Malaki 4:3 - Bibliya Yera 1951 1967 (Burundi)

³ Kandi muzosiribanga abanyakibi; bazoba umunyota musi y’ibirenge vyanyu ku musi nzoshinga, ni k’Uhoraho Nyen’ ingabo agize.

Malaki 4:3 ပူးပေါင်းရင်းမြစ်များ

Itanguriro 3:15

Nzoshira inyankane hagati yawe n’uyu mugore, no hagati y’uruvyaro rwawe n’urwiwe: ruzogukomeretsa umutwe, nawe uzorukomeretsa igitsintsiri.

2 Samweli 22:39

Narabatobekeranije, ntibābasha kuvyuka; Mbere bāguye musi y’ibirenge vyanje.

2 Samweli 22:43

Maze ndabasya, bacika nk’ umukungugu wo kw isi, Ndabasiribanga nk’umwavu wo ku nzira, ndabashwiragiza.

Yobu 40:12

Witegereze umwibone wese, umusubize hasi, Kand’ ufyonyorere abanyakibi aho bari.

Zaburi 147:6

Uhoraho aramira abaciye bugufi: Acisha abanyakibi bugufi, akabashitsa hasi.

Zaburi 49:14

Bacūrirwa i kuzimu nk’umukuku w’intama, Rupfu azobaragira: Abatunganye bukeye bazobaganza; Ubgiza bgabo i kuzimu hazobuhabga ngo habumare, ntibugire aho kuba.

Zaburi 91:13

Uzokandagira intambge n’ imamba, Uzosiribanga umugunza w’ intambge n’ikiyoka.

Yesaya 25:10

Kuk’ ukuboko kw’Uhoraho kuri kur’ uyu musozi, ariko Mowabu hazohonyangirwa ahantu haho, nk’ukw ivyatsi bihonyangirwa mu kiziba c’amaganga.

Yesaya 26:6

Ibirenge bizogisiribanga, ni vyo birenge vy’impahazwa, hahonyangwe n’ abakene.

GUCURA INTIMBA 1:15

Umwami Imana yatītūye abahizi banje bose bāba i wanje; Yarungitse abaza kungirirak’ umusi mukuru ngo bafyonyagure imisore yanje: Umwami Imana yahonyanze umukobga w’inkumi w’i Buyuda, nk’ūganira vino mu bgato.

EZEKIYELI 28:18

Kubg’ isinzi ry’ ibicumuro vyawe n’ubugunge bg’ ukudandaza kwawe, wahumanije ahēra hawe; ni co catumye ntuma umuriro uvuye muri wewe ukuyigiza, nkakugira umunyota urunze hasi imbere y’abo wabereye akabarore.

Daniyeli 7:18

Arikw abera b’Īsumba vyose bazohabga ubgo bgami, kand’ ubgo bgami bazobgegukira buhore ar’ ubgabo gushitsa ibihe bitazoshira.

Daniyeli 7:27

Kand’ ubgami n’inganji n’ubukuru bg’ubgami bgose buri musi y’ijuru hose bizogabirwa ubgoko bg’abera b’ Īsumba vyose; ubgami bgayo n’ubgami buzokwamaho, kand’ abami bose bazoyikorera bayumvire.

Mika 5:8

Kand’ amasigarira ya Yakobo azoba mu mahanga no mu moko menshi nk’intambge iri mu bikōko vyo mu kibira, canke nk’umugunza wayo uri mu mikuku y’intama: iyo uziciyemwo, urazinyukanyuka, ukazitabagura, ata wo kuzikiza.

Mika 7:10

Maz’ umwansi wanje azobirāba, yicwe n’isoni, uwahora ambgira, at’ Uhoraho Imana yawe iri hehe? Amaso yanje azomwibonera, igihe azosiribangwa nk’ ivyondo vyo mu nzira.

Zekariya 10:5

Abo bazomera nk’abahizi mu rugamba, basiribangira abansi babo mu vyondo vyo mu nzira; bazorwana, kuk’ Uhoraho ari kumwe na bo: kand’ abagendera ku mafarasi bazomāramāra.

Malaki 3:17

Uku ni k’Uhoraho Nyen’ ingabo agize, ati Bazoba abanje ku musi nzoshinga, babe abo niharije ubganje; kandi nzobagirira ikigongwe, nk’uk’ umuntu akigirira umwana wiwe amukorera.

Abaroma 16:20

Imana Nyen’ amahoro izofyonyorera Satani vuba musi y’ibirenge vyanyu. Ubuntu bg’Umwami wacu Yesu Kristo bubane namwe.

Ivyahishuwe 11:15

Umumarayika w’indwi avuza inzamba: mw ijuru hakurikira amajwi arenga, at’ Ubgami bg’isi buhindutse ubg’ Umwami wacu n’ubga Kristo wiwe, kand’ azohora ahangamye ibihe bitazoshira.

Ivyahishuwe 14:20

Ubgo bgato buganishirizwamw’ ibirenge inyuma ya ca gisagara, amaraso ava mu bgato, ashitsa stadiyo igihumbi n’amajana atandatu, agera ku mijiginya y’amafarasi.