Matayo 1:11 - Bibliya Yera 1951 1967 (Burundi)

¹¹ Yosiya yavyaye Yekoniya n’abandi bavukana, mu gihe co kwambukanwa i Babuloni.

Bibiliya mu Kirundi coroshe

¹¹ hanyuma Yosiya avyara Yekoniya n’abo bavukana igihe bajanwa kuba abanyagano i Babiloni.

Matayo 1:11 ပူးပေါင်းရင်းမြစ်များ

Yeremiya 27:20

ivyo Nebukadineza umwami w’i Babuloni atātwaye, igihe yajana Yekoniya mwene Yehoyakimu umwami w’i Buyuda ar’ inyagano, amukūye i Yerusalemu amujanye i Babuloni, bo n’abaganwa bose b’i Buyuda n’i Yerusalemu;

Daniyeli 1:2

Umwami Imana agabura Yehoyakimu umwami w’Abayuda mu maboko yiwe, bo n’ibintu vy’imbombovu bimwe vyo mu ngoro y’Imana, abijana mu gihugu c’i Shinari mu nzu y’imana yiwe; ashira ivyo bintu mu nzu y’ ububiko bg’iyo mana.

Yeremiya 39:9

Maze Nebuzaradani, umukuru w’abashibamyi, ajana i Babuloni amasigarira y’abantu bāri bagisigaye mu gisagara, n’abāri bāragiye kumwisaba, n’amasigarira y’abantu bāri bagisigaye, abajana ar’ inyagano.

2 Ivyo ku Ngoma 36:20

Abācitse bagakira inkota, uwo mwami abajana i Babuloni, abagira abaja biwe n’ab’ abahungu biwe, gushitsa igihe Abaperesi bashikiriye ingoma,

2 Ivyo ku Ngoma 36:10

Ku gacikamvura umwami Nebukadineza aratuma ngo bamuzane i Babuloni, bo n’ibintu vyiza‐vyiza vyo mu ngoro y’Uhoraho; yimika mukuru we Zedekiya ngw abe umwami w’i Buyuda n’i Yerusalemu.

2 Abami 25:11

Maz’ amasigarira y’abantu bāri bagisigaye mur’ ico gisagara, n’abāri baragiye kwisaba umwami w’i Babuloni, n’amasigarira y’abafundi, Nebuzaradani uwo mukuru w’abashibamyi abajana ar’ inyagano.

2 Abami 23:31

Yehowahazi yagiye ku ngoma amaze imyaka mirongwibiri n’itatu; ayimarakw amezi atatu ar’ i Yerusalemu; nyina yitwa Hamutali, umukobga wa Yeremiya w’i Libuna.

2 Abami 24:14

Ajana ab’i Yerusalemu bose ar’ inyagano, hamwe n’abo mu nda y’ ingoma bose, n’abahizi bose; abāfashwe bose na bose bār’ ibihumbi cumi, hamwe n’ababāji n’abacuzi bose; nta wasigaye mur’ ico gihugu atari ba nyarucari bo hanyuma y’abandi.

Yesaya 13:1

Imbūri yo kuri Babuloni, iyo Yesaya mwene Amosi yeretswe.

Matayo 1:12

Kuva mu gihe co kwambukanwa i Babuloni Yekoniya yavyaye Shalutiyeli, Shalutiyeli yavyaye Zerubabeli,

Matayo 1:17

Nuko ba sekuruza bose guhera kuri Aburahamu gushitsa kuri Dawidi n’icumi na bane, kandi guhera kuri Dawidi gushitsa ku gihe co kwambukanwa i Babuloni n’icumi na bane, kandi guhera ku gihe co kwambukanwa i Babuloni gushitsa kuri Kristo n’icumi na bane nyene.