Malaki 3:7 - Bibliya Yera 1951 1967 (Burundi)

⁷ Uhereye mu bihe vya ba sogokuruza muhora mukevya mugata amabgirizwa yanje, ntimuyitondere. Ni mungarukeko, nanje nzobagarukako, ni k’Uhoraho Nyen’ ingabo agize. Yamara muravuga, muti Twogaruka mu buryo ki?

Malaki 3:7 ပူးပေါင်းရင်းမြစ်များ

Nehemiya 9:26

Ariko ntibakwumviye, barakugarariza, bashiburira ivyagezwe vyawe inyuma yabo, bica abavugishwa nawe bāhora babahanura ngo babasubize kuri wewe, bakora ivyo kukuratsa bikomeye.

Yesaya 65:2

Nirirwa ntegeye amaboko ihanga rigarariza, bagendera mu nzira zitari nziza, bakurikira ivyabo vyiyumviro.

Yeremiya 16:11

Uz’ uce ubabgira, uti N’uko ba sogokuruza banyu bāmutaye, ni k’Uhoraho agize, bakagendanira izindi mana, bakazisaba bakazisenga, na we bakamuta, ntibitondere ivyagezwe vyiwe;

Yeremiya 16:12

kandi namwe mwakoze ibibi kurusha ba sogokuruza, kukw ehe rāba, umuntu wese muri mwebge agendera mu budadarare bg’umutima wiwe mubi, bigatuma mutamwumvira:

Yeremiya 3:22

Garuka, mwa bantu basubiye inyuma, nzoharira ugusubira inyuma kwanyu. Ehe tukugarutseko, kukw ari wewe Uhoraho Imana yacu.

Yeremiya 7:25

Uhereye umusi ba sogokuruza banyu bāviriye mu gihugu ca Egiputa ugashitsa no kur’ uyu musi, nabatumyekw abasavyi banje bose, ari bo mvugisha, nama nzindurwa uko bukeye no kubatuma:

Yeremiya 7:26

ariko na ho nyene ntibānyumvira, canke ngo batege ugutwi kwabo, ariko bagamika amazosi yabo; bagatako bagakora ibibi birengeye ivya ba sekuruza.

EZEKIYELI 2:3

Arambarira, ati Mwana w’umuntu, ngutumye ku Bisirayeli, kw ihanga ry’abagarariji bāngararije. Bāncumuyeko, bo na ba sekuruza, gushitsa no kur’ uyu musi nyene.

EZEKIYELI 20:13

Arikw ab’ inzu ya Isirayeli bārangararije bari mu bugaragwa: ntibāgendera mu mabgirizwa yanje, ariko bāgaye ivyagezwe vyanje, kand’ ari vyo bibeshah’ ūvyitondeye; kandi n’amasabato yanje bārayaziruye rwose. Nuko rero nca mmaramaza ko ngiye kubasukak’ uburake bganje bari mu bugaragwa, mbaherengeteze.

EZEKIYELI 20:21

Arikw abana babo na bo bārangararije; ntibāgendera mu mabgirizwa yanje, ntibakomeza ivyagezwe vyanje ngo bavyitondere, kand’ ari vyo bibeshah’ ūvyitondeye; bāzirūye amasabato yanje; nuko rero nca mvuga ko ngiye kubasukak’ uburake bganje, nkabīmarirakw ishavu mu bugaragwa.

EZEKIYELI 20:28

kuko, mmaze kubashitsa mu gihugu, ico narahiye mmanitse ukuboko ko nzobaha, uko babonye umusozi wose muremure n’igiti cose gitotahaye, baciye bahatangira ibimazi vyabo, baba ari ho bashikanira ishikanwa ryabo ryo kundatsa; ni ho batangiye ibizana imibabge imota neza, bakahasukira amashikanwa yabo y’ibiturire.

EZEKIYELI 20:8

Ariko barangararije, banka kunyumvira; nta n’umwe yataye ibizira yamizakw ijisho, kandi ntibāhevye ibigirwamana vyo muri Egiputa. Maze nca mvuga ko nzobasukak’ uburake bganje, nkabīmarirakw ishavu mu gihugu ca Egiputa.

Hoseya 14:1

Ewe Isirayeli we, garuka k’Uhoraho Imana yawe; kuko wagwishijwe n’ibigabitanyo vyawe.

Zekariya 1:3

Kubg’ ivyo uz’ ubabgire, ut’ Uku ni k’Uhoraho Nyen’ ingabo agize, ati Ni mungarukeko, ni k’Uhoraho Nyen’ ingabo agize, nanje nzobagarukako, ni k’Uhoraho Nyen’ ingabo agize.

Malaki 1:6

Umwana arubaha se, n’umushumba akubaha shebuja; non’ asangwa ndi So, kunyubaha kwanyu kuri hehe? Cank’ asangwa ndi Shobuja, igitinyiro canje kiri hehe ga yemwe baherezi bakēngēra izina ryanje? ni k’Uhoraho Nyen’ ingabo ababaza. Yamara muravuga, mut’ Izina ryawe twarikēngereye dute?

Malaki 3:13

Amagambo mwamvuze yar’ akomeye, ni k’Uhoraho agize. Yamara muravuga, muti Twakuvuze ibiki?

Matayo 23:27

Muzobona ibara, mwebge abanyabgenge b’ivyanditswe n’Abafarisayo, mwa ndyarya mwe, kuko musa n’imva zihomeshejwe ingwa, ziboneka inyuma zīkuyengeje, arikw imbere zuzuye amagufa y’abapfuye n’ibihumanya vyose.

Luka 15:16

Yifuza guhāzwa n’ibishishwa ingurube zārya, ntihāgira ūmunūtsa.

Abaroma 10:21

Ariko ku Bisirayeli aravuga, ati Nirirwa ntegeye amaboko ubgoko butumva butongana.

Abaroma 10:3

Ko batari bazi ukugororoka kuva ku Mana bakarondera kwishingira ukugororoka kwabo ubgabo, ntibāganjwe n’ukuva ku Mana.

Abaroma 7:9

Nanje kera nariho, ntafise ivyagezwe: maz’ icagezwe kije, icaha kirarabūka, nanje ndapfa;

Gusubira mu Vyagezwe 31:20

Kuko ni namara kubashikana mu gihugu narahiye ba sekuruza babo, igihugu gitemba amata n’ubūki, bakarya, bagahāga, bakadibama; bazohērako bahindukirire izindi mana, bazisabe, bankēngēre, bice isezerano ryanje.

Yakobo 4:8

Mwiyegereze Imana, na yo izobēgēra. Yemwe banyavyaha, ni mukarabe: yemwe ab’ imitima ibiri, ni mwiyeze imitima.