ ubabere uwera, ube isabato yo kuruhūka bihebuje yerejwe Uhoraho; ūzogira igikorwa na kimwe awukorako, aze yicwe.

Yesaya 58:13

Ni wakūra ikirenge cawe, ngo ntukandagire isabato, ukareka gukora ivyo wigombeye ku musi wanje wera, arik’ ukita isabato umusi w’umunezero, mber’ umusi wanje wera ukawita uw’ icubahiro, ukawubaha, ntukore ivyo ugomba ubgawe, ntiwironderere gukora ivyawe, ntiwirirwe mu bijandijandi vy’ubusa,

Matayo 12:10

Kandi hārimw’ umuntu anyunyutse ukuboko. Baramubaza, bati Mbega birēmerwa gukiza kw isabato? Ngo baronke uko bomurega.

Matayo 12:3

Na we arababaza, ati Nta ho murasoma ico Dawidi yakoze, aho yar’ asonzanye n’abāri kumwe na we;

Mariko 2:24

Abafarisayo baramubaza, bati N’iki gitumye bakora ikizira gukorwa kw isabato?

Luka 14:3

Yesu abaza abigisha ivyagezwe n’Abafarisayo, ati Mbega biremerwa gukiza umuntu kw isabato, canke ntivyemerwa?

Luka 23:56

Basubira inyuma, bategura ibimota neza n’amavuta atāmirana. Kandi kw isabato bararuhuka, nk’uko vyagezwe.

Luka 6:2

Bamwe mu Bafarisayo barababaza, bati N’iki gitumye mukora ikizira gukorwa kw isabato?